“Vīsoné,” Fakafeʻiloaki ʻo e Fakahinohino maʻá e Fānau mo e Toʻu Tupu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní (2019)
“Vīsoné,” Fakafeʻiloaki ʻo e Fakahinohino maʻá e Fānau mo e Toʻu Tupu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní
Vīsoné
Ke fakamālohia hoʻo tui kia Sīsū Kalaisí mo tokoniʻi koe mo ho fāmilí ke fakalakalaka ‘i he hala ‘o e fuakavá ‘i hoʻo fehangahangai mo e ngaahi faingataʻa ʻo e moʻuí.
Fekumi ki he Fakahaá
Te ke ako ai maʻau—he taimí ni ʻi ho taʻu motuʻá—ʻa e founga ke maʻu ai ha fakahā fakataautahá. Pea he ʻikai mo ha toe meʻa te ne liliu lahi ange hoʻo moʻuí ʻi he meʻa ko iá!
—Palesiteni Russell M. Nelson, “ ʻAmanakiʻanga ʻo ʻIsilelí,” fakataha lotu ʻa e toʻu tupú, 3 Sune 2018, fakalahi ki he New Era mo e Ensign, 2, ChurchofJesusChrist.org
Fakaʻaongaʻi e Tauʻatāina ke Filí
ʻOku puleʻi ʻe he meʻa ʻoku tau holi ki aí ʻa e meʻa ʻoku tau fakamuʻomuʻá, pea fakafōtunga ʻe he meʻa ʻoku tau fakamuʻomuʻá ʻa ʻetau ngaahi filí, pea fakapapauʻi ʻe he ngaahi filí ʻa e meʻa ʻoku tau faí. ʻOku fakapapauʻi mai ʻe he ngaahi holi ʻoku tau ngāue ki aí ʻa ʻetau liliú, lavameʻá mo e tuʻunga ʻoku tau aʻusiá.
—Palesiteni Dallin H. Oaks, “Holi ʻo e Lotó,” Ensign pe Liahona, Mē 2011, 42
Langaki Hake ha Vā Fetuʻutaki
ʻOku tau fie maʻu kotoa ha ngaahi kaungāmeʻa ke ʻofaʻi kitautolu, ke fanongo kiate kitautolu, ke fakahinohino mai ʻa e halá, pea mo fakamoʻoniʻi mai ʻa e moʻoní ka tau lava ʻo pukepuke e takaua ʻa e Laumālie Māʻoniʻoní. Kuo pau ke ke hoko ko ha kaungāmeʻa moʻoni pehē.
—Palesiteni Henry B. Eyring, “True Friends,” Ensign, Mē 2002, 29