“ʻUnu Maʻu Pē Ki Muʻa,” Fakafeʻiloaki ʻo e Fakahinohino maʻá e Fānau mo e Toʻu Tupu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní (2019)
“ʻUnu Maʻu Pē Ki Muʻa,” Fakafeʻiloaki ʻo e Fakahinohino maʻá e Fānau mo e Toʻu Tupu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní
ʻUnu Maʻu Pē Ki Muʻa
‘E tokoniʻi koe ʻi hoʻo feinga ke muimui ʻia Kalaisí ʻi hoʻo tupulaki ʻi he ngaahi tapa ko ʻeni ʻe faá ʻo fakafou ‘i he ako ʻo e ongoongoleleí, ngāue tokoní mo e ngaahi ‘ekitivitií, pea mo e fakalakalaka fakataautahá.
Ko Hono Ako ʻo e Ongoongoleleí
ʻOku ʻoatu ʻe hono ako ʻo e ongoongoleleí ʻi ʻapí mo e siasí ha fakavaʻe fakalaumālie ki he meʻa kotoa pē ʻi hoʻo moʻuí. ʻI hoʻo fakaʻaongaʻi e meʻa ʻokú ke akó, ʻe malava ke ke ʻiloʻi e ngaahi founga ke ke muimui fakafoʻituitui ai kia Sīsū Kalaisi, mo ho fāmilí, pe mo hoʻo kōlomú pe kalasí.
Ngāue Tokoní mo e Ngaahi ʻEkitivitií
ʻI hoʻo kau atu ki he ngāue tokoní mo e ngaahi ʻekitivitií, ʻe lava ke ke fiefia ai mo ho fāmilí, ngaahi kaungāmeʻá, mo e kau takí lolotonga hoʻo ako e ngaahi pōtoʻi ngāué, maʻu ha ngaahi aʻusia foʻou, mo tokoniʻi e niʻihi kehé. Te ke lava foki ʻo tokoni ʻaki hoʻo kau ʻi he ngaahi ouau toputapú. ʻOku fakatefito ʻa e ngāue tokoní mo e ngaahi ʻekitivitií ʻi he Luke 2:52 pea kau ai e ngaahi ‘ekitivitī lolotonga e uiké mo e ngaahi ʻekitivitī maʻá e toʻu tupú, ʻo hangē ko e ngaahi kemí, ʻalu ki he temipalé, mo e Ki hono Fakamālohia ʻo e Toʻu Tupú (KFT) mo e ngaahi konifelenisi ʻa e toʻu tupú.
Fakalakalaka Fakataautahá
Te ke lava ʻo muimui kia Sīsū Kalaisi ʻi hoʻo fakalakalaka fakataautahá, ʻi hoʻo fekumi ki he fakahā ki he founga te ke lava ai ʻo tupulaki ʻi he ngaahi tapa kotoa pē ʻo hoʻo moʻuí. Te ke lava ʻo fili e meʻa ke ke ngāue ki aí pea maʻu ha tokoni mei he fāmilí, ngaahi kaungāmeʻá, mo e kau takí.