“Endelea Kusonga Mbele,” Mwongozo wa Utangulizi kwa ajili ya Watoto na Vijana wa Kanisa la Yesu Kristo la Watakatifu wa Siku za Mwisho (2019)
“Endelea Kusonga Mbele,” Mwongozo wa Utangulizi kwa ajili ya Watoto na Vijana wa Kanisa la Yesu Kristo la Watakatifu wa Siku za Mwisho
Endelea Kusonga Mbele
Utasaidiwa katika juhudi zako za kumfuata Kristo unapoongezeka katika mambo haya manne kupitia kujifunza injili, kutumikia na kushiriki shughuli, na maendeleo binafsi.
Kujifunza Injili
Kujifunza injili nyumbani na kanisani kunakupatia msingi wa kiroho kwa ajili ya kila kitu katika maisha yako. Unapotumia kile unachojifunza, unaweza kugundua njia ambazo unaweza kumfuata Yesu Kristo wewe binafsi, pamoja na familia yako, au pamoja na darasa lako au akidi yako.
Huduma na Shughuli
Unaposhiriki katika huduma na shughuli, unaweza kufurahia pamoja na familia yako, marafiki, na viongozi wakati ukijifunza ujuzi, kuwa na uzoefu mpya, na kuwatumikia wengine. Unaweza pia kutumikia kwa kushiriki katika ibada takatifu. Shughuli pamoja na huduma zimejikita kwenye Luka 2:52 na hujumuisha shughuli za katikati ya wiki pamoja na shughuli za siku kadhaa kwa vijana, kama vile kwenda kambini, safari za hekaluni, na mikutano ya Kwa Ajili ya Nguvu kwa Vijana (KNV) na mikutano ya vijana.
Maendeleo Binafsi
Unaweza kumfuata Yesu Kristo katika ukuaji wako binafsi wakati ukitafuta ufunuo wa jinsi unavyoweza kuongezeka kwenye mambo yote katika maisha yako. Unachagua kipi cha kukifanyia kazi na unaweza kupata msaada kutoka kwa familia yako, marafiki, na viongozi.