Parau poro’i nā te Peresidenira’a Mātāmua

E te mau taea’e ’e te mau tuahine here ē,

E mau tamaiti ’e e mau tamāhine herehia e te Atua, te mau tamari’i ’e te feiā ’āpī o te ’Ēkālesia a Iesu Mesia i te Feiā Mo’a i te mau Mahana Hope’a nei. E maita’i rahi tō rātou nō te fa’atupu i te hō’ē fa’aurura’a rahi i ni’a i te ao nei.

’Ua riro te mau parau tumu i ha’api’ihia i roto i teie tauto’ora’a nā te mau tamari’i ’e te feiā ’āpī ’ei hō’ē rāve’a teitei a’e, te mo’a a’e nō te fa’aitoito i te u’i e ti’a mai nei ’ia pe’e ia Iesu Mesia ’e ’ia fa’a’ohipa i tāna ’evanelia i roto i te mau tuha’a ato’a o tō rātou orara’a. I roto i teie tauto’ora’a rahi tē vai ra te ’apora’a mai i te ’evanelia, te ha’amaita’ira’a nō te tāvinira’a, te fa’ahotura’a i te ta’ata iho, ’e te mau fa’a’oa’oara’a fa’ahiahia. E ha’amata teie tauto’ora’a i te fare. E hōpoi’a mo’a nā te mau metua ’ia ha’api’i i tā rātou mau tamari’i i roto i te māramarama ’e te parau mau. E pāturu ’e e arata’i maita’i te feiā fa’atere i te mau tamari’i, te feiā ’āpī, ’e tō rātou mau ’utuāfare.

’Ua here mātou ia ’outou. Tē ti’aturi nei mātou ia ’outou. Tē fafau atu nei mātou ē, e tāmau noa tō tātou Metua i te ao ra i te ha’amaita’i ’e i te pāturu ia ’outou ’a fa’atere ai ’e ’a arata’i ai ’outou i tāna mau tamari’i i roto i te fa’aro’o.

Te Peresidenira’a Mātāmua ’e te pupu nō te Tino ’Ahuru Ma Piti ’āpōsetolo

Hi’ora’a ātea

Ha’apūai i te fa’aro’o ia Iesu Mesia o te u’i e ti’a mai nei, ’e e tauturu i te mau tamari’i, te feiā ’āpī ’e tō rātou mau ’utuāfare ’ia haere i mua i ni’a i te ’ē’a o te fafaura’a ’a fārerei ai rātou i te mau tāmatara’a o te orara’a nei.