« Mau rāve’a nō te tauturu », Te mau tamari’i ’e te feiā ’āpī o te ’Ēkālesia a Iesu Mesia i te Feiā Mo’a i te mau Mahana Hope’a nei : Hō’ē arata’i ’ōmuara’a nā te mau metua ’e te feiā fa’atere (2019)

« Mau rāve’a nō te tauturu »

Mau rāve’a nō te tauturu

E roa’a te mau rāve’a ’āfa’ifa’i, i ni’a i te natirara, ’e te mea nene’ihia. E roa’a i te mau metua, i te feiā fa’atere ta’ata pa’ari, i te mau peresideinira’a o te pupu ’e i te feiā ’āpī te mau mauha’a nō te ha’amau i te mau ’ōpuara’a, te mau mana’o nō te mau ’ōpuara’a, te mau mana’o nō te ’ohipa tāvinira’a ’e te mau fa’a’oa’oara’a i te fare ’e i te fare purera’a, te mau arata’ira’a nō te pārurura’a, ’e te mau fa’auera’a.

Mau rāve’a tauturu

Hōho’a

niuniu ’āfa’ifa’i

Te fa’anahora’a ’āfa’ifa’i : Orara’a i te ’evanelia

’Ua fa’ata’ahia te fa’anahora’a ’āfa’ifa’i, te Orara’a i te ’Evanelia (iOS ’e Android), ’ia riro ’ei mea fa’auru, ’ei mea fa’arave, ’ei mea ’ārearea, ’e ’ei mea faufa’a nō te orara’a o te mau mahana ato’a. E pāturu te reira i te hō’ē orara’a fa’atumuhia i ni’a i te Mesia nā roto i :

Te mea fa’auru e vai ra i roto
Te mau fa’aha’amana’ora’a
Te mau mana’o nō te fa’a’oa’oara’a
Te ’āparaura’a
Te pāpa’ira’a ’ā’amu
Te mau ’ōpuara’a a te ta’ata iho

’Imi i te Apple app store ’e te Android app marketplace nō te Gospel Living (Church of Jesus Christ).

Hōho’a

feiā ’āpī e hi’o ra i te mātini roro uira

Tahua : ChildrenandYouth.ChurchofJesusChrist.org

E hōro’a mau te tahua Children and Youth development i te mau rāve’a tauturu nō te pāturu i te mau metua, te mau tamari’i, te feiā ’āpī ’e te feiā fa’atere.

Mau rāve’a tauturu nā te metua ’e te ’utuāfare
Te rāve’a tauturu ’e te mau hi’ora’a nāhea ’ia pāturu ’e ’ia fa’aitoito i te mau tamari’i ’e i te feiā ’āpī
Mau rāve’a tauturu nō te fa’a’oa’oara’a a te Paraimere
Mau arata’ira’a nō te ’ohipa tāvinira’a ’e te fa’a’oa’oara’a, te mau hi’ora’a ’e te mau mana’o.
Mau hi’ora’a (te ’ōpuara’a) ’e te mau mana’o nō te fa’ahotura’a o te ta’ata iho
Mau rāve’a tauturu nō te ha’api’ipi’ira’a i te peresidenira’a piha ha’api’ira’a ’e te pupu
Mau tuha’a e nehenehe e fa’auta uira mai i te mau mātēria nene’ihia

Nene’i : Fa’ahotura’a i te mau tamari’i ’e te feiā ’āpī

I te vāhi e hina’arohia, e roa’a te mau buka iti nene’ihia nō te pāturu i te mau parau tumu nō te fa’ahotura’a i te mau tamari’i ’e te feiā ’āpī, ’e nō te tauturu i te mau tamari’i ’e te feiā ’āpī ’ia fa’anaho i tō rātou fa’ahotura’a o te ta’ata iho.

Tāmau noa i te haere i ni’a i te ’ē’a nō te fafaura’a

Hōho’a

Hiero nō Roma (’Ītāria)

’A nu’u ai te feiā ’āpī i te ta’ahira’a i muri iho o tō rātou orara’a, e hōro’a te Sōtaiete Tauturu ’e te Pupu peresibutero i te mau rāve’a hau atu nō te ’ite i te ’oa’oa ’e te tupura’a i te rahi ’a rohi ’āmui ai rātou nō te fa’aoti i te ’ohipa o te fa’aorara’a.