ITUKUTUKU TAUMADA

Na Vosa Vakatautauvata ni Draiva ni Basi

“Na itekitekivu ni bula rawati koya sa vaka e dua na basi e gadreva e dua na draiva e vakalaiseni.

“E ratou bulia na basi na vakailesilesi ni Veiqaravi ni Bula Rawati Koya. Sa vakau sara ki na valenivolavola ni ivurevure ni bula rawati koya, ka laki vakavinakataki mai vei iratou na komiti ni bula rawati koya ni iteki. E ratou na veivuke sara na kenadau ni bula rawati koya kei ira na dauveivakarautaki ni ilawalawa mera vodo ena basi o ira na lewenilotu (ia mera voda ga vakataki ira ena basi). E rau draiva ni basi o peresitedi ni iteki kei bisopi.

“Mera na cakava taucoko na nodra dui itavi mera rawata na lewenilotu na bula rawati koya; ia, kevaka e rau sega ni wirica na nodrau ki me tekivu na idini o peresitedi ni iteki kei bisopi, ena sega ni dua ena gole ki na dua na vanua.”

Ronald Aban, Manidia ni Veiqaravi ni Bula Rawati Koya e Tacloban, mai Filipaini

E levu tu na veika e gadrevi vei keda. E vuqa na lewenilotu era sega tu ni bula rawati koya ka sega ni rawa mera “vakarautaka na veika ni bula vakayalo kei na veika vakayago me baleti ira kei na nodra matavuvale.”¹ Na nodra muataki na tamata mera bula rawati ira sa cakacaka ni veivakabulai. E vakavulica o Peresitedi Thomas S. Monson: “Na [bula rawati koya] sa dua na gacagaca bibi ni noda bula vakayalo vakakina na noda bula vakayago raraba. … ‘Meda bula rawati keda ka tu vakataki keda. E sega tale ni dua na ivakavuvuli ena rawati kina na veivakabulai.’”²

O ira era gadreva na veivuke mera bula rawati ira vakalevu cake e rawa ni okati kina o ira era dauvukei ena isolisoli ni lolo, ira na lesu mai na kaulotu, curuvou, lewenilotu luluqa tu kei ira na iliuliu vakamatabete era gadreva tiko na cakacaka vinaka cake. Ena Nona Lotu, sa vakarautaka tiko kina na Turaga ena gauna oqo na iyaya ni cakacaka vou kaukauwa, ivurevure, kei na kena ivakarau e vakamacalataki tiko ena idusidusi oqo mera vukei na lewenilotu ki na nodra salatu ki na bula rawati koya.³

Oi kemuni na iliuliu ni matabete, sa kaya oqo vei kemuni na Turaga, “Raica au sa solia vei kemudou … na lewa … ka qaravi vakavinaka kina na cakacaka kece ni lotu; io mera vakatataki cake kina na noqu tamata” (V&V 124:143), vakakina, “Ko koya sa soli vua na kaukauwa oqori sa sega ni ka dredre vua me kila na veika dina me ra vakabulai kina na luve ni tamata” (V&V 128:11). Wilika “Na Vosa Vakatautauvata ni Draiva ni Basi” ena imatau. Yalovinaka vakasamataka vakatitobu vakamatau na nomu itavi ni nomuni tosoya yani na ituvatuva taumada bibi oqo.

A vakarautaki na idusidusi ni liuliu oqo me vukei iko mo vakayagataka na nomu idola, cakacakataka na nomu iyaya vou ni cakacaka, ka vukei ira na lewenilotu mera vukei ira vakai ira mera bula rawati ira. Ni ko cakava oqo, ena dusimaki iko na Yalo Tabu ka na cakava na Turaga mo Nona iyaya ni cakacaka ni nodra vueti na dravudravua kei na vakaleqai ka vakusakusataki na Nona cakacaka ni veivakabulai.

Tabaka na Lotu i Jisu Karisito ni Yalododonu Edaidai
Salt Lake City, Utah

Vakadonui me Vakavalagi: 6/15
Vakadonui me vakadewa 6/15
Vakadewa ni Leader Guide
Fijian
12373 858