iVurevure

Valenivolavola ni iVurevure ni Bula Rawati Koya

Era sa vakauqeti na iteki mera tauyavutaka e dua na valenivolavola ni bula rawati koya ena veivale ni Lotu, vakavuqa era dau wasea vata kei na dua na valenivolavola ni tuva kawa. Era dau vakailesilesi ni valenivolavola ni bula rawati koya na daukaulotu veiqaravi ni Lotu kei na volodia ka vakarautaka na Initaneti, na veiuqeti, kei na ivurevure veivukei tale eso vei ira na vaqara cakacaka, o ira era vakacakacakataki ira ga kei ira era vakarau laki vuli.

iLawalawa ni Bula Rawati Koya

Meu na vakarautaka vakacava na toso ni nodra bula rawati ira na lewenilotu ena noqu tabanalevu se iteki?

Ni ko vukei ira yani na nomu tabanalevu se iteki me bula rawati koya, sa rawa mo wilika vakaituvatuva na levu ni lewenilotu era:

1. Sa kilai mai vei bisopi ni ra sega tiko ni bula rawati ira.

2. Sa vakacavara na Noqu Salatu.

3. Sa vakacavara na Noqu Yavu.

4. Sa tekivuna e dua na bisinisi, dua na cakacaka vinaka, se dua na parokaramu ni vuli.

Na soqoni ni dua na ilawalawa ni bula rawati koya e vakatotomuria e dua na matabose ka duatani mai na vuqa na kalasi ena Lotu, lesoni, kei na vuli tale eso. E sega kina na qasenivuli se dauniveituberi. Ia, o ira na lewe ni ilawalawa era veivakasalataki, vuli vata, era veituberi vakai ira, vakadeitaka mera cakava na veika era sa vulica tiko, ka ra dui veilesi vakai ira ena iyalayala. Na veiuqeti vakailawalawa kei na iwalewale ni veivakasalataki oqo, vata kei na ivoladusidusi vakacakacaka kei na vidio, sa vakarautaka e dua na draki vakasakiti ni vuli ka veivaqaqacotaki vei ira na lewena yadua ena nodra rorova yani e dua na bula rawati koya.

Era dau kaciva na iliuliu ena iteki se na tabanalevu na kenadau ni bula rawati koya me ra tauyavutaka ka raica na veilawalawa ni bula rawati koya. O ira na dauveivakarautaki ni ilawalawa era sega ni qasenivuli; ia era vukea na ilawalawa mera muria na ituvatuva ni bula rawati koya e tiko ena ivolavakarau. Na dauveivakarautaki ena gadreva me curu ki na Initaneti kei na sala me vakaraitaka na vidio ena veisoqoni vakailawalawa. E rawa vei ira na iliuliu me ra tauyavutaka na levu ga ni veilawalawa ka kaciva e levu na kenadau ni gadrevi vakakina. E rawa ni ra kacivi na lewe ni ilawalawa eso mera veivakarautaki kevaka e gadrevi. Na ilawalawa yadua me dau bose vaka 12 ke lailai me rua na auwa dua na bose ka lewe 8 ki na 14 na lewena. E rawa ni ra sota na ilawalawa ena valenivolavola ni ivurevure ni bula rawati koya ni iteki, ena veivale ni Lotu, se so tale na vanua veiganiti ka rawarawa vei ira na lewena.

Era na vakatulewataka na iliuliu ena veivanua se ilawalawa cava e gadrevi ena nodra tabanilotu.

1. Na ilawalawa ni Tekivuna ka Vakatubura na Noqu Bisinisi ena vukei ira na tamata me ra vakavinakataka cake na nodra bisinisi. Na veilawalawa oqo e vakaisosomitaka na Veituberi ni Vakacakacakataki Keda Vakataki Keda.

2. Na ilawalawa ni Noqu Vaqara Cakacaka ena vukei ira na tamata me ra kunea na cakacaka vou se vinaka cake. Na ilawalawa oqo eso sa sosomitaka Na Veituberi ni Vaqara Cakacaka.

3. Na ilawalawa ni Vuli me baleta na Cakacaka Vinaka Cake ena vukei ira na tamata me ra raica e dua na sala vakavuli me vakalevutaka cake na kedra isau. Na ilawalawa oqo e vakaisosomitaka na iTuvatuva ki na Qaqa.

Ni ra lewe ni ilawalawa yadua, era na vulica talega e 12 na ulutaga vakaivunau me baleta na bula rawati koya mai na ivolalailai NoquYavu: iVakavuvuli, Maqosa, iTovotudei.

Veitokoni ni Vakailesilesi Vakacakacaka ena Lotu kei na Lisi Vakadonui ni iVurevure

E vakacakacakataki ira na tamata ena veivanua eso na Lotu me vukea na sasaga ni bula rawati koya. Oqo e okati kina e dua na manidia ni bula rawati koya ni iwasewase (MBRK), e dua na manidia ni cakacaka ni Veiqaravi ni Bula Rawati Koya, manidia ni Veiqaravi ni Bula Rawati Koya, kei na vakailesilesi tale eso. O ira na tamata cakacaka saumi oqo era veivuke ena kena cokonaki na gagadre ni veivalenivolavola ni ivurevure ni bula rawati koya ka vakarautaka vei ira na iteki na ivurevure kei na veituberi. Na ivurevure eso oqo e okati kina na dauveiuqeti, ituvatuva ni Parokaramu Taleitaki kei na Koronivuli, madigi ni cakacaka e veivanua, kei na yaca ni veisoqosoqo dausoli ilavo me baleta na ilavo ni tekivutaki bisinisi.

Mataveilawa ni Bula Rawati Koya

Eso tale na itukutuku me baleti ira na iliuliu kei na lewenilotu sa tu ena initaneti ena srs.lds.org.

iVurevure ni iLiuliu kei Vunivola

Sa rawa me tokoni bisopi na iYaya ni Cakacaka ni Bula Rawati Koya ni Uabula Lewenilotu ena nodra kila ka raica matua na lewenilotu e vakaleqai tiko na nona bula raraba. E rawa ni kunei na ivurevure oqo ena leader.lds.org/self-reliance.

Lotu ni Noqu Sala ki na Bula Rawati Au

Era dau vakayacora na iteki kei na tabanalevu na lotu ni Noqu Sala ki na Bula Rawati Au . Na lotu oqo ena tekivutaki ira na lewenilotu ena sala ki na bula rawati koya me vukei ira me ra kila na kena bibi vakaivunau na bula rawati koya, me ra raica lesu na kedra ituvaki ena gauna oqo ni bula rawati koya, me ra raica na kila vakacakacaka kei na isau e gadrevi me ra bula rawati ira kina vakayago, ka digitaka na ilawalawa ni bula rawati koya ena vukea me ra rawata na nodra takete. Na ivola ni cakacaka ni Noqu Sala ki na Bula Rawati Au ena cokonaka na iwalewale oqo. Na vakadidike e rawa talega ni vakayacori vakatamata yadua, vata kei na dua na iliuliu vakabete, kei na dua na kenadau ni bula rawati koya, ena dua na valenivolavola ni ivurevure ni bula rawati koya, se ena dua tale na ituvaki. Sarava na “How to Use My Path” ena srs.lds.org/videos.

Vidio ni Veituberi

Sarava ena onolaini na vidio eso oqo ena srs.lds.org/videos.

Sarasara	Ulutaga ni Vidio
iLiuliu	I Will Provide for My Saints
	Komiti ni Bula Rawati Koya ena iTeki
	Bose ni Komiti ni Bula Rawati Koya ena iTeki
	Kenadau ni Bula Rawati Koya ena iTeki
	Vukea na Matabose ni Tabanalevu
	Vakaduri ni iLawalawa ni Bula Rawati Koya
	Laboring unto Self-Reliance
	Vidio My Foundation (12)
Dauveivakarautaki	Noqu iNaki
	Vakaduri ni iLawalawa ni Bula Rawati Koya
	Sala ni: Vakavakarau
	Sala ni Veiliutaki: Noqu Yavu
	Sala ni Veiliutaki: Ripote
	Sala ni Veiliutaki: Vulica
	Sala ni Veiliutaki: Vakasamataka Vakatitobu
	Sala ni Veiliutaki: Yalataka
	Sala ni: Liutaki Vakacava na Bose
	Vuli ni “Lako ka Kitaka”

Kidavaki ni Talemuri

Yalovinaka ni vakauta na nomuni nanuma, talemuri, vakatutu kei na veika sa sotavi ena [e-mail] se srs.lds.org/feedback.

iYaya ni iLawalawa

Na iyaya, vidio, kei na veituberi era tiko ena Gospel Library mobile application kei na onolaini ena srs.lds.org. E rawa ni otataki talega na iyaya ena sitoa ni Lotu.

Noqu Sala ki na Bula Rawati Au

O ira kece na vakaitavi era tekivu ena ivolalailai oqo mera vakadeitaka kina na ivakatagedegede ni nodra bula rawati ira ena gauna oqo ka mera lewa na ilawalawa cava ena vukea mera na bula rawati ira kina. Na ilawalawa e okati kina na vakacakacakataki koya, vaqara cakacaka, kei na vuli.

Noqu Yavu: iVakavuvuli, Maqosa Vakacakacaka, iTovotudei

Era na vakayagataka na lewe ni ilawalawa e tolu na ivolalailai oqo ena bose yadua mera veivosakitaka ka bulataka na ivakavuvuli vakayalo yaga ni bula rawati koya.

Tekivuna ka Vakatubura Noqu Bisinisi

Kivei ira sa tiko na nodra bisinisi se vinakata me tekivuna e dua. Era na vakatovotovotaka na lewe ni ilawalawa na volai ni itukutuku, makete, kei na lewai matau ni ilavo. Era na vakatovotovotaka talega na veisala eso me tubu kina na kedra isau mai na vakadidike ni bisinisi lalai eso.

Noqu Vaqara Cakacaka

O ira sa tiko vei ira na kila me dua kina na nodra cakacaka vinaka. Era na kune cakacaka na lewe ni ilawalawa ni ra raica na madigi eso, veitaratara, vakamacalataki ira vakaqaqa, ka vakavakarau ki na taro ni veivakatarogi. Na vakaitavi ena ilawalawa oqo ena rawa kina na kune cakacaka.

Vuli me baleta na Cakacaka Vinaka Cake

Kivei ira era gadreva na vuli se veituberi me rawati kina na cakacaka vinaka se tekivuna e dua na bisinisi. Era na kila na lewe ni ilawalawa na cakacaka ena vukea mera bula rawati ira ka laurai sara e dua na koronivuli se parokaramu (oka kina na Sala) e veimuataki ki na cakacaka o ya. Na vakaitavi ena ilawalawa oqo ena rawati kina e dua na ituvatuva ni vuli kei na dinau mai na LVV (ke gadrevi).

O ira na lewe ni ilawalawa era vakacavara na veika e lavaki tu ena Noqu Yavu kei na Tekivuna ka Vakatubura Noqu Bisinisi sa rawa ni ra rawata na setivikiti mai na LDS Business College.