iTavi nei iLiuliu ni Matabete

“Na bula rawati koya e vua ni noda cakacaka ka ivakadei ni veicakacaka kece tale vakawelefea. … ‘Me da cakacakataka na veika eda gadreva. Me da bula rawati keda ka tu vakataki keda. E sega tale ni dua na ivakavuvuli ena rawati kina na veivakabulai.’”

Thomas S. Monson (cavuta na vosa nei Marion G. Romney), “Guiding Principles of Personal and Family Welfare,” Ensign, Sepi. 198, 63

Mataveiliutaki ni iTeki (se Mataveiliutaki ni Tikina)

1. Vulica ka vakavulica na vunau kei na ivakavuvuli ni bula rawati koya (raica na waqana e muri). Vakasalataki ira na bisopi kei ira na lewe ni komiti ni bula rawati ira ni iteki ena nodra ilesilesi ni bula rawati koya.

2. Vakamatatataka na inaki ni bula rawati koya ena iteki.

3. Tauyavutaka e dua na komiti ni bula rawati koya ni iteki ena rawa ni cakava, tekivuna, ka cicivaka na ituvatuva ni cakacaka ni bula rawati koya me baleta na iteki.

4. Vakabibitaka na nodra sureti na lesu mai na kaulotu kei ira na curuvou mai (me vaka e gadrevi) me ra vakaitavi ena itaviqaravi ni bula rawati koya.

5. Okata na bula rawati koya me lewe ni veivosaki ena matabose ni iteki.

6. Kaciva e dua na kenadau ni bula rawati koya ena iteki.

7. Kacivi ira na daukaulotu ni veiqaravi ena Lotu ni gadrevi.

8. Railesuva ka cakacakataka na ripote ni toso ni bula rawati koya ena iteki kei na ripote ni dinau ena LVV.

9. Veidusimaki ena kena vakayagataki na valenivolavola ni tuva kawa me baleta na inaki ni bula rawati koya ni gadrevi.

Komiti ni Bula Rawati Koya ni iTeki

“E sega ni dua na leqa ena matavuvale, tabanalevu, se iteki me na sega ni rawa me wali kevaka me da vakaraica na iwali ena sala ni Turaga ena veivakasalataki—na veivakasalataki dina sara—vei keda vakaikeda.”

M. Russell Ballard, Veivakasalataki kei na Noda Matabose rev. ed. (2012), 4

Na komiti ni bula rawati koya ni iteki era wili kina o ira oqo: e dua na daunivakasala ena mataveiliutaki ni iteki (jeameni), na lewe ni matabose e cake ka qarava na bula rawati koya, dua na lewe ni mataveiliutaki ni iSoqosoqo ni Veivukei ni iteki, jeameni ni nodra matabose ni welefea na bisopi, kei na kenadau ni bula rawati koya ni iteki. Eso tale ke gadrevi e rawa ni ra lewena oya na mataveiliutaki ni Cauravou kei na Goneyalewa ena iteki, eso tale na kena dau ni iteki, daukaulotu tudei qase kei na daukaulotu veiqaravi vaka-Lotu.

1. Sarava na vidio “Laboring unto Self-Reliance” (e tiko ena srs.lds.org/video).

2. Taracake, vakayagataka, ka raica tiko e dua na ituvatuva vakacakacaka ni bula rawati koya ena iteki.

3. Dau vakayacora e veigauna eso na lotu ni Noqu Sala ki na Bula Rawati Koya (raica na tabana e 4).

4. Tauyavutaka ka lesia eso na vakailesilesi ni dua na valenivolavola ni bula rawati koya ni iteki. Lesia e dua na veiwatini daukaulotu veiqaravi vaka-Lotu se dua na kenadau ni bula rawati koya me liutaka na cicivaki ni valenivolavola ka tauyavutaka e dua na ilawalawa ni bula rawati koya (raica na tabana e 2).

5. Vakavulica na veimatabose ni tabanalevu ena nodra itavi ni bula rawati koya.

6. Vakayagataka na ivurevure kei na veiqaravi era vakarautaka na tamata cakacaka ena Tabana Vakaveiqaravi ni Bula Rawati Koya.

7. Sureti ira na daukaulotu oti kei ira na curuvou (ke gadrevi) mera vakaitavi ena lotu ni Noqu Salatu ka oka vata kei ira na ilawalawa ni bula rawati koya.

Kenadau ni Bula Rawati Koya ni iTeki

Ena veiqaravi na kenadau vakaisema ena cakacaka kece sara ni Tabana Vakaveiqaravi ni Bula Rawati Koya (komiti ni bula rawati koya ena iteki, valenivolavola ni bula rawati koya, kei na manidia ni Tabana Vakaveiqaravi ni Bula Rawati Koya).

1. Vakarautaka na lewe ni veivosaki ni komiti ni bula rawati koya ena iteki.

2. Tuberi ira na daukaulotu veiqaravi vaka-Lotu kei ira na volodia mera cicivaka e dua na valenivolavola ni bula rawati koya.

3. Vakavulica ka raici ira na kenadau ni bula rawati koya ena iteki.

4. Otataka na iyaya ni bula rawati koya kevaka e gadrevi.

5. Vakavulici ira ka vukei ira na bisopi kei na matabose ni tabanalevu kevaka e kerei.

6. Veivuke ena nodra rejisitataki na lewenilotu ena srs.lds.org/register.

7. Tauyavutaka, raica, tokona, ka cokonaki ira na veilawalawa ni bula rawati koya. (E rawa ni ra kacivi eso tale na kenadau mera cokonaki ira na veilawalawa kevaka e gadrevi.)

8. Vulica ka muria na ivakavuvuli e kunei ena initaneti srs.lds.org/facilitator.

Matabisopi (se Mataveiliutaki ni Tabana)

“E sega tale ni gadrevi e dua na isoqosoqo vou me qaravi kina na nodra gagadre na tamata oqo. Na ka ga e gadrevi me vakacakacakataki na matabete ni Kalou.”

Harold B. Lee, “Admonitions for the Priesthood of God,” Ensign, Janu. 1973, 104

1. Vakavulica vei ira na lewe ni tabanalevu na ivunau kei na ivakavuvuli ni bula rawati koya (raica na waqana e muri).

2. Dusimaka na sasaga ni bula rawati koya mai na matabose ni tabanalevu:

   • Raica, wilika, ka sureti ira taucoko na lewenilotu vakaleqai mera na rawa ni bula rawati koya. Na iYaya ni Cakacaka ni Bula Rawati Koya ni Tamata Uabula Lewenilotu e tiko ena leader.lds.org/self-reliance ena rawa me veivuke ki na cakacaka oqo.

   • Mai vei ira na iliuliu ni kuoramu kei na mataisoqosoqo, vakarautaka na veitokoni, dauveiuqeti, kei na veivuke vei ira era vakaleqai tu.

3. Sureti ira era vakaleqai tu mera vakalewena e dua na ivolalailai ni Noqu Sala ki na Bula Rawati Au ka ra lewena e dua na ilawalawa ni bula rawati koya.

4. Kaciva eso na kenadau ni bula rawati koya ena tabanalevu me ra cokonaki ira na ilawalawa kevaka e gadrevi.

5. Cakava na veivakatarogi ni veitokoni ki na dinau ni LVV (raica na srs.lds.org/loans).

6. Railesuva ka cakacakataka na ripote ni toso ni bula rawati koya ni tabanalevu kei na ripote ni dinau ena LVV. E sega ni dodonu me ra vakaitavi na bisopi ena sokumuni ni dinau ni LVV.

7. Vaqara na ikuri ni veivuke mai vei iratou na komiti ni bula rawati koya ni iteki kevaka e ganita.