Քահանայության ղեկավարների պարտականությունները

«Ինքնապահովումը մեր աշխատանքի արդյունքն է և մյուս բոլոր բարեգործական ձեռնարկումների հիմքը: … Եկեք աշխատենք մեր կարիքների համար։ Եկեք լինենք ինքնապահովող և անկախ: Փրկությունը կարող է ձեռք բերվել միայն այդ սկզբունքով»։

Thomas S. Monson (quoting Marion G. Romney), “Guiding Principles of Personal and Family Welfare,” Ensign, Sept. 1986, 3

Ցցի նախագահություն (կամ Շրջանի Նախագահություն)

1. Սովորեք և ծխերի անդամներին ուսուցանեք ինքնապահովման վարդապետությունները և սկզբունքները (տես վերջին կազմերեսին)։ Եպիսկոպոսներին ու ցցի ինքնապահովման հանձնախմբի անդամներին հրահանգավորեք ինքնապահովման իրենց պարտականությունների վերաբերյալ։

2. Որոշեք ցցի ինքնապահովման նպատակները։

3. Կազմավորեք ցցի ինքնապահովման հանձնախումբ, որը կարող է մշակել, իրականացնել և վերահսկել ցցի ինքնապահովման գործողության ծրագիրը։

4. Առաջին հերթին հրավիրեք վերադարձող միսիոներներին և նորադարձներին (ըստ անհրաժեշտության) մասնակցելու ինքնապահովմանն ուղղված միջոցառումներին։

5. Ինքնապահովման հարցերն ընդգրկեք ցցի խորհրդի օրակարգում։

6. Կանչեք ցցի ինքնապահովման մասնագետ։

7. Անհրաժեշտության դեպքում կանչեք Եկեղեցու ծառայության միսիոներներին։

8. Ստուգեք և աշխատեք ցցի ինքնապահովման առաջընթացի և ՄԿՀ վարկային հաշվետվությունների վրա։

9. Ընտանեկան պատմության կենտրոնին ցուցումներ տվեք, որպեսզի նրանք, անհրաժեշտության դեպքում, կիսվեն ինքնապահովման նպատակներով։

Ցցի ինքնապահովման հանձնախումբ

«Ընտանիքում, ծխում կամ ցցում չկա մի խնդիր, որը չի կարելի լուծել, եթե մենք լուծումներին նայում ենք Տիրոջ ձևով՝ խորհուրդ անելով, – իսկապես խորհրդակցելով, – իրար հետ»։

Մ. Ռասսել Բալարդ, Counseling with Our Councils, rev. ed. (2012), 4

Ցցի ինքնապահովման հանձնախումբը բաղկացած է հետևյալ մարդկանցից՝ ցցի նախագահության անդամից (նախագահող), ինքնապահովման համար պատասխանատու բարձրագույն խորհրդականից, ցցի Սփոփող Միության նախագահության անդամից, եպիսկոպոսների բարօրության խորհրդի նախագահից և ցցի ինքնապահովման մասնագետից։ Լրացուցիչ մասնակիցներ կարող են լինել՝ ցցի Երիտասարդ տղամարդկանց և Երիտասարդ կանանց նախագահությունների անդամները, ցցի լրացուցիչ մասնագետները, լիաժամկետ ծառայության մեջ գտնվող ավագ միսիոներները և Եկեղեցու ծառայություն իրականացնող միսիոներները։

1. Դիտեք «Աշխատել ինքնապահովման ուղղությամբ» տեսանյութը (մատչելի է srs.lds.org/videos կայքում)։

2. Մշակեք, գործի դրեք և վերահսկեք ցցի ինքնապահովման գործողության ծրագիրը։

3. Հաճախակի անցկացրեք հավաքներ Իմ ուղին դեպի ինքնապահովումը թեմայով (տես 4-րդ էջ)։

4. Կազմավորեք և ծառայողներով ապահովեք ցցի ինքնապահովման ռեսուրս-կենտրոնը։ Նշանակեք Եկեղեցական ծառայության միսիոներական մի զույգի կամ ինքնապահովման մի մասնագետի, որպեսզի առաջնորդի կենտրոնի գործունեությունը (տես էջ 2)։

5. Ծխերի խորհուրդներին ուսուցանեք ինքնապահովման իրենց պարտականությունները։

6. Օգտագործեք ինքնապահովման ծառայություն իրականացնող աշխատակիցների կողմից մշակված ծառայությունները և ռեսուրսները։

7. Հրավիրեք վերադարձող միսիոներներին և նորադարձներին (ըստ անհրաժեշտության) մասնակցելու Իմ ուղին հավաքներին և ինքնապահովման խմբերին։

Ցցի ինքնապահովման մասնագետ

Մասնագետը կապակցող օղակ է Ինքնապահովման ծառայությունների բոլոր գործառույթների միջև (ցցի ինքնապահովման հանձնախմբի, ցցի ինքնապահովման ռեսուրս-կենտրոնի և ինքնապահովման ծառայությունների կառավարչի միջև)։

1. Պատրաստեք ցցի ինքնապահովման հանձնախմբի օրակարգը։

2. Ուսուցանեք Եկեղեցու ծառայության միսիոներներին և կամավորներին աշխատացնել ինքնապահովման ռեսուրս-կենտրոնը։

3. Ուսուցանեք և վերահսկեք ցցում ինքնապահովման այլ մասնագետների։

4. Ըստ անհրաժեշտության՝ պատվիրեք ինքնապահովման նյութեր։

5. Անհրաժեշտության դեպքում ուսուցանեք և աջակցեք եպիսկոպոսներին և ծխերի խորհուրդներին։

6. Օգնեք անդամներին գրանցվել srs.lds.org/register կայքում։

7. Կազմավորեք, վերահսկեք, աջակցեք և օժանդակեք ինքնապահովման խմբերին։ (Անհրաժեշտության դեպքում այլ անդամներ կարող են կանչվել որպես խմբերի վարողներ։)

8. Ուսումնասիրեք և հետևեք առցանց հասանելի srs.lds.org/facilitator-ի սկզբունքներին։

Եպիսկոպոսություն (կամ Ճյուղի նախագահություն)

«Այս ժողովրդի կարիքները հոգալու համար որևէ նոր կազմակերպության կարիք չկա։ Միակ անհրաժեշտ բանը Աստծո քահանայությանը գործի դնելն է»։

Հարոլդ Բ. Լի, “Admonitions for the Priesthood of God,” Ensign, Jan. 1973, 104

1. Ծխերի անդամներին ուսուցանեք ինքնապահովման վարդապետությունները և սկզբունքները (տես վերջին կազմերեսին)։

2. Ծխի խորհրդի միջոցով ուղղորդեք ինքնապահովման ջանքերը.

   • Գտեք, հաշվառեք և հրավիրեք բոլոր կարիքավոր անդամներին դառնալ ինքնապահովող։ Չափահաս անդամի ինքնապահովման գործիքը leader.lds.org/self-reliance կայքում կարող է օգտակար լինել այս գործընթացում։.

   • Քվորումի և օժանդակ կազմակերպությունների ղեկավարների միջոցով կարիքի մեջ գտնվող մարդկանց աջակցություն, ուսուցիչներ և օգնություն ցուցաբերեք։

3. Կարիքի մեջ գտնվող մարդկանց հորդորեք լրացնել Իմ ուղին դեպի ինքնապահովումը գրքույկը և միանալ ինքնապահովման որևէ խմբի։

4. Անհրաժեշտության դեպքում կանչեք ծխի ինքնապահովման մասնագետներ՝ որպես խմբերի վարողներ։

5. Անցկացրեք ՄԿՀ վարկի համար անհրաժեշտ երաշխավորագրի հարցազրույցները (տես srs.lds.org/loans)։

6. Ստուգեք և աշխատեք ծխի ինքնապահովման առաջընթացի և ՄԿՀ վարկային հաշվետվությունների վրա։ Եպիսկոպոսները չպետք է հավաքեն ՄԿՀ վարկերի մարումները։

7. Անհրաժեշտության դեպքում լրացուցիչ աջակցություն ստացեք ցցի ինքնապահովման հանձնախմբից։