Ngaahi Fatongia ʻo e Taki Lakanga Fakataulaʻeikí

“Ko e moʻui fakafalala pē kiate kitá ko ha ola ia ʻo ʻetau ngāué pea ʻoku kātoi ai ʻa e ngaahi founga fakauelofea kehe kotoa pē. … ‘Tau ngāueʻi muʻa ʻetau fie maʻú. Tau moʻui fakafalala pē muʻa kiate kitautolu mo tauʻatāina. He ʻikai ke lava ʻo maʻu ʻa e fakamoʻuí ʻi ha toe tefitoʻi moʻoni kehe.’”

Thomas S. Monson (quoting Marion G. Romney), “Guiding Principles of Personal and Family Welfare,” Ensign, Sept. 1986, 3

Kau Palesitenisī Fakasiteikí (pe Kau Palesitenisī Fakavahefonuá)

1. Ako mo akoʻi ʻa e ngaahi tokāteline mo e ngaahi tefitoʻi moʻoni ʻo e fakafalala pē kiate kitá (vakai, takafi ʻi muí). Fakahinohinoʻi e kau pīsopé mo e kau mēmipa ʻo e kōmiti fakasiteiki ʻo e moʻui fakafalala pē kiate kitá ʻi honau ngaahi fatongia ki he moʻui fakafalala pē kiate kitá.

2. Fakamatalaʻi e ngaahi kaveinga ngāue ʻa e siteikí ki he moʻui fakafalala pē kiate kitá.

3. Fokotuʻu ha kōmiti fakasiteiki ʻo e moʻui fakafalala pē kiate kitá ke nau lava ʻo faʻufaʻu, fakahoko, mo vakaiʻi ha palani ngāue ʻo e moʻui fakafalala pē kiate kitá ʻi he siteiki.

4. Fakamuʻomuʻa hono fakaafeʻi e kau faifekau ʻosi maí mo e kau ului foʻoú (ʻo ka fie maʻu) ke nau kau atu ki he ngaahi ngāue moʻui fakafalala pē kiate kitá.

5. Fakakau e moʻui fakafalala pē kiate kitá ʻi he ʻasenita ʻo e fakataha alēlea ʻa e siteikí.

6. Ui ha mataotao ʻo e moʻui fakafalala pē kiate kitá.

7. Ui ha kau faifekau tokoni ʻi he Siasí ʻo ka fie maʻu.

8. Vakaiʻi mo ngāue ki he lipooti fakalakalaka ʻo e moʻui fakafalala pē kiate kita ʻa e siteikí pea mo e lipooti nō ʻa e PTFT.

9. Fai ha fakahinohino ki hono fakaʻaongaʻi ʻo e senitā hisitōlia fakafāmilí ki he ngaahi taumuʻa ʻo e moʻui fakafalala pē kiate kitá, ʻo ka fie maʻu.

Kōmiti Fakasiteiki ki he Moʻui Fakafalala Pē Kiate Kitá

“ʻOku ʻikai ke ʻi ai ha palopalema ia ʻi he fāmilí, uōtí, pe siteikí ʻe taʻe-malava ke fakaleleiʻi kapau te tau kumi hono founga fakaleleiʻí ʻi he founga ʻa e ʻEikí ʻaki ʻa e fealēleaʻaki—fealēleaʻaki moʻoni—mo e niʻihi kehé.”

M. Russell Ballard, Counseling with Our Councils, rev. ed. (2012), 4

Ko e niʻihi ʻeni ʻoku kau ki he kōmiti moʻui fakafalala pē kiate kita ʻa e siteikí: ha mēmipa ʻo e kau palesitenisī fakasiteikí (seá), aleaʻanga māʻolunga ʻoku ngāue ki he moʻui fakafalala pē kiate kitá, ko ha mēmipa ʻo e kau palesitenisī ʻo e Fineʻofá ʻi he siteikí, sea ʻo e fakataha uelofea ʻa e kau pīsopé pea mo e mataotao he moʻui fakafalala pē kiate kitá. ʻE lava ke kau atu mo ha niʻihi kehe ka ʻoku ʻikai ko ha meʻa pau, hangē ko e kau mēmipa ʻo e kau palesitenisī ʻo e Kau Talavoú mo e Kau Finemuí, ha kau mataotao kehe he siteikí, kau faifekau matuʻotuʻa pea mo e kau faifekau ngāue tokoni ʻa e Siasí .

1. Sio he vitiō “Ko e Ngāue ke Moʻui Fakafalala pē Kiate Kitá” (ʻi he srs.lds.org/videos).

2. Faʻufaʻu, fakahoko mo muimuiʻi ha palani moʻui fakafalala pē kiate kita maʻá e siteikí.

3. Toutou fai ha ngaahi fakataha lotu Ko Hoku Hala ki he Moʻui Fakafalala Pē Kiate Kitá (vakai, page 4).

4. Fokotuʻutuʻu mo ʻai ha kau ngāue ki he senitā maʻuʻanga tokoni ʻa e siteikí ki he moʻui fakafalala pē kiate kitá. Vahe ki ha ongomātuʻa ngāue fakafaifekau tokoni ʻi he Siasí pe ko ha mataotao moʻui fakafalala pē kiate kitá ke ne tokangaʻi hono fakalele ʻo e senitaá pea mo fokotuʻu e fanga kiʻi kulupu moʻui fakafalala pē kiate kitá (vakai peesi 2).

5. Akoʻi e ngaahi fakataha alēlea fakauōtí ʻi honau ngaahi fatongia moʻui fakafalala pē kiate kitá.

6. Fakaʻaongaʻi e maʻuʻanga tokoni mo e ngaahi tafaʻaki kuo faʻufaʻu ʻe he kau ngāue Moʻui Fakafalala pē Kiate Kitá.

7. Fakaafeʻi e kau faifekau ʻosi maí mo e kau ului foʻoú (ʻo ka fie maʻu) ke nau kau atu ki he ngaahi fakataha lotu ʻo e Ko Hoku Halá mo kau atu ki he fanga kiʻi kulupu moʻui fakafalala pē kiate kitá.

Mataotao Fakasiteiki ki he Moʻui Fakafalala Pē Kiate Kitá

ʻOku hoko e mataotaó ko e fehokotakiʻanga ki he ngaahi fatongia kotoa ʻo e Tafaʻaki Moʻui Fakafalala pē Kiate Kitá (kōmiti fakasiteiki ʻo e moʻui fakafalala pē kiate kitá, senitā fakasiteiki ʻo e maʻuʻanga tokoni moʻui fakafalala pē kiate kitá, mo e pule ki he Ngaahi Tafaʻaki Moʻui Fakafalala pē Kiate Kitá).

1. Teuteuʻi e ʻāsenita ʻa e kōmiti fakasiteiki ki he moʻui fakafalala pē kiate kitá.

2. Akoʻi e kau faifekau tokoni ʻa e Siasí mo e kau ngāue tokoní ke nau fakalele ha senitā moʻui fakafalala pē kiate kita.

3. Akoʻi mo tokangaʻi ha kau mataotao kehe ʻo e moʻui fakafalala pē kiate kitá ʻi he siteikí.

4. Hū mai e nāunau ki he moʻui fakafalala pē kiate kitá, ʻo ka fie maʻu.

5. Akoʻi mo tokoni ki he kau pīsopé mo e fakataha alēlea ʻa e uōtí, ʻo ka kole ange ke fai pehē.

6. Tokoni ke lesisita e kau mēmipá ʻi he srs.lds.org/register.

7. Fokotuʻutuʻu, vakaiʻi, poupou pea mo tokoni ki he fanga kiʻi kulupu moʻui fakafalala pē kiate kitá. (ʻE lava ke kole ki he kau mēmipa kehé ke nau tokoni ki he fanga kiʻi kulupú ʻo ka fie maʻu.)

8. Ako mo muimui ki he ngaahi tefitoʻi moʻoni ʻoku maʻu mei he ʻinitanetí ʻi he srs.lds.org/facilitator.

Kau Pīsopelikí (pe Kau Palesitenisī Fakakoló)

“ʻOku ʻikai fie maʻu ha houalotu foʻou ia ke ne tokangaʻi e ngaahi fie maʻu ʻa e kakaí ni. Ko e meʻa pē ʻoku fie maʻú ke ala e lakanga fakataulaʻeiki ʻo e ʻOtuá ʻo ngāue.”

Harold B. Lee, “Admonitions for the Priesthood of God,” Ensign, Jan. 1973, 104

1. Akoʻi ki he kāingalotu ʻo e uōtí ʻa e ngaahi tokāteline mo e ngaahi tefitoʻi moʻoni ʻo e moʻui fakafalala pē kiate kitá (vakai, takafi ʻi muí).

2. Tataki e ngaahi ngāue moʻui fakafalala pē kiate kitá ʻo fakafou ʻi he fakataha alēlea fakauōtí:

   • Fakamahinoʻi, fakafika pea fakaafeʻi e kau mēmipa kotoa ʻoku faingataʻaʻiá ke nau hoko ʻo moʻui fakafalala pē kiate kinautolu. ʻE lava ke tokoni e Adult Member Self-Reliance Tool ʻi he leader.lds.org/self-reliance ki he founga ko ʻení.

   • Fai ha tokoni, menitoa pea tokoniʻi ʻa kinautolu ʻoku fie maʻu tokoní ʻo fakafou ʻi he kau taki ʻo e kōlomú mo e houalotú.

3. Fakaafeʻi e niʻihi ʻoku fie maʻu tokoní ke nau fakakakato ʻa e kiʻi tohi tufa Ko Hoku Hala ki he Moʻui Fakafalala Pē Kiate Kitá pea kau atu ki ha kulupu moʻui fakafalala pē kiate kita.

4. Ui ha kau mataotao fakauooti ʻi he moʻui fakafalala pē kiate kitá ke nau tokoni ki he fanga kiʻi kulupú, ʻo ka fie maʻu.

5. Fakahoko e ngaahi ʻinitaviu ke poupouʻi e nō PTFT (vakai, srs.lds.org/loans).

6. Vakaiʻi mo ngāue ki he lipooti fakalakalaka ʻo e moʻui fakafalala pē kiate kita ʻa e ūotí pea mo e lipooti nō ʻa e PTFT. ʻOku ʻikai totonu ke kau e pīsopé ʻi hono tānaki e nō PTFT.

7. Kumi ha tokoni makehe mei he kōmiti fakasiteiki ki he moʻui fakafalala pē kiate kitá ʻo ka fie maʻu.