Ngaahi Maʻuʻanga Tokoní
Senitā Maʻuʻanga Tokoni Moʻui Fakafalala Pē Kiate Kitá
ʻOku poupouʻi atu e ngaahi siteikí ke nau fokotuʻu ha ngaahi senitā maʻuʻanga tokoni ʻo e moʻui fakafalala pē kiate kitá ʻi ha ʻapisiasi, ʻoku faʻa tuʻu fakataha ai mo e senitā hisitōlia fakafāmilí. Ko e kau ngāue ʻo e senitā moʻui fakafalala pē kiate kitá ko ha kau faifekau tokoni ʻa e Siasí mo ha kau ngāue taʻetotongi, pea ʻoku maʻu ai ʻa e ʻInitanetí, polokalama tokoní (mentoring), mo ha maʻuʻanga tokoni kehe ʻoku ʻaonga ki he kau kumi ngāué, fokotuʻu pisinisí pe niʻihi ʻoku teu akó.
Ngaahi Kulupu Moʻui Fakafalala Pē Kiate Kitá
ʻOku fakaʻaongaʻi ʻe he fakataha ʻa e kulupu moʻui fakafalala pē kiate kitá ʻa e sīpinga ʻo e fakataha alēleá ka ʻoku kehe ia mei he konga lahi ʻo e ngaahi kalasi, lēsoni mo e ako ʻoku fai ʻe he Siasí. ʻOku ʻikai ha kau faiako ia pe kau ako ngāue ai. Ka ʻoku fealeaʻaki, ako fakataha, fetokoniʻaki, mo tukupā ke ngāueʻi e meʻa ʻoku nau akó, pea nau fetokoniʻaki ke tauhi e ngaahi tukupaá. Ko e founga fetokoniʻaki mo fefaleʻiʻaki ko ʻení, fakataha mo e ngaahi tohi ngāué mo e ngaahi vitioó, ʻokú ne fakatupu ʻe ia ha ʻātakai ako mahuʻinga ʻoku fakamālohia ai e mēmipa takitaha ʻi heʻene fakalakalaka ke aʻusia ha tuʻunga moʻui fakafalala pē kiate iá.
ʻOku ui ʻe he kau taki fakauooti pe fakasiteikí ha kau mataotao ʻi he moʻui fakafalala pē kiate kitá ke nau fokotuʻu mo tokoniʻi e ngaahi kulupu moʻui fakafalala pē kiate kitá. ʻOku ʻikai ko ha kau faiako e kau tokoni ki he kulupú; ka ʻoku nau tokoni ke muimui e kulupú ki he founga ngāue ʻo e moʻui fakafalala pē kiate kitá ʻo hangē ko ia ʻoku hā he tohi lēsoní. ʻE fie maʻu e kau tokoni ki he ngaahi kulupú (facilitators) ke nau lava ha ngaahi taimi ʻo hū ki he ʻInitanetí pea mo ha founga ke huluʻi ʻaki e ngaahi vitioó ʻi he fakataha fakakulupú. ʻE lava ke faʻu ʻe he kau takí ha fanga kiʻi kulupu ki he lahi taha ʻe ala lavá pea ui ha kau mataotao ki he tokolahi taha ʻe fie maʻú. (ʻE lava ke kole ki he kau mēmipa ʻo e kulupú kehé ke nau tokoni ʻo ka fie maʻu.) ʻOku fakataha e kulupu takitaha ʻo ʻikai toe siʻi hifo he tuʻo 12 ʻi ha houa ʻe ua he fakataha kotoa pē pea ʻoku kau ki ai ha kau mēmipa ʻe toko 8 ki he toko 14. ʻE lava ke fakataha e ngaahi kulupú ʻi he ngaahi senitā fakasiteiki ki he moʻui fakafalala pē kiate kitá, ngaahi ʻapi Siasí pe ngaahi feituʻu lelei kehe ʻoku faingamālie ki he kau mēmipá.
ʻE fili ʻe he kau taki fakalotofonuá pe ko e fē ʻi he ngaahi kulupu ko ʻení ʻoku fie maʻu ʻi honau ngaahi ʻiunití.
-
ʻOku tokoni e fanga kiʻi kulupu Ko Hono Kamataʻi mo Fakatupulaki ʻEku Pisinisí ki he kakaí ke nau fokotuʻu mo fakatupulaki ʻenau pisinisí. ʻOku fetongi ʻe he fanga kiʻi kulupu ko ʻení ʻa e Self-Employment Workshop.
-
ʻOku tokoni e fanga kiʻi kulupu Ko ʻEku Kumi Ngāué ke kumi ʻe he kakaí ha ngāue foʻou pe lelei ange. ʻOku fetongi ʻe he fanga kiʻi kulupu ko ʻení ʻa e Ako Fakangāué.
-
ʻOku tokoni e fanga kiʻi kulupu Ako Koeʻuhí ko ha Ngāue Lelei Angé ke ʻilo ʻe he kakaí ha halafononga fakaako ʻe toe lahi ange ai ʻenau paʻanga hū maí. ʻOku fetongi ʻe he fanga kiʻi kulupu ko ʻení ʻa e Palani ki he Lavameʻá.
ʻI he kulupu takitaha, ʻoku ako ai ʻe he kau mēmipá ha ngaahi tefito fakatokāteline ʻe 12 ʻi he moʻui fakafalala pē kiate kitá mei he tohi Ko Hoku Fakavaʻé: Ngaahi Tefitoʻi Moʻoní, Taukeí mo e Tōʻonga Moʻuí.
Poupou ʻa e Tokotaha Ngāue Totongi ʻi he Siasí mo e Lisi Maʻuʻanga Tokoni ʻOku Fie maʻú
ʻOku fakangāueʻi ʻe he Siasí ha kakai ʻi he feituʻu takitaha ke tokoni ki he ngāue moʻui fakafalala pē kiate kitá. ʻOku kau ai ha pule fakaʻēlia he moʻui fakafalala pē kiate kitá (ASRM), pule ki hono fakalele ʻa e ngāue ki he moʻui fakafalala pē kiate kitá, pule ki he Tafaʻaki Moʻui Fakafalala pē Kiate Kitá mo ha kau ngāue kehe. ʻOku tokoni e kau ngāue ko ʻení ke fakafekauʻaki e ngaahi fie maʻu ʻa e ngaahi senitā fakasiteiki ki he maʻuʻanga tokoni moʻui fakafalala pē kiate kitá mo ʻoatu ki he siteikí ʻa e ngaahi maʻuʻanga tokoní mo fakahoko e akó. ʻOku ala kau he ngaahi maʻuʻanga tokoni ko ʻení ha kau menitoa, lisi ʻo e Ngaahi Polokalamá mo e ʻApiakó, ngaahi faingamālie fakaengāue ʻoku lolotonga ʻataá, mo e hingoa ʻo e ngaahi kautaha fakapaʻanga ke maʻu ai ha paʻanga ke kamataʻaki ha pisinisí.
Uepisaiti Moʻui Fakafalala Pē Kiate Kitá
ʻE lava ke maʻu e fakaikiikí maʻá e kau takí mo e kāingalotú, ʻi he srs.lds.org.
Maʻuʻanga Tokoni ʻa e Takí mo e Kalaké
ʻE lava ke tokoni e Adult Member Self-Reliance Tool ki he kau pīsopé ʻi heʻenau feinga ke ʻilo mo tukutaha ʻenau tokangá ʻi he kāingalotu ʻoku siʻi masiva he ngaahi tefitoʻi fie maʻu ʻo e moʻuí. ʻE lava ke maʻu ʻa e maʻuʻanga tokoni ko ʻení ʻi he leader.lds.org/self-reliance.
Fakataha Lotu Ko Hoku Hala ki he Moʻui Fakafalala Pē Kiate Kitá
ʻOku toutou fakahoko ʻe he ngaahi siteikí pe uōtí ha ngaahi fakataha lotu Ko Hoku Hala ki he Moʻui Fakafalala Pē Kiate Kitá. ʻOku kamataʻi ʻe he fakataha lotu ko ʻení ʻa e kau mēmipá ʻi he hala ki he moʻui fakafalala pē kiate kinautolú, pea tokoni ke fakamahinoʻi ange ʻa e mahuʻinga fakatokāteline ʻo e moʻui fakafalala pē kiate kinautolú, fakapapauʻi e ngaahi pōtoʻi/taukei mo e paʻanga hū mai ʻoku fie maʻu ke nau moʻui fakafalala fakatuʻasino ai kiate kinautolú, pea mo fili ʻa e kulupu moʻui fakafalala pē kiate kita ʻe tokoni ke nau aʻusia ai e taumuʻa ko iá. ʻOku tokoni ʻa e kiʻi tohi tufa Ko Hoku Hala ki he Moʻui Fakafalala Pē Kiate Kitá ke aʻusia ʻa e founga ko ʻení. ʻE lava foki ke fai fakatāutaha pē ʻa hono fakafuofuaʻí, mo ha taki lakanga fakataulaʻeiki, mataotao he moʻui fakafalala pē kiate kitá ʻi ha senitā moʻui fakafalala pē kiate kita pe ʻi he feituʻu kehe. Mamata “Founga ke Fakaʻaongaʻi Hoku Halá” ʻi he srs.lds.org/videos.
Ngaahi Vitiō Akó
Sio he vitiō ko ʻení ʻi he ʻinitanetí ʻi he srs.lds.org/videos.
|
Haʻofangá |
Hingoa ʻo e Vitioó |
|---|---|
|
Kau Takí |
Te u Tokonaki Maʻa ʻeku Kau Māʻoniʻoní  |
|
Kōmiti Fakasiteiki ki he Moʻui Fakafalala Pē Kiate Kitá  | |
|
Fakataha ʻa e Kōmiti Fakasiteiki ki he Moʻui Fakafalala Pē Kiate Kitá  | |
|
Kau Mataotao Fakasiteiki ki he Moʻui Fakafalala Pē Kiate Kitá  | |
|
Ko Hono Tokoniʻi e Ngaahi Fakataha Alēlea ʻa e Uōtí  | |
|
Founga Hono Fokotuʻu ʻa e Fanga Kiʻi Kulupu Moʻui Fakafalala Pē Kiate Kitá  | |
|
Ko e ngāue ki he Moʻui Fakafalala pē Kiate Kitá  | |
|
Ngaahi Vitiō Ko Hoku Fakavaʻé (12)  | |
|
Kau Tokoní (Facilitators) |
Ko ʻEku Taumuʻá  |
|
Founga ke Tokoni ki ha Kulupú  | |
|
Founga ke: Teuteú  | |
|
Founga ke Taki: Hoku Fakavaʻé  | |
|
Founga ke Taki: Lipooti | |
|
Founga ke Taki: Akó  | |
|
Founga ke Taki: Fakalaulaulotó  | |
|
Founga ke Taki: Tukupā  | |
|
Founga ke Taki: Fakalele e Ngaahi Fakatahá | |
|
Ko e Ako ki he “ʻAlu ʻo Fakahokó” |
Tali Lelei ʻa e Feedback (Fakamatala Fietokoni)
Kātaki ʻo fakahū mai hoʻomou ngaahi fakakaukaú, feedback, ngaahi fokotuʻu, mo e ngaahi aʻusia ʻi he SRSfeedback@ldschurch.org pe srs.lds.org/feedback.
Nāunau ki he Kulupú
ʻOku maʻu e ngaahi nāunaú, ngaahi vitioó, mo e akó polokalama mobile e Laipeli ʻo e Ongoongoleleí mo e ʻinitanetí ʻi he srs.lds.org. ʻE lava ke hū mai mo ha nāunau mei he ngaahi senitā tufakiʻanga nāunau ʻa e Siasí.
Ko Hoku Hala ki he Moʻui Fakafalala pē Kiate Kitá
ʻOku kamata kotoa e kau akó ʻi he kiʻi tohi ko ʻení ke fakapapauʻi honau tuʻunga moʻui fakafalala pē kiate kinautolu he lolotongá pea fili ʻa e kulupu ʻa ia te ne tokoniʻi kinautolu ke nau moʻui fakafalala pē kiate kinautolú. ʻOku kau he fanga kiʻi kulupú ʻa e ngāue pē ʻaʻatá, kumi ngāué pea mo e akó.
Ko Hoku Fakavaʻé: Ngaahi Tefitoʻi Moʻoní, Taukeí, mo e Tōʻonga Moʻuí
ʻOku fakaʻaongaʻi he kau mēmipa ʻo e ngaahi kulupu kotoa ʻe tolú ʻa e tohi ko ʻení ʻi heʻenau fakataha ke aleaʻi mo fakaʻaongaʻi e ngaahi tefitoʻi moʻoni fakalaumālie mahuʻinga ʻo e moʻui fakafalala pē kiate kitá.
Ko Hono Kamataʻi mo Fakatupulaki ʻEku Pisinisí
ʻA kinautolu ʻoku ʻi ai haʻanau pisinisi pe fie kamataʻi ha pisinisí. ʻOku akoako fakahoko ʻe he kau mēmipa ʻo e kulupú ʻa e ngāue fakatauhi lekōtí, fakamāketí mo e levaʻi ʻo e paʻangá. ʻOku nau siviʻi ha ngaahi founga ke fakatupulaki ai ʻenau paʻanga hū maí ʻo fakafou ʻi heʻenau taukei he fanga kiʻi pisinisi īkí.
Ko ʻEku Kumi Ngāué
Maʻanautolu ʻoku maʻu e ngaahi pōtoʻi ngāue ke maʻu ha ngāue lelei. ʻOku maʻu ʻe he mēmipá ha ngāue lelei ʻi heʻenau ʻiloʻi e ngaahi faingamālie, ngaahi fengāueʻaki, fakafōtunga leleí pea mo ʻenau teuteu atu ki he ngaahi fehuʻi he ʻinitaviú. Ko e ola e kau he kulupu ko ʻení, ko hono maʻu ʻo ha ngāue.
Ako Koeʻuhí ko ha Ngāue Lelei Ange
ʻA kinautolu ʻoku nau fie maʻu ʻa e ako fakaʻatamaí pe ako ngāué ke maʻu ha ngāue lelei pe kamata ha pisinisi. ʻOku kumi ʻe he kau mēmipa ʻo e kulupú ke ʻilo ha ngāue ʻe tokoni ke nau hoko ai ʻo moʻui fakafalala pē kiate kinautolú pea nau kumi leva ha akoʻanga pe polokalama (kau ai Hoku Halá) ʻoku fakatau ki he ngāue ko iá. Ko e ola e kau atu ki he kulupu ko ʻení, ko ha palani ako mo ha nō PTFT (kapau ʻe fie maʻu).
Ko e kau mēmipa ko ia ʻo e kulupú te nau fakakakato e ngaahi fie maʻu ʻi he Ko Hoku Fakavaʻé mo e Ko Hono Kamataʻi mo Fakatupulaki ʻEku Pisinisí ʻe lava ke nau maʻu ha ʻū tohi fakamoʻoni ako mei he LDS Business College.