PAGPUNO SA IMONG KINABUHI SA KAHAYAG
Ang Manluluwas nga si Jesukristo nagsaad niadtong mosunod Kaniya: “Anginyong tibuok kalawasan mapuno sa kahayag, ug wala nay kangitngit diha kaninyo” (D&P88:67; tan-awa usab sa 3 Nephi 13:22–23). Pun-a ang imong kinabuhi sa kamatuoran, pagkamatarung, kalinaw, ug hugot nga pagtuo. Samtang ikaw mopuno sa imong kinabuhi sa mga maayo, wala na unyay lugar alang sa pornograpiya ug sa uban pang tinubdan sa espirituhanong kangitngit.
Si Elder Robert D. Hales sa Korum sa Napulog Duha ka mga Apostoles miobserbar: “Ang kahayag ug kangitngit dili makaukopar sa samang lugar sa samang higayon. Ang kahayag mobugaw sa kangitngit. Kon ang kahayag anaa, ang kangitngit mabuntog ug kinahanglang mobiya. Labawng mahinungdanon, ang kangitngit dili makabuntog sa kahayag gawas kon ang kahayag magkahinay o mobiya” (sa Conference Report, Abr. 2002, 80–81; o Ensign, Mayo 2002, 70).
Imong mapuno ang imong kinabuhi samtang ikaw mag-ampo ug magtuon sa mga kasulatan uban sa tinud-anay nga katuyoan, nagtinguha nga masayud, makasabot, ug mosunod sa Ginoo. Imong makita nga ang pulong sa Dios adunay “mas gamhanan nga epekto” diha kanimo “kay sa … bisan unsa pa” (Alma 31:5). Ang usa ka pagsabot sa tinuod nga doktrina motabang kanimo nga mausab ang imong mga kinaiya ug batasan.
Ang pagtambong sa mga miting sa Simbahan ug ang pagkalawat sa sakramento, pagbalaansa adlawng Igpapahulay, pagpuasa,ug pagbayad sa ikapulo [tithing] motabang kanimo nga dili mabulingan sa kangitngit sa kalibutan (tan-awa sa D&P 59:9). Tukma nga musika ug makapadasig nga mga talan-awon moimbitar sa Espiritu nganha sa imong kinabuhi.
Regular nga pagsimba ug pagserbisyo sulod sa templo molig-on usab kanimo. Si Presidente Gordon B. Hinckley namulong mahitungod sa makapalig-on nga epekto sa pagtambong sa templo: “Himoang kinaiya ang pag-adto sa balay sa Ginoo. Walay laing paagisa pagsiguro sa husto nga pagpuyo kaysa pagtambong sa templo. Makabuntog kini sa kadautan sa pornograpiya” (sa Conference Report, Abr. 2005, 109; o Ensign, Mayo 2005, 102).
Sa imong pagpaduol sa Ginoo, ang imong batasan ug ang imo mismong kinaiya maghinay-hinay nga mahimong sama kang Kristo. Pinaagi sa personal nga pagkakabig ngadto sa ebanghelyo ni Jesukristo, makat-on ka nga “[ma]wala nay hilig sa pagbuhat og dautan, apan sa pagbuhat og maayo sa kanunay” (Mosiah 5:2).