Pagsabut sa Media

Ang media ug ang nag-abante nga mga teknolohiya maanindot nga mga gasa gikan sa Dios. Sila ang naghimo niining posible sa pagpakatap sa ebanghelyo ngadto sa kalibutan, maapil sa family history sa talagsaong mga paagi, ug mokonektar sa mga tawo nga imong gihigugma. Samtang daghang mga panalangin nga moabut gikan sa positibo nga paggamit sa teknolohiya, importante nga masabtan kon sa unsaon sa paggamit niining mga kahimanan sa labing maayo.

Ang impluwensya sa Espiritu sa imong kinabuhi mahimong mapalig-on o mapahuyang depende sa imong mga pagpili mahitungod sa media. Si Elder David A. Bednar miawhag sa mga disipulo ni Jesukristo sa paggamit niining dinasig nga mga kahimanan sa tukma nga paagi ug sa mas epektibo nga paagi sa:

“Pagpamatuod sa Dios ang Amahan sa Kahangturan, sa Iyang plano sa kalipay alang sa Iyang mga anak, ug sa Iyang Anak, si Jesukristo, isip ang Manluluwas sa kalibutan.”
“Pagpamahayag sa katinuod sa Pagpahiuli sa ebanghelyo sa ulahing mga adlaw.”
“Pagtuman sa buhat sa Ginoo” (“To Sweep the Earth as with a Flood” [debosyonal sa Brigham Young University Education Week, Ago. 19, 2014], ChurchofJesusChrist.org).