“Maalamon nga Paggamit sa Media,” Kasiguroan sa Media (2020)
“Maalamon nga Paggamit sa Media,” Kasiguroan sa Media
Maalamon nga Paggamit sa Media
Desisyoni karon kon unsaon ninyo sa paggamit ang media ug teknolohiya. Pangandam karon pinaagi sa pagbansay og husto nga mga baruganan alang sa kusog atol sa malisud nga mga panahon. Kita natambagan na, “Busa, barug kamo sa balaan nga mga dapit, ug ayaw pagbalhin, hangtud ang adlaw sa Ginoo moabut; kay tan-awa, kini moabut sa labing madali, nag-ingon ang Ginoo” (Doktrina ug mga Pakigsaad 87:8). Hunahunaa ang paggamit niining kasulatan isip usa ka giya alang sa inyong kasamtangang mga kinaiya ug naandan sa inyong paggamit sa media. Paghimo og paningkamot nga maanaa sa mga dapit diin ang Espiritu mahimong mag-uban kaninyo sa kanunay.
“Mga kaigsoonan, unsaon nato pagpanalipod sa atong mga kabataan ug kabatan-onan? “Ang mga filter makatabang nga mga himan, apan ang pinakamaayong filter sa kalibutan, ug ang pinakaepektibo, mao ang personal nga filter nga naggikan sa kahiladman ug sa malungtarong pagpamatuod sa gugma sa atong Langitnong Amahan ug sa maulaong sakripisyo sa atong Manluluwas sa matag usa kanato,” (Linda S. Reeves, “Panalipod gikan sa Pornograpiya—usa ka Panimalay nga Nag-focus kang Kristo,” Liahona, Mayo 2014, 16).
Sama sa kalibutan mismo, ang media usa ka milagroso nga gasa gikan sa Dios. Apan, sama sa iyang gihimo sa tanang mga gasa, ang kaaway sa kanunay mosulay sa pagbalda kanato gikan sa matarong nga mga tinguha ug sa mga pag-aghat sa Espiritu.