Kōkm̧anm̧anlo̧k Im̧ōnjar ko an Kabun̄

Karreo Im̧ōnjar ko an Kabun̄

Im̧ōnjar ko an Kabun̄ rej aikuj erreo im tiljek kaki ilo juon jōkjōk eo me enaj kwalo̧k kojarjar in melan eo im un eo an. Ritōl ro ilo bukōn eo, membōr ro, im ro rej lorlojake jerbal ko an im̧ōkein eo rej jimor eddoiki im̧ōn kweilo̧k eo im karreo melan eo im kakone.

Membōr ro rej Bōk Kuņaer

Membōr ro kar kajitōk ippen n̄an bōk eddo, ippenlo̧k ro rej lorlojake im̧ōkein, n̄an karreo im kejbarok im̧ōn kweilo̧k. Un eo im̧antata ak an membōr ro rej bōk kuņaer im kōjeram̧m̧an aolep membōr—ekoba rimanded ro im ro rejjab kobato̧k—jān kepello̧k jiban̄ n̄an bōk eddo. Ej barainwōt jiban̄ im kam̧ūlallo̧k kautiej n̄an Im̧ōnjar in an Anij.

Membōr eo rej bōk kuņaer ej kōrjeikik im kaduwōjlo̧k ium̧win tōl an stake būreejtōnji eo. Stake im ro rej jerbal ilo ward remaron̄ kūr er n̄an jiban̄ katakin im tōl eddo in. (Lale melele ko kōn eo program organization.)

Aikuj eo n̄an kōlaplo̧k jerbal in karreo im jerbal ko jet ej diklo̧k iien eo ro rej kōjerbal m̧ōkein karreo kobej ko aer make im kōmourur ilo jelā erreo, jelā nae, im kautiej ilo aolep iien.

Ro rej eddoik im̧ōko ilo ward maron̄ tōl im, ijoko rekkar, kōjeikik iien karreo ilo kajjojo wiik. Aolep membōr en wōr aer iien em̧m̧an n̄an bōk koņaer im jipan̄ karreo. Laddik ro rōddik im jiron̄ ro rej ruwainene n̄an bōk konaer ippen baamle ko aer, ro eiiet uwaaer, ak kūlaaj.

Ro rōddik rej jab aikuj bōk eddo n̄an kiil im lak e m̧ōkein ak kōjeikik jerbal in jarom.

Jikin kakkonkon an Membōr

Juon im̧ōn kwelo̧k emaron̄ wōr an membōr jikin kakkon ijo kein karreo im jerbal ko rej alikar n̄an an membōr kōjerbali. Stake im ro rej eddoik im̧ōko ilo ward remaron̄ jerbal ippen ro rej bōk eddoin jerbal in kōjeikik m̧ōkein n̄an jiban̄ kō kein jerbal, ekkar, im kōkm̧anm̧an jikin kakkon in.

Kōjeikik n̄an IIen ko Redin̄

Priesthood ritōl ro ilo bukōn eo rej ejaake būlāān ko n̄an iien ko reidin̄ me emaron̄ walo̧k ilo im̧ōn kwelo̧k eo. Rej kōjerbal būlāān kein n̄an katakin membōr ro im kenaanik er ilo iien idin̄. Ej juon menin aikuj n̄an kwalo̧k bwe en allikar ilo ijoko ralikkar n̄an tōbar būlijmāān, ro rej eddoik kijeek, im ro rej eddoik ājmour ilo iien idin̄.

Ribōbrae Kijeek

Jorāān jān kijeek ej diklo̧k ilo iien eo aolep kajjojo ro rej kōjerbal im̧ōn kweilo̧k eo bōk bun̄tōn ko im̧aan. Ilo laajrak kein rej jet ļōmņak ko n̄an bōbrae ta eo enaj walo̧k:

• Kakkon aolep kein jerbal in ikkun ko—ekoba alal, ko kōm̧m̧an jen pepa, kemikōl ko, im kobej ko—kaduwōji jān lowaan ruum ko, jikin kakkon ko, nien kāpinet ko, im melan boiler ko, ijoko ewōr okmānāān jān kein jerbal ko ie,kein jerbal in mechanic, im ko jet raurōk n̄an jerbal.

• Jab kōjerbal melan ko rokmānāān.

• Jab kōtlo̧k bwe jitoob ak ovin ko bwil ilo jab lali n̄e iien kōmānāān m̧ōnā ak kōmat dān.

Jikin etetal ko im ial aidik ko nabōj

Āinwōt an ritōl ro kōjbarok jikin etetal kein im ijoko jet nabōj melak, ej juon menin aurōk n̄an likit jikin etetal ko nabōj ak jikin ko jet raidik melak n̄an an ejjelo̧k jorāān ilo duwōj delo̧n̄.

Ki ko an M̧wōn Kweilo̧k eo

Roulul eo ej bōk eddo in im̧wōn kwelo̧k kein ej leto̧k ki ko an m̧wōn kweilo̧k eo n̄an ritōl ro an stake. Bisoprik ro rej ajej ki ko n̄an ritōl ro an ward ijjitōn̄ jān stake. Kajjojo bisoprik rej likit reko̧o̧t in wōn ro ewōr ki ko ipper im maron̄ lelok kape in juon reko̧o̧t n̄an eo ej jerbali eddo kein ilo stake. Membōr ro rej kōro̧o̧l ki ko n̄e rej release jān jerbal ko aer rej eddelo̧k ilo jerbal ko kajjojo.

Jāān

Jāān ejjab bād ilo im̧wōn kweilo̧k in ilowaan juon bon emo̧o̧tlo̧k ak ilo an ejeļo̧k rej lali.

Jerbal in Kōjbaro̧k im Lak

Ritōl ro an stake ak bisop ro rej rietale rej likit ilo juon kwon n̄an kōjerbal jikejuul in jerbal n̄an iien kiil im̧wōn kwelo̧k im jerbal in lak ki. Jerbal kein rej elaajrak āinwōt kajjojo jo̧ta ālkin wōt ta eo ej bōk jikin iien ikilōk.

Ritōl Priesthood ro remaron̄ in jitōn̄ ro kajojo n̄an lak e m̧ōkein ilo ruo iaan n̄an kadiklo̧k jorāān ko aer make naj walo̧k. Jerbal in lak in edelo̧n̄ ekoba lale bwe ejjelo̧k armej ejjelo̧k an melim in delo̧n̄ ej aikuj bed ilowaan m̧ōkein ilo iien ikkun aolep tōm̧a ko im ilo jidik iien kejo̧ heater ak air condition, im lak e kōjām im wintō ko.

Membōr ro an Kabun̄ ro ewōr ki ipper n̄an m̧ōkein rej menin aikuj n̄an kiil im lak e kōjām in duwōj ko im aolep wintō ko n̄e iien em̧m̧akūt.

Ritōl ro ilo bukōn eo rej lale bwe kamputōr ko, kape mijiin ko, kiiboot jarom ko, im audiovisual kein jerbal ko rej kakkon ilo juon ruum̧ emōj lak e ak ruum̧ in jikin kakkon ko. Ilo kakobaba, kamputōr im kein jerbal ko an jarom ko rej kōkalle āinwōt an Kabun̄ eo, im juon laajrak in ia ko kein jerbal kein rej kōm̧m̧an jeni im nōm̧ba ko aer rej bed ie.