Pangkalingawan nga mga Kampinganan

Pagdumala sa Kabtangan nga Pangkalingawan

Ang pangkalingawan nga mga kabtangan sa Simbahan naghatag og mapahinungoron nga palibot alang sa mga kalihokan sa Simbahan. Kini palamboon sumala sa naandan nga mga panagway ug mga plano nga gi-establisar sa Simbahan. Adunay duha ka matang sa pangkalingawan nga mga kabtangan:

Kabtangan alang sa pangkalingawan nga kampinganan
Local Unit Recreation Center (LURC)

Ang unang katuyoan sa pangkalingawan nga mga kabtangan mao ang pagtabang sa mga batan-ong babaye nga mobati sa Espiritu samtang nalingaw sa luwas, maayo nga kalingawan. Ang mga stake, mga ward, mga pamilya nga miyembro sa Simbahan, ug ang ilang mga bisita mahimo usab nga mogamit niining mga kampinganan alang sa giaprobahan nga mga kalihokan. Ang mga pagpareserba sa pangkalingawan nga mga kampinganan nga mga kabtangan sa Simbahan dili pagahimoon alang sa mga organisasyon sa komunidad, pangnegosyo nga mga kalihokan, ug mga indibidwal sa laing mga tinuohan. Hinoon, ang mga miyembro sa Simbahan gitugotan sa pagdapit sa ilang mga higala sa laing mga tinuohan nga motambong kuyog nila.

Ang bayad sa mga mogamit mahimong kolektahon aron gamiton sa pagbayad sa galastohan sa pagmentinar, pagpang-ayo, o sa pagpalambo sa pangkalingawan nga kampinganan. Ang tanang pangkalingawan nga mga kampinganan kinahanglang mogamit sa online system sa Simbahan aron sa pagpareserba diha sa camping.ChurchofJesusChrist.org. Ang tanang bayad kinahanglang kolektahon pinaagi sa system lamang gamit ang unit-to-unit transfer alang sa mga pagpareserba sa yunit ug gamit ang personal nga credit card alang sa personal nga mga pagpareserba.

Ang LURC sagad nga makita sulod sa mga utlanan sa stake ug gituyo aron magamit ilabi na sa mga ward sulod niana nga stake o sa duol nga mga stake. Usa ka komon nga pananglitan mao ang usa ka dapit sa pavilion o dugang nga kabtangan alang sa mga kalihokan nga pagahimoon sa gawas. Ang mga stake kinahanglang dili mangolekta og bayad sa mogamit gikan sa mga miyembro sa Simbahan kon mogamit sa LURC.

Ang mga stake mahimong mohangyo nga makaangkon ug makapalambo og bag-ong LURC o kabtangan alang sa pangkalingawan nga kampinganan kon gikinahanglan gayod. Ang mga presidente sa stake mahimong mokontak sa manedyer sa mga pasilidad o sa buhatan sa area, nga maoy molakip sa hangyo aron ikonsiderar diha sa tinuig nga plano nga isumiter ngadto sa Kapangulohan sa Area.

Sa dili pa isumiter kana nga hangyo, hinoon, ang lokal nga mga yunit giawhag sa paggamit sa anaa nga pangpubliko ug pangpribado nga mga pasilidad. Kon ang anaa nang daan nga mga pasilidad nga gipanag-iya sa Simbahan anaa sulod sa makatarunganon nga distansya tabok sa mga utlanan sa stake, kini nga mga pasilidad kinahanglang gamiton gayod sa dili pa mohangyo og dugang nga mga pasilidad.

Ang mosunod nga sulod [content] pihong nagpasabot ngadto sa pangkalingawan nga kampinganan nga mga kabtangan.

Bag-ong Pangkalingawan nga Kampinganan nga mga Kabtangan

Ang mga hangyo alang sa mga pundo sa Simbahan aron makaangkon o makapalambo og usa ka pangkalingawan nga kampinganan isumiter pinaagi sa direktor sa temporal nga mga kalihokan. Ang kinatibuk-ang mga pundo sa Simbahan hangyoon lamang gamit ang proseso sa tinuig nga plano sa pangkalingawan nga kampinganan kon ang mga sumbanan sa kwalipikasyon ug pagpalambo nakab-ot na. Mokontak sa manedyer sa mga pasilidad aron sugdan ang proseso alang sa pagkonsiderar.

Mga Stake nga Wala Ma-assign sa usa ka Kabtangan alang sa Pangkalingawan nga Kampinganan

Ang Area Seventy (nga gipili sa Kapangulohan sa Area) mosangon sa mga stake ngadto sa usa ka kampinganan nga gipanag-iya sa Simbahan diha sa dapit base sa mga panginahanglan sa stake ug sa distansya ug sa paggamit niana nga mga kabtangan. Ang paggamit sa pangpubliko o pangpribado nga mga kampinganan kinahanglan nga ikonsiderar usab.

Ang mga stake nga walay gisangon nga pangkalingawan nga kampinganan mahimong magpareserba sa bisan asa nga pangkalingawan nga kampinganan gamit ang online system sa pagpareserba ug mosunod sa Eskedyul sa Prayoridad alang sa mga pagpareserba nga ipakita diha sa website.

Paggahin og Pundo sa mga Kalamboan alang sa Anaa nang Daan nga Pangkalingawan nga mga Kampinganan nga mga Kabtangan

Usa ka manedyer sa mga pasilidad ang idestino ngadto sa matag kampinganan ug adunay direkta nga responsibilidad alang sa tanang pasilidad sa kampinganan. Ang paggahin og pundo sa kampinganan kabahin sa proseso sa tinuig nga plano ug naglakip sa paggahin og pundo alang sa mga pag-ilis, mga pagpalambo, mga pagpadagan, ug pagmentinar. Ang mga galastohan alang sa mga kalihokan sa programa sa kampinganan ug ang mga materyal bayaran sa kampinganan pinaagi sa mga bayad sa mga mogamit (tan-awa sa Mga Pinansyal sa Stake alang sa mga Kampinganan).

Mga Pagpadagan ug Pagmentinar

Ang kampinganan nga mga kabtangan inspeksyonon dili mominos sa kada tunga sa tuig aron sa pagtino sa padayon nga mga panginahanglan sa pagmentinar ug sa mga problema kalabot sa seguridad. Ang mga kampinganan ug daghang kahoy nga mga dapit kinahanglan nga mainspeksyon usab human sa dagkong panghitabo kalabot sa panahon, sama sa kusog nga hangin, kusog nga ulan, o snow.

Sa Estados Unidos ug Canada, ang mga kapanguhaan alang sa pag-inspeksyon ug pagmentinar makuha pinaagi sa paghangyo ngadto sa manedyer sa mga pasilidad nga nagtrabaho sa Natural Resources Services diha sa Departamento sa mga Pasilidad sa Meetinghouse.

Ang pangkalingawan nga mga kampinganan sa inabangan nga luna pagapalamboon ug i-mentinar sa igo lamang gawas lang kon ang taas nga termino nga kasabotan sa pag-abang gihimo na nga makahatag og katarungan sa paggasto og dako.

Pagbaligya o Pag-abang sa Anaa nang Daan nga Pangkalingawan nga mga Kampinganan

Ang mga kapangulohan sa stake nga nagtinguha sa pagbaligya o pagpaabang sa anaa nang daan nga kabtangan alang sa pangkalingawan nga kampinganan kinahanglan nga mokontak sa manedyer sa mga pasilidad o buhatan sa area. Ang mga stake wala tugoti nga mosulod og bisan unsa nga mga pakigsabot sa bisan unsa nga munisipalidad o ahente kalabot sa pag-angkon, pagpaabang, o pagbaligya sa kabtangan alang sa pangkalingawan nga kampinganan.

Pagdumala

Ang Area Seventy (nga gipili sa Kapangulohan sa Area) motudlo og tinugyanan nga presidente sa stake aron moasikaso sa pagdumala sa kampinganan nga kabtangan. Ang tinugyanan nga presidente sa stake kinahanglan nga nagpuyo sa samang eklesyastikanhong dapit diin ang luna nahimutang.

Estado sa Pagkawalay Labot sa Pagbayad og Buhis

Ang estado sa pagkawalay labot sa pagbayad og buhis sa pangkalingawan nga kampinganan nga mga kabtangan kinahanglang mapreserbar. Ang kabtangan kinahanglan nga dili gamiton alang sa pangnegosyo o politikanhong mga katuyoan o mokita nga lapas sa gikinahanglan alang sa pagpadagan, pagmentinar, o pagpang-ayo. Kon ang lokal nga panggobyerno diin nahimutang ang kabtangan alang sa pangkalingawan nga kampinganan dili motugot sa estado sa pagkawalay labot sa pagbayad og buhis sa kabtangan, ang mga buhis bayaran sa punoang buhatan sa Simbahan.

Mga Pinansyal sa Stake alang sa mga Kampinganan

Sa Estados Unidos ug Canada, ang tinugyanan nga stake modumala sa mga pinansyal sa kampinganan nga maggamit og lahi nga account sa Church-unit banking system (CUBS) pinaagi sa Treasury Services diha sa punoang buhatan sa Simbahan. Ang tinugyanan nga mga stake dili mohimo og mga account sa tseke o deposito direkta sa mga bangko. Ang account sa CUBS gamiton sa pagbayad sa mga panginahanglan sa programa sa kampinganan alang sa mga kalihokan ug mga materyal. Ang tanang bayad ug makobra gikan sa mga mogamit kinahanglang ideposito sa account sa CUBS. Sa mga dapit gawas sa Estados Unidos ug Canada, ang tinugyanan nga presidente sa stake mokontak sa kawani sa pinansyal sa area alang sa mga instruksiyon sa paghimo og mga account.

Ang tinugyanan nga auditor sa stake mo-audit sa mga pagpadagan sa kampinganan nga maggamit sa kasamtangan nga porma sa Recreation Camp Audit [Pag-audit sa Pangkalingawan nga Kampinganan] nga anaa sa Area Audit Resource Library.

Ang tinugyanan nga presidente sa stake mainampingong morebyo ug moaprobar sa tanang kita ug galastohan. Kon ang kabtangan alang sa pangkalingawan nga kampinganan mokita gikan sa natural nga mga kapanguhaan, ang tinugyanan nga stake mopahibalo sa manedyer sa mga pasilidad nga nagtrabaho sa Natural Resources Services diha sa Departamento sa mga Pasilidad sa Meetinghouse (sa Estados Unidos ug Canada) o buhatan sa area (gawas sa Estados Unidos ug Canada). Ang tanan niini nga kita ideposito ngadto sa kinatibuk-ang mga pundo sa Simbahan.

Ang mga miyembro sa Simbahan mahimong motabang sa pagbayad sa galastohan sa pagmentinar, pagpang-ayo, o pagpalambo sa mga kabtangan alang sa pangkalingawan nga kampinganan pinaagi sa pagtanyag og walay bayad nga pagtrabaho, mga materyal, o pagpagamit sa mga ekipo alang sa ginagmay lamang nga pagpang-ayo. Ang tanang pag-ilis ug pagpalambo ipatrabaho sa manedyer sa mga pasilidad nga maggamit lamang sa kwalipikado na nga mga kontraktor ug giaprobahan nga mga pundo sa tinuig nga plano. Ang mga lider sa Simbahan dili mohimo og espesyal nga mga kalihokan aron sa pagpangita og pundo nga igasto sa pagpalambo sa pangkalingawan nga kampinganan (tan-awa sa Paggahin og Pundo sa Pagpalambo alang sa Anaa nang Daan nga Pangkalingawan nga Kampinganan).

Suplay sa Mainom nga Tubig

Ang sistema sa pagbaton og mainom nga tubig sa tanang kabtangan sa Simbahan nga nagkuha sa ilang suplay gikan sa pribadong mga atabay o mga tubod (gawas sa sistema sa pagbaton og tubig sa munisipalidad o komunidad) itukod, ipadagan, ug imentinar sumala sa legal nga regulasyon ug giestablisar nga mga sumbanan sa Simbahan. Ang manedyer sa mga pasilidad maoy responsable sa pagsiguro nga ang tubig kuhaan og sampol ug testingan alang sa mga sumbanan alang sa kalidad sa tubig agi og pagtuman sa mga gikinahanglan sa balaod ug labing maayo nga mga naandang binuhatan sa pagdumala.

Ekipo ug mga Sakyanan

Ang Departamento sa mga Pasilidad sa Meetinghouse ug ang Simbahan sa kasagaran dili mohatag o momentinar og mga ekipo o mga sakyanan alang sa pangkalingawan nga mga kampinganan. Kon ang espesyal nga ekipo gikinahanglan, abangan kini nga gastohan sa stake, isangkap sa mga miyembro sa stake, o paliton gamit ang local unit budget allowance ug sa mga bayad sa mga mogamit.

Mga Tig-atiman

Kon magkinahanglan og usa o mas daghan pa nga full-time nga mga tig-atiman, ang tinugyanan nga mga presidente sa stake mahimong motawag og pangserbisyo nga mga misyonaryo sa Simbahan aron mohimo niana nga buluhaton. Kini nga pangserbisyo nga mga misyonaryo sa Simbahan i-set apart sa ilang bishop.

Alang sa dugang nga impormasyon bahin sa pagtawag og pangserbisyo nga mga misyonaryo sa Simbahan, tan-awa sa Kinatibuk-ang Tamdanan nga Basahon, 24.7.