Bisoprik
Pedped in Katak ko im Unin Tōl ko n̄an Karōk eo an Mōnjar eo

Pedped in Katak ko im Unin Tōl ko n̄an Karōk eo an Mōnjar eo

“Kabun̄ in ej kōm̧m̧an Mōnjar ko bwe aolep ro rej deļon̄ ren maron̄:

Juon m̧ōnjar emaron̄ bōk jekjek ko rokkotak pedped ioon jekjek ko ilo jikin eo im aikuj ko” (Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 35.1).

“N̄an kōkajoorļo̧k Kabun̄ eo,eria ej kōpooj karōk ko reļļap im aitok kitier m̧okta jān kōm̧m̧ani kāālet ko n̄an ukot jikin ekkal an m̧ōnjar eo” (Pedped in Katak ko im Unin Tōl ko n̄an Karōk eo an m̧ōnjarko [2021], ChurchofJesusChrist.org). Pedped in katak ko im unin tōl ko rej elaajrak renaaj jipan̄ rijerbal ro an eria ilo aer rie eria im stake priesthood ritōl ro ilo aer kōttōbrak kōttōpar in.

Pedped ko

Kōkajoorļo̧k Iunit Ko

Kōkajoorļo̧k Kabun̄ eo ilo aer ukukōt jon̄an kilepin ak dikin im jikin ko ej pād ium̧win eddo eo an priesthood ritōl ro āinwōt kar tōl jān Eria Būreejtōnji. Oktak ko n̄an jikin ko an iunit ko emaron̄ bar kōkm̧anm̧anļo̧k wāween kōjerbal m̧ōnjar ko.

Kōjerbale

“M̧okta jān kōm̧man bar jet m̧ōnjar, ritōl ro rej lukkun lale bwe aolep m̧ōnjar ko ren pojak ilowaan juon iien em̧akūtkūt emeļak im ekkar rej jerbal ekkar n̄an jon̄an eo em̧ōj karōke” (Pedped in Katak ko im Unin Tōl ko n̄an Kōm̧m̧an Mōnjar Ko). Mōnjar eo ej karōk jon̄an ļap im dik in ekoba jim̧or oran membōr ro (jon̄an eo enej bwe n̄an lowaan) im oran iunit ko (jon̄an kilepin im dikin iunit eo) juon m̧ōnjar emaron̄ kōjerbale ekkar n̄an jon̄an. Ilo eria ko me elōn̄ membōr ro rej em̧akūt n̄an bar juon jikin, m̧ōnjar ko rejjab lukkun kōjerbali rej bar oktak (joļo̧k ak kōjerbali n̄an bar jet men) emaron̄ juon men n̄an ļōmņak kake.

Estimate eo Ejejjet

Estimate jon̄an eddōkļo̧k in membōr ro im aer pād ilo jar eaorōk n̄an ejaake juon karōk eļap eo im ewejepdik im ejejjet n̄an juon m̧ōnjar. Wāween eo em̧ōj kōmālim n̄an lale jon̄an ļapin im dikin oran membōr im ro rej pād ilo jar.

Ļōmņak Kōn Jikin eo Ejejjet an Mōnjar eo

Jabdewōt m̧ōnjar ko rej kōjerbali n̄an kweilo̧k ej aikuj pād ilo juon jikin ejejjet n̄an jon̄an membōr ro remaron̄ pād lowaan, jikin ko remake an stake. Meļeļe kōn jon̄an oran lōn̄ļo̧k ak dikļo̧k in armej, jekjek in an armej diwōjļo̧k, im iaļ ko repojak emenin aikuj n̄an lukkuun ļōmņak kōn ia jikin eo ejejjet an m̧ōnjar eo.

Maron̄ kakke

“Ritōl ro an eria im jikin eo rej lale jon̄an jāān eo enej jejjet, juon iien aitok kitien, im wāween eo ekkar n̄an ņa mejļan aikuj ko an Mōnjar eo” (Pedped in Katak ko im Unin Tōl ko n̄an Kōm̧m̧an Mōnjar ko).

Eria ko rej aikuj ļōmņak kōn aolep kain kāālet ko me rekkar n̄an jekjek ko ilo jikin eo. Mōnjar eo emaron̄ im̧ōn membōr eo, juon im̧ōn jikuul ilo jikin eo ak jukjukin pād eo, jikin ko em̧ōj liiji, im̧ōn jar ko kar kalōki, ak jikin ko kar kōllā wōnāār, ak ko jet lōm̧naki.

Unin Tōl ko

Ritōl ro an priesthood rej aikuj ļōmņak im ļoor laajrak in n̄e karōke jete ward ko n̄an kōjerbal juon m̧ōnjar:

  • Iien kweilo̧k ko an Jabōt rej jino ilo juon iien ewōr unin im jem̧ļo̧k ilo lukōn raelep n̄an kōmaron̄ aolep baam̧le ko n̄an ekkatak gospel eo ilo m̧weo.

  • Membōr ro rej jokwe ejjab lukkuun ettoļo̧k n̄an m̧ōnjar eo.

  • Okoktak ko n̄an m̧ōnjar ko, n̄e emenin aikuj, reddik im edik joļo̧k jāān kaki.

Eria ko rej kōjerbal karōk ko an m̧ōnjar ko im ejaake karōk eo eļap ikkijeen laļem iiō m̧okta jān kōm̧m̧an kāālet ko n̄an kakobaiki im kōm̧akūt jikin eo an m̧ōnjar eo.

Karōk ko reļļap an Elōn̄ Stake ko ak Ko̧o̧njel eo ej Loloorjake

Karōk ko reļļap remaron̄ ejaake ilo elōn̄ lābōļ ko an stake ko ak ko̧o̧njeļ ko rej loloorjake.

  • Jeere iien ko rem̧m̧an rej waļo̧k ikōtaan im̧ōko ak men ko m̧weien kabun̄ in kiiō im ko rej pepe kaki ilo aolepān stake ko.

  • N̄an bar kajejjet im kakkar jikin ko an iunit ko emaron̄ bar jelet elōn̄ stake ko.

  • Eddōkļo̧k eo kōtmene im kilen kōjerbal ej kwaļo̧k aikuj n̄an jikin im meļan eo ekāāl.

  • Kōm̧akūt rekoot ko an membōr em̧ōj ejaake jikin ak meļan bwe ren maron̄ kōm̧akūti.

Eria māānija ro me rej kōm̧m̧an karōk rej jerbal ippān Eria Jiljilimjuonn̄oul ro im stake būreejtōn ro n̄an kōpooj elmakot ko n̄an an Eria Būreejtōnji kōmālimi.

Karōk ko an Stake-Lābōļ

N̄e watōk juon aikuj n̄an kakobaik ak bar em̧m̧akūt n̄an bar juon jikin kāāl me ejjab koba ilo juon karōk eļap an ko̧o̧njeļ eo ej loloorjake, māānija eo an eria me ej kōm̧m̧an karōk ej jerbal ippān stake būreejtōn eo n̄an kōpooj elmakot ko n̄an an Eria Būreejtōnji eo kōmālimi.

Būrojāāk n̄an Kōmālimi im Jipan̄ kōn Bajet

Jikin eo ekāāl ak būrajāāk ko ikkijeen em̧m̧akūt n̄an bar juon jikin ekāāl eo me ej waļo̧k ilo jerbal in karōk eo maron̄ jilkinļo̧k āinwōt m̧ōttan karōk eo an iiō eo ak aolepān jerbal ko jet n̄an kōmālimi.

Jerbal ko Rekwojarjar im Eddo ko

Eria Būreejtōnji eo

Eria Būreejtōnji eo ej leļo̧k laajrak in tōl ko ikkijeen wāween ko, kāālet ko, im tōprak ko rem̧m̧an ikkijeen karōk eo an m̧ōnjar eo. Eria Būreejtōnji ej lale eria ko ralikkar me rej uwōta kaki, kōmeļeļeik Eria Jiljilimjuonn̄oul ro ikkijeen katak im pedped in katak ko, im kōmālim kōttōpar ko im̧aan tata an karōk eo eļap im elmakot ko āliktata.

Eria Jiljiilimjuonn̄oul im Ritōl ro an Priesthood ilo Jikin eo

Eria Jiljilimjuonn̄oul eo ej katakin katak im pedped in katak ko n̄an stake im mijen būreejtōn ro im barāinwōt bōk kapilōk ippān rijerbal eo an eria. Eria jiljilimjuonn̄oul eo, stake būreejtōnji ro, im mijen būreejtōn ro rej etale im kwaļo̧k meļeļe ko n̄an kōkm̧anm̧anļo̧k karōk eo eļap ikkijeen m̧ōnjar ko. Rej jilkinļo̧k jabdewōt okoktak ko an jikin ko an iunit eo n̄an Eria Būreejtōnji eo bwe ren etale.

Tōreektōr eo an Temporal Affairs (DTA) Im Rijerbal eo an Eria

Tōreektōr eo an Temporal Affairs (DTA) im rijerbal ro an eria rej jipan̄ leļo̧k n̄an ritōl ro an kabun̄ in bōnbōn ak meļeļe ko rejim̧we, riboot ko, meļeļe ko em̧ōj etali, im elmakot ko. N̄an ļoor wōt ilo inem̧m̧an tōl ko an Eria Būreejtōnji eo im Būrookūraam̧ ko an Mōnjar ko an Eria, māānija eo an eria me ej kōm̧m̧an karōk ej kōpooj juon karōk eļap ikkijeen laļem iiō, eo me ekoba stake ko me rej karōki. Māānija in kōm̧m̧an karōk eo ej jerbal ippān ritōl ro an priesthood n̄an kōm̧m̧ane kāālet ko rem̧m̧an im elmakot ko āliktata.

Kakeememej: Naan eo stake būreejtōnji ej barāinwōt iookļo̧k district būreejtōnji.