Ia iloa e faapea o luitau o le soifua maloloina faalemafaufau e tele ona mafuaaga.

I le Ioane 9:2 na fesili atu soo o le Faaola ia te Ia e uiga i le alii tauaso: “Rapi e, po o ai ea na agasala, po o ia nei, po o ona matua, ina ua fanau mai o ia o tauaso?” Ua tali atu le Faaola i Ona soo ma aoao i latou e faapea, “E lei agasala lenei tagata, po o ona matua: ae peitai ina ia faaalia ai o galuega a le Atua ia te ia” (Ioane 9:3). Mai lenei fetaliaiga pu’upu’u e mafai ona tatou aoao mai ai e faapea o le tele o puapuaga, e aofia ai luitau o le soifua maloloina faalemafaufau e le o le taunuuga o le agasala, ma e mafai ona faamaloloina i tatou. E tele mafuaaga e mafai ona saofagā atu ai i luitau o le soifua maloloina—mamanu o loo fausia ai le tino, siosiomaga, o faalavelave ua tupu mai ai le faaleagaina, tulaga o le olaga, ma i nisi o taimi, o filifiliga. Po o le a lava le mafuaaga, e mafai ona tatou maua le malosi mai le Faaola mo le faamoemoe ma le faamaloloina. E le tatau lava ona tatou faapea o se faaiuga otometi e faapea o se luitau o le soifua maloloina faalemafaufau ua mafua sa’o mai lava ona o le agasala pe faapea o se vaivaiga faaleuiga patino o le tagata lava ia.