Mauaina o le tigaalofa paia o le Faaola.

O le tigaalofa o le tomai lea e lagonaina ai faalogona o isi ma malamalama pe o le a le mea o loo latou mafaufauina ma faalogoina. O le tigaalofa e le na’o le lagonaina lea mo se tasi ae o le lagonaina lea faatasi ma i latou. Ona na afio ifo Iesu Keriso i lalo o mea uma, sa ia te Ia le tigaalofa paia ma silafia le ala e lagolagoina ai tatou i o tatou tofotofoga (tagai Alema 7:11-12; Mataupu Faavae ma Feagaiga 88:6).

Pe a oo ina faigata le olaga, e tatou te ono mafaufau faapea ua tuulafoaiina i tatou e le Atua. E mafai ona tatou maua le filemu ma le mafanafana i le upumoni e faapea o loo silafia i tatou e le Atua le Tama ma lo tatou Faaola, o Iesu Keriso, ma silafia le ala e fesoasoani mai ai ia i tatou e ala i o tatou tofotofoga. O le talitonu ia Iesu Keriso e le o lona uiga e faapea o luitau faaletino o le a muta lo latou i ai, a e tatou te talitonu faapea e mafai e le Alii ona aumaia ia i tatou le malosi e fetaiai ai ma o tatou luitau.

Na aoao mai Elder Quentin L. Cook e faapea: “O lenei olaga o le a le faigofie pea, e le’o le uiga foi lea, o le taimi lea o le tofotofoina ma le faamaoniaina. … I nisi taimi atonu e tatou te lagonaina e fai atu faapea, ‘Faamoemoe o e iloa, sa faigata lea taimi ia te a’u,’ e mafai ona faamautuina ia i tatou e faapea o loo i ai iina [Iesu Keriso] ma o loo tatou saogalemu i Ona aao agaalofa’ (“Faamoemoe o e Iloa, Sa Faigata Lea Taimi ia i Matou,” Ensign po o le Liahona, Nov. 2008, 103, 105).