“2: E foliga mai e sili atu ona faanoanoa pe popole lē e pele ia te a’u nai lo le tulaga masani. E tatau ea ona ou popole nei o latou taumafai e pule i le ola?” Soifua Maloloina Faalemafaufau: Fesoasoani mo Matua ma Aiga (2019)
“E Foliga Mai e Sili Atu Ona Faanoanoa Pe Popole Lē E Pele Ia Te A’u Nai Lo Le Tulaga Masani,” Soifua Maloloina Faalemafaufau: Fesoasoani mo Matua ma Aiga
E foliga mai e sili atu ona faanoanoa pe popole lē e pele ia te a’u nai lo le tulaga masani. E tatau ea ona ou popole e faapea e latou te ono taumafai e pule i le ola?
Pe a lagona e se tasi le faanoanoa pe popole, e le o lona uiga e faapea ua latou mafaufauina le pule i le ola. Peita’i, o le iloa o faailoga lapatai masani o le pule i le ola e mafai ona fesoasoani ia te oe ia iloa le taimi e saili ai fesoasoani faaopoopo ma puipuia ai se faalavelave matuia. O faailoga taatele masani, e pei na faalauiloa mai e le National Suicide Prevention Lifeline, e aofia ai:
-
Talanoa e uiga i le mana’o e oti pe fasioti i latou lava.
-
O le saili atu mo se auala e fasioti ai e i latou i latou lava, e pei o le saili atu i luga o upega tafa’ilagi, pe faatau se a’uupega.
-
Talanoa e uiga i lagona o le leai o se faamoemoe po o le leai o se mafuaaga e ola ai.
-
Talanoa e uiga i lagona saisaitia po o le le gafatia o le tiga.
-
Talanoa e uiga i le avea ai ma se avega i isi.
-
Faateleina le latou tagofia o meainu malolosi po o fualaau faasaina.
-
Faaalia o le popole po o le gaulemalie po o le amio le taupulea.
-
Itiiti le taimi po o le tele o le taimi e moe ai.
-
Aveeseina po o le faaesea o i latou.
-
Faaalia le ita po o le talanoa e uiga i le saili e taui ma sui.
-
Faaali mai o le tēlē o le fesuisuia’i o uiga.
Aoao atili e uiga i le pule i le ola ma ala e mafai ona puipuia mai ai i le PreventingSuicide.ChurchofJesusChrist.org.