ʻOku hangē ʻoku toe loto-mafasia mo loto-hohaʻa ange e taha ʻoku ou ʻofa aí ʻi he angamahení. Te u hohaʻa nai telia naʻa feinga taonakita?

ʻI he taimi ʻoku ongoʻi loto-mafasia pe loto-hohaʻa ai ha taha, ʻoku ʻikai ʻuhinga ia ʻoku nau fakakaukau taonakita. Ka neongo iá, ʻe lava ke tokoniʻi koe ʻe hono ako e ngaahi fakaʻilonga fakatokanga angamahení ke ke ʻiloʻi e taimi ke fekumi ai ki ha toe tokoní mo fakaʻehiʻehi mei ha fakatuʻutāmaki. Ko e ngaahi fakaʻilonga angamahení, ʻo hangē ko hono fakamatalaʻi ʻi he National Suicide Prevention Lifeline (Laine Fakahaofi Moʻui Fakafonua ki hono Taʻofi ʻo e Taonakitá), ʻoku kau ai ʻa e:

• Talanoa ʻoku fie mate pe fie tāmateʻi pē kinautolu.

• Fekumi ki ha founga ke tāmateʻi kinautolu, hangē ko e fekumi ʻi he ʻinitanetí pe ko hono fakatau ʻo ha meʻatau.

• Talanoa fekauʻaki mo e ongoʻi kuo siva e ʻamanakí pe ʻikai ha toe ʻuhinga ke moʻui ai.

• Talanoa fekauʻaki mo e ongoʻi ʻoku fihia pe tofanga ʻi ha mamahi he ʻikai lava ʻo kātekina.

• Talanoa fekauʻaki mo ʻene hoko ko ha fakakavenga ki he niʻihi kehé.

• Fakaʻaongaʻi lahi ange e kava mālohí pe faitoʻo konatapú.

• Tōʻonga loto-hohaʻa, pe loto-taʻemanonga pe ʻulungaanga taʻeufi.

• Fuʻu siʻisiʻi pe tōtuʻa e mohé.

• ʻIkai fie feohi pe fie nofo toko taha pē.

• Fakahaaʻi ha tōʻonga fakapoʻuli pe talanoa fekauʻaki mo e feinga sāuní.

• ʻAsi e tōtuʻa e feliliuʻaki ʻene ngaahi ongó.

Ako lahi ange fekauʻaki mo e taonakitá mo e founga ke taʻofi ai iá ʻi he PreventingSuicide.ChurchofJesusChrist.org.

Ngaahi Maʻuʻanga Tokoni ʻa e Siasí mo e Koló

(ʻOku ʻi ai ha niʻihi ʻo e ngaahi maʻuʻanga tokoni ʻi laló ʻoku ʻikai faʻu, tauhi, pe puleʻi ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ka ʻoku ʻoatu ia ko ha tānaki pē ki he ngaahi maʻuʻanga tokoní.)

• Thomas S. Monson, “ ʻOku ʻIkai Aʻupito Ke Tau Tuenoa,” Ensign pe Liahona, Nōvema. 2013, 121–24

• Dallin H. Oaks, “Fakamālohia ʻe he Fakalelei ʻa Sīsū Kalaisí,” Ensign pe Liahona, Nōvema. 2015, 61–64

• Jeffrey R. Holland, “Hangē ha Ipu Kuo Maumaú,” Ensign pe Liahona, Nōvema 2013, 40–42

• Dieter F. Uchtdorf, “Te Ne Hili Koe ki Hono Umá ʻo Fua Koe ki ʻApi,” Ensign pe Liahona, Mē 2016, 101–4

• PreventingSuicide.ChurchofJesusChrist.org

• Family Members and Caregivers,” National Alliance on Mental Illness (NAMI)

• “Risk Factors and Warning Signs,” American Foundation for Suicide Prevention

• “The Warning Signs of Suicide,” Befrienders Worldwide

• “Worried about Someone Suicidal,” Beyond Blue

• “About Suicide,” Save.org

• “Help Someone Else,” National Suicide Prevention Lifeline