‘E founga fēfē haʻaku vakai ki heʻeku fakaakeaké? Ko e hā ʻa e ngaahi faitoʻo mo e ngaahi meʻa fakafaitoʻo ʻoku lelei tahá?

ʻOku malava ʻa e fakaakeake mei he fokoutua fakaeʻatamaí. Koeʻuhí ko e kehekehe lahi ʻo e moʻui mo e ngaahi faingataʻa moʻoni ʻo e moʻui lelei fakaeʻatamaí mei he tokotaha ki he tokotahá, ʻoku taʻe malava ai ke fokotuʻu atu ha founga pē ʻe taha ʻo e faitoʻó pe meʻa fakafaitoʻó. Alēlea mo ha taha ʻokú ke falala ki ai, hangē ko ha mēmipa ʻo e fāmilí, ko ha kaungāmeʻa, ko hoʻo pīsopé, pe ko ha tokotaha taukei he moʻui lelei fakaeʻatamaí. Lotua mo fakakaukau ki hoʻo ngaahi filí pea ngāue mālohi ʻi hoʻo halafononga ki he fakaakeaké. Te ke lava ʻo tataki ha moʻui ʻoku fiemālié, neongo ho ngaahi faingataʻaʻiá, maʻu ha ngaahi uiuiʻi mo ngāue ʻi he Siasí, tokoni ki he koló, pea langaki ha ngaahi vā fetuʻutaki mahuʻinga.

Ngaahi Maʻuʻanga Tokoni ʻa e Siasí mo e Koló

(ʻOku ʻi ai ha niʻihi ʻo e ngaahi maʻuʻanga tokoni ʻi laló ʻoku ʻikai faʻu, tauhi, pe puleʻi ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ka ʻoku ʻoatu ia ko ha tānaki pē ki he ngaahi maʻuʻanga tokoní.)

• HelpGuide.org

• “Learn More,” National Alliance on Mental Illness (NAMI)

• “Mental Health—Recovery,” Canadian Mental Health Association

• “Recovery Is Possible,” MentalHealth.gov

• “Recovery and Support,” Mental Health America

• “Recovery,” Rethink Mental Illness