5
Lewa ni Matabete kei na Cakacaka Vakalotu
Na matabete sai koya na lewa e solia na Kalou vei ira na luvena me ra kauta mai kina na veivakabulai ki na tamata kecega. Na lewa ni matabete e liutaki mai vei ira na iliuliu ni matabete era ciqoma ka cakacakataka na idola ni matabete. Me vaka ni tukuna tiko na ivolanikalou ni “vakaitutu [kei na] vakailesilesi kece sara ena lotu era sa sema ga ki na matabete i [Melikiseteki]” (Vunau kei na Veiyalayalati 107:5), na veika kece e vakayacori ena veidusimaki ni idola ni matabete ena vakayacori ena lewa ni matabete.
Ni dua na marama sa tabaki me vunautaka na kosipeli vaka daukaulotu tudei, sa soli vua na lewa ni matabete me vakayacora kina e dua na cakacaka ni matabete. Ni dua e kacivi a ciqoma mai vua e dua e taura tu na idola ni matabete ena vakayagataka na lewa ni matabete me qarava kina na nona itavi e lesi kina.
Kevaka o lewe ni Matabete i Melikiseteki, ena tu vei iko na madigi mo vakaitavi ena cakacaka vakalotu kei na veivakalougatataki ni matabete.
Me baleta na ikuri ni ivakamacala raica na wase 7.11, “Cakacaka Vakalotu kei na Veivakalougatataki ni Matabete.”