Prishud Atoriti mo Ol Odinens

Prishud i atoriti we God i givim long ol pikinini blong Hem taem we oli pulum evriwan long fasin blong sevem man. Prishud atoriti ia, ol prishud lida we oli kasem mo yusum ol prishud ki ia oli lukaot long wei blong yusum atoriti ia. From se ol skripja oli talem se “evri nara atoriti [mo] ofis insaed long jos oli ol pat blong [Melkesedek] prishud ia,” (Doktrin mo Ol Kavenan 107:5), nao evri samting we oli mekem anda long daereksen blong ol prishud ki ia, oli mekem wetem atoriti blong prishud.

Taem oli setem apat wan woman blong hem i prijim gospel olsem wan fultaem misinari, hem i stap mekem wok ia anda long atoriti blong prishud blong mekem wan wok blong prishud. Eniwan wetem wan koling we hem i kasem long wan we i holem ol ki blong prishud, i stap yusum prishud atoriti ia taem hem i stap mekem ol diuti we oli givim long hem blong mekem.

Sapos yu yu wan we yu holem Melkesedek Prishud, bambae yu gat ol janis blong tekpat long ol odinens mo ol blesing blong prishud.

Blong gat moa infomesen, luk long seksen 7.11, “Ol Odinens mo Ol Blesing blong Prishud.”