Peptaij jān J. Kirk Richards

5

Mālim an Priesthood im Kain̄i ko

Priesthood eo ej mālim eo me Anij ej letok n̄an Ajri ro nejin n̄an bōktok lo̧mo̧o̧r n̄an aolep. Mālim an Priesthood ej tōl jān ritōl ro an priesthood ro rej bōk im kōjerbal ko an priesthood eo. Kōnke jeje ko rekwojarjar rej kalikkar bwe “Aolep maron̄ ko [im] opij ko jet ilo kabun̄ in rej etoto ko tok n̄an [Melchizedek] priesthood in” (Katak im Bujen Ko 107:5) aolep men ko em̧ōj kōm̧m̧ani ium̧win tōl jān ki ko an priesthood ej kōm̧m̧an kōn maron̄ eo an priesthood.

N̄e juon kōrā ej kōjeno̧lok n̄an kwaļo̧k gospel eo āinwōt juon full-time mijinede, ej jerbal ium̧win mālim eo an priesthood n̄an kōm̧m̧ane juon jerbal an priesthood. Jabdewōt eo em̧ōj an bōk kūr jān juon eo ej kabwijer ki ko an priesthood ej kōjerbal maron̄ eo an priesthood ilo an kōm̧m̧ani eddo ko kar leļo̧k n̄an e.

Eļan̄n̄e kwoj juon eo ej kabwijer Priesthood eo an Melkisedek, enaaj wōr iien ko rem̧m̧an n̄an am̧ pād ilo kain̄i ko im kōjeraam̧m̧an ko an priesthood.

N̄an meļeļe ko reļļapļo̧k lale jekjōn 7.11, “Kain̄i ko im Kōjeraam̧m̧an ko an Priesthood.”