He Leadeth Me,, jān Yongsung Kim, havenlight.com

Dedeļo̧k in Mijen eo Am̧

6.0

Kadkad in

Kōpooj kwe make kiiō n̄an wōnm̧aanļo̧k ilo mour eo am̧ āinwōt juon rikaļoor an Jisōs Kraist im āinwōt juon eo etiljek ej uwaan Kabun̄ eo an Jisōs Kraist im Armej ro Rekwojarjar ilo Raan Ko Āliktata n̄e kwonaaj jepļaak n̄an ijo jikum̧ im ilo am̧ kakūrm̧ool mijen eo am̧ ilo mour.

6.1

Ekkeijeļļo̧k wōt Ippāer

Wōnm̧aanļo̧k wōt n̄an ekōnono ippān ro kwar katakin er im jerbal ippāer ilo mijen eo am̧, ekoba ritōl ro an mijen eo am̧. Jipan̄ im kōkajoorļo̧k er kōn naan ko im waanjon̄o̧k ko am̧, im keememe iien ko raorōk ilo mour ko aer.

6.2

Jeplaakļo̧k n̄an Mweo M̧ōm jān Mijen eo Am̧

Kōnke kwoj mijenede wōt m̧ae iien eo em̧ōj kōtļo̧k eok jān stake būreejtōn eo am̧, kōtmene eok n̄an ļoor aolep jon̄ak ko an mijenede m̧ae iien eo. Ļōmņak in kajju jepļaak n̄an m̧weo m̧ōm̧. Menin elukkuun ļap an aorōk n̄e kwoj jerbal ilo juon jikin eo oktak jān ijo kwoj itok jāne ijo eaikuj kōjerbal visa ie. Karūm̧wijļo̧k am̧ jepļaak n̄an m̧weo m̧ōm̧ emaron̄ kōm̧m̧an an ben n̄an mijenede ro ilju im jekļaj bōk visa in ito itak ko. Eļan̄n̄e kwoj ioon baam̧le eo am̧ n̄an jepļaak n̄an m̧weo m̧ōm̧, kappukot kapilōk eo im tōl eo jān mijen būreejtōnj eo am̧ m̧okta.

Kwomaron̄ jab kadedeļo̧k jerbal in mijinede eo am̧ ilo bar juon mijen ak kajjitōk n̄an em̧m̧akūt n̄an bar juon mijen ālikin raan eo raar kōtļo̧k eo ie bwe kwon maron̄ kam̧pānien ippān juon nukum̧.

N̄e kwoj jepļaak n̄an m̧weo m̧ōm̧, karōke ippān stake būreejtōn eo am̧ n̄an kōtlo̧k eok ilo iien eo em̧ōkajtata.

Ilo iien eo em̧ōkaj tata komaron̄ ālkin jepļaak eo n̄an m̧weo m̧ōm̧, kakōlkōl in tipi, jekdo̧o̧ņ eļan̄n̄e kwar kakōlkōl m̧okta jān mijen eo am̧ im ekar ejjeļo̧k kakōļļe ko.

6.3

Jerbal im Eddōkļo̧k ālkin Mijen eo Am̧

N̄e kwoj jepļaak n̄an m̧weo m̧ōm̧, wōnm̧aanļo̧k wōt im mour kōn jon̄ak ko an gospel eo. Lukkuun kōm̧m̧an bwe kwōn:

Jar im ekkatak kōn gospel eo raan otemjej.
Etal n̄an im pād ilo ward eo am̧ ak ward eo an rūm̧m̧an ded ro ejjeļo̧k pāleer.
Kappukot iien ko rem̧m̧an n̄an jerbal ilo tampeļ eo eļan̄n̄e ewōr juon epaak.
Etal n̄an institute ak kūlaaj in bōk jeļāļo̧kjeņ an kabun̄ in.
Pukōt iien ko rem̧m̧an ikkijeen jeļāļo̧kjeņ im jerbal ko ilo am̧ kōjerbal Kabun̄ in im kein jipan̄ ko jet.

Mour bwe kwōn en̄jake lan̄lōn̄ eo kar kōmeļeļeik ilo Bok in Mormon ke Alma eo Edik ekar ioon mijenede ro tokālik ilo mour in:

“Im kiiō ālikin men kein ke Alma eaar ito-itak jān āneen Gideon n̄an turōk, ļo̧k n̄an āneen Mantai, lo, n̄an an bwilōn̄, eaar iioon ļōm̧aro nejin Mosaia rej ito-itak n̄an āneen Zaraemla.

“… Kōn menin Alma eaar kanooj m̧ōņōņō otem m̧ōņōņō n̄an lo ļōm̧arein jein im jatin; im ta eaar kobaļo̧k ilo m̧ōņōņō eo an, raar ro jein im jatin wōt ilo Irooj; aaet, im raar kanooj kajoorļo̧k ilo jeļā m̧ool eo; bwe raar armej in jeļāļo̧kjeņ ejim̧we im raar lin̄ōri jeje ko rekwōjarjar ilo niknik, bwe ren maron̄ jeļā naan an Anij.

“Ak ejjab aolepān in; raar leļo̧k er n̄an eļap jar, im jitlo̧k; kōn menin ippāer eaar wōr jitōbōn kanaan, im jitōbōn revelesōn, im ke raar katakin, raar katakin kōn kajoor im maron̄ an Anij.” (Alma 17:1–3; italic ko kar kobaiktok).