“Ngano man nga Gibunyagan Sila alang sa mga Patay?”
Imahe
Bunyaganan diha sa Ogden Utah Temple.
Daghan sa mga Santos sa Corinto ang misalmot sa mga pagbunyag alang sa ilang nangamatay nga mga katigulangan, apan bisan pa man niini aduna gihapoy pipila nga wala mituo sa Pagkabanhaw sa patay. Gitabangan sila ni Pablo aron makakita nga kita mibuhat sa mga ordinansa alang sa mga patay inubanan sa hugot nga pagtuo nga si Kristo mobanhaw kanatong tanan aron mabuhi pag-usab diha sa Pagkabanhaw. Kini nga leksiyon gituyo aron matabangan ka nga magtinguha ug magplano sa pagsalmot nga mas makahuluganon sa family history ug sa buhat sa templo.
Ang importansiya sa mga saksi
Susiha ang mosunod nga tulo ka mga paresan sa hulagway. Pamalandongi ang relasyon tali sa duha ka mga hulagway sa matag paresan.
Unang paresan
Imahe
Ang Orchestra diha sa Temple Square, Mayo 2007. Sila miapil diha sa pasundayag sa oratorio nga “Elijah” nga nahitabo didto sa the Tabernacle on Temple Square.
Tabernacle Choir, “Elijah” nga konsiyerto, Mayo 2007
Imahe
Kapiyestahan sa Sayaw sa Unom ka Stake sa Portland, OR
Ikaduhang paresan
Imahe
Mga utanon, mga tamatis, broccoli ug carrots
Imahe
Mga batan-ong lalaki nagdagan.
Ikatulong paresan
Imahe
Walay sulod nga lubnganan ni Jesukristo - gipahimutang sa Goshen, Utah
Imahe
Adlawan nga litrato sa Guadalajara Mexico Temple.
Unsaon nimo pagpasabot sa usa ka tawo sa relasyon tali sa walay sulod nga lubnganan sa Manluluwas ug sa mga templo sa modernong panahon?
Sa dihang si Apostol Pablo nakahibalo nga pipila sa mga indibidwal sa Corinto nagtudlo nga walay pagkabanhaw, iyang gipasabot nga ang mga Santos nagbuhat na og butang nga nagpamatuod sa reyalidad sa pagkabanhaw.
1. Tubaga ang mosunod nga mga pangutana diha sa imong journal sa pagtuon:
Unsaon nimo pagsulti pag-usab gamit ang imong kaugalingong mga pulong kon unsa ang gitudlo ni Pablo sa bersikulo 29?
Sa unsang paagi nga ang mga pagbunyag alang sa mga patay usa ka pagpamatuod sa Manluluwas, sa Iyang Pag-ula, ug sa Pagkabanhaw?
Mga bunyag alang sa patay
Usa ka kamatuoran nga atong makat-onan gikan sa 1 Mga Taga-Corinto 15:29 mao nga kadtong mga nangamatay nga walay bunyag mahimo gihapo nga makadawat niining mahinungdanon nga ordinansa pinaagi sa buhat nga gihimo diha sa mga templo.
Si Presidente Gordon B. Hinckley (1910–2008) nagtudlo kon sa unsang paagi nga ang partisipasyon sa buhat sa templo mahimong makakonektar kanato ngadto kang Jesukristo:
Imahe
Katunga sa lawas nga nag-atubang nga hulagway ni Presidente Gordon B. Hinckley. Ang mga kamot ni Presidente Hinckley nagpatong sa luyo sa usa ka lingkoranan. Ang imahe mao ang opisyal nga hulagway sa Simbahan ni Presidente Hinckley pagka-1995. Mao kini ang kataposang opisyal nga hulagway ni Presidente Hinckley. Si Presidente Hinckley namatay niadtong 27 sa Enero 2008.
Ako nagtuo nga ang puli nga buhat [vicarious work] alang sa mga patay mas hapit mahisama sa puli nga sakripisyo sa Manluluwas Mismo kay sa bisan unsa nga buluhaton nga akong nahibaloan. Kini gihatag uban sa gugma, wala maglaom og bayad, o pagbalos o bisan unsa. Pagkamahimayaon nga baroganan [fireside sa Birmingham, England, 29 Ago. 1995].
(Gordon B. Hinckley, “Excerpts from Recent Addresses of President Gordon B. Hinckley,” Ensign, Ene. 1998, 73)
Sa unsang paagi nga ang pag-apil sa mga pagbunyag ug uban pang buhat sa templo alang sa mga patay makatabang kanato aron mas mahimo kitang susama sa Manluluwas?
Palawmi ang imong pagsabot
Handurawa nga usa ka adlaw niana sa tulunghaan, ikaw ug imong mga higala naghisgot sa inyong mga plano alang sa kataposan sa semana. Usa ka higala miingon nga siya naghinam-hinam nga moadto sa templo aron maghimo og mga pagbunyag alang sa mga patay kauban ang ubang mga batan-on sa iyang ward. Lain pang higala, si Kaya, makita sa iyang panagway nga naglibog og maayo ug nangutana, “Pagbunyag alang sa mga patay? Unsa man kana?”
Unsa ka kamasaligon sa pagtubag niini nga pangutana sa paagi nga masabtan ni Kaya?
Paggahin og pipila ka panahon sa pagpalawom sa imong pagsabot sa ordinansa sa pagbunyag alang sa mga patay pinaagi sa pagpili og usa o daghan pa sa mosunod nga mga kapanguhaan aron tun-an o pinaagi sa pagpangita sa imong kaugalingong mga kapanguhaan. Sa imong pagtuon, pangita og pipila ka mga butang nga lagmit nimong mapakigbahin sa uban sama ni Kaya kinsa gustong mas makasabot niini nga buhat.
Giya ngadto sa mga Kasulatan, “Kasaysayan sa Pamilya,” topics.ChurchofJesusChrist.org
Leah Barton, “Tulo ka Kamatuoran mahitungod sa mga Bunyag sa Templo [Three Facts about Temple Baptisms],” New Era, Sept. 2019, 22–23
“Unsa Ang Mga Pagbunyag alang sa Patay [What Are Baptisms for the Dead]?” (1:22), anaa sa ChurchofJesusChrist.org
“Duha ka Apostoles Naggiya og usa ka Birtuwal nga Paglibot sa Rome Italy Temple [Two Apostles Lead a Virtual Tour of the Rome Italy Temple],” ” (11:31; tan-awa gikan sa time code 1:23 hangtod sa 4:13)
2. Ipasabot unsaon nimo pagtudlo sa usa ka tawo sama ni Kaya, kinsa wala kaayo masayod sa pagbunyag alang sa mga patay, mahitungod niini nga ordinansa. Mahimong ilakip ang mosunod nga mga punto sa imong pagpasabot:
Unsa ang gihulagway sa ordinansa sa pagbunyag sa mga patay mahitungod sa unsa ang gibati sa atong Langitnong Amahan ug sa Iyang Anak, si Jesukristo, alang sa matag usa kanato.
Ang imong kaugalingong mga kasinatian sa pagsalmot niini nga ordinansa.
Buhata unsay imong nakat-onan
Paghunahuna mahitungod sa imong personal nga mga kasinatian sa family history ug sa buhat sa templo. Pamalandongi unsa ang nakapahimong mahingdunanon niini nga mga kasinatian ug ang bisan unsang mga babag nga imong giatubang. Dayon pagmugna og usa ka yano, personal nga plano kon unsaon nimo paggamit ang unsay imong nakat-onan ug nabati karon. Pananglitan, mahimo nimong ikonsiderar ang paghimo og usa ka plano nga may kalabotan sa pagtambong sa templo, pagkuha og rekomend sa templo, paggamit sa FamilySearch aron sa pagpangita sa mga ngalan sa imong mga katigulangan kinsa nagkinahanglan nga makadawat sa ordinansa sa pagbunyag, pagbuhat og usa ka butang aron makahimo sa imong kasinatian sa templo nga mas mahinungdanon, o paghunahuna og usa sa imong kaugalingong makapadasig nga mga ideya. Sunda ang mga pag-aghat sa Espiritu Santo sa pagmugna og usa ka plano nga insakto alang kanimo. Irekord ang imong mga plano diha sa imong journal sa pagtuon.
3. Ipakigbahin ang imong plano ngadto sa imong magtutudlo.
Opsiyonal: Gustong Makakat-on Pa og Dugang?
Sa unsang paagi nga ang pagbunyag sa mga patay may kalabotan kang Jesukristo ug sa Iyang Pagkabanhaw?
Si Elder D. Todd Christofferson sa Korum sa Napulog Duha ka Apostoles mitudlo:
Imahe
Hulagway ni Elder D. Todd Christofferson. Gilitratohan niadtong Marso 2020.
Ang atong dakong paningkamot sa pagtubos sa mga patay, ug ang panahon ug kapanguhaan nga atong gipahinungod tungod niana nga pasalig, mao ang, labaw sa tanan, usa ka pagpahayag sa atong pagsaksi kabahin ni Jesukristo. Kini naglangkob og ingon ka gamhanan nga pamulong nga atong mahimo kabahin sa Iyang balaan nga kinaiya ug misyon. Kini nagpamatuod, una, sa Pagkabanhaw ni Kristo; [ug] ikaduha, sa walay kinutobang epekto sa Iyang Pag-ula. …
Kita gibunyagan alang sa mga patay tungod kay kita nasayod nga sila mabanhaw.
(D. Todd Christofferson, “The Redemption of the Dead and the Testimony of Jesus [Ang Pagtubos sa Patay ug ang Pagpamatuod ni Jesus],” Ensign, Nob. 2000, 10)
Nagbuhat ba ang mga miyembro sa Simbahan ni Kristo sa Bag-ong Tugon og mga pagbunyag sa mga patay?
Ang puli nga mga bunyag gipahigayon lamang human mabanhaw si Jesus. Ang bugtong tudling sa Biblia nga naghisgot sa puli nga bunyag alang sa mga patay mao ang 1 Mga Taga-Corinto 15:29, bisan og ang ubang karaang mga teksto nagmatuod nga ang bunyag alang sa mga patay gihimo na sa unang mga Kristiyano.
“Si Jesukristo nagtudlo nga ang bunyag gikinahanglan aron makaangkon og kinabuhing dayon (tan-awa sa Juan 3:5). Si Pablo mismo nabunyagan ug gitudloan nga pinaagi niining importante nga ordinansa kita mahimong ‘magkinabuhi sa bag-ong kinabuhi (Mga Taga-Roma 6:4; tan-awa usab sa Mga Buhat 9:18). Apan minilyon sa mga anak sa Langitnong Amahan nangamatay nga wala makaangkon og kahibalo ni Jesukristo o makadawat sa gikinahanglan nga ordinansa sa bunyag. Ang pakisayran ni Pablo sa bunyag alang sa mga patay nagsugyot nga ang nahaunang mga miyembro sa Simbahan nakahibalo sa plano sa Dios sa pagtubos sa mga patay (tan-awa usab sa Juan 5:25, 28; 1 Pedro 3:18–19; 4:6)” (Manwal sa Estudyante sa Bag-ong Tugon [New Testament Student Manual] [2014], 385).
Kanus-a ang mga miyembro sa Simbahan ni Kristo sa ulahing mga adlaw nagsugod sa pagbuhat sa mga pagbunyag sa mga patay?
Aron madungog ang kasaysayan sa pagpatuman sa gipahiuli nga Simbahan sa mga bunyag alang sa patay, ikonsiderar ang pagtan-aw sa bidyo nga “Malipayon nga mga Balita: Ang Kasaysayan sa mga Bunyag alang sa Patay [Glad Tidings: The History of Baptisms for the Dead]” (6:55), anaa sa ChurchofJesusChrist.org.
Asa ako makakat-on pa og dugang kabahin sa mga bunyag alang sa patay?
“Unsa Ang Mga Pagbunyag alang sa Patay [What Are Baptisms for the Dead]?” (1:22), anaa sa ChurchofJesusChrist.org
“Duha ka Apostoles Naggiya og usa ka Birtuwal nga Paglibot sa Rome Italy Temple [Two Apostles Lead a Virtual Tour of the Rome Italy Temple],” ” (11:31; tan-awa gikan sa time code 1:23 hangtod sa 4:13)
