2 Korinito 11–12

Onosaia Faigata ma le Faatuatua ia Keriso

E oo lava i soo sili ona faamaoni o Iesu Keriso e onosaia faigata i o latou olaga. Sa faasoa mai e Paulo nisi o puapuaga sa ia onosaia ma le ala na mafai ai ona ia maua le olioli i na aafiaga e ala i le fesoasoani a le Faaola. O lenei lesona e mafai ona fesoasoani ia te oe e faalagolago ai i le Alii a o e taumafai e onosai ma le faamaoni i ou lava luitau.

O faigata o le olaga

• O le a sou manatu o le a le faamoemoega o tala matuitui i luga o se pupurosa?

I le olaga, e tele o tatou aafiaga matagofie e mafai ona faatusatusa i se rosa. Peitai, tatou te feagai foi ma faigata ma luitau e mafai ona faatusatusa i mea matuitui.

• O a nisi o faigata ma luitau e ono feagai ma tagata i le olaga?

• O a manatu ma fesili e ono fesili ai tagata e uiga i le Atua a o latou feagai ma faigata? Mata o le a se mea latou te taumatemate ai e uiga ia i latou lava?

A o e suesue i le aso, vaavaai mo upumoni e mafai ona fesoasoani ia te oe e onosaia ai ma le faamaoni ia faigata e filifili le Atua, i Lona alofa ma le poto, e le aveesea. Mafaufau loloto pe aisea e te manaomia ai le fesoasoani a le Atua a o e onosaia ia faigata.

O tofotofoga o Paulo

Faitau le 2 Korinito 11:24–28, ma vaavaai mo nisi o tofotofoga na onosaia e Paulo i le taimi o lana galuega.

• O a nisi faataitaiga e mafai ona e mafaufau i ai mai tusitusiga paia pe mai le talafaasolopito o le Ekalesia o faaalia ai e oo lava i e amiotonu e mafatia i faigata? E faapefea ona avea le soifuaga o le Faaola o se faamaoniga o lenei mea?

• Aisea e te manatu ai e faatagaina e le Tama Faalelagi ia soo faamaoni o Iesu Keriso e onosaia mea e tele?

E ui ina sa faamanuiaina e le Atua ia Paulo i faaaliga matagofie, e aofia ai se faaaliga vaaia o le malo selesitila (tagai i le 2 Korinito 12:1–4), sa tatau lava ona onosaia e Paulo suega ma tofotofoga o lona faatuatua. Faitau le 2 Korinito 12:7 e vaai ai po o le a le mea na faatusa i ai e Paulo se tasi o ona faigata faifai pea.

• E mafai faapefea ona avea “se mea matuitui i le tino” ma se faamatalaga talafeagai o nisi o faigata patino?

• O le a se faatusatusaga e mafai ona e faaaogaina e faamatala ai se faigata patino na onosaia e oe po o e pele ia te oe? Aisea?

Faitau le 2 Korinito 12:8–10 e vaai ai i le aafiaga o Paulo i lona tatalo ai mo “mea matuitui i lona tino” ina ia aveesea. A o e faitau, ia manatua o le upu alofa tunoa o lona uiga o le “fesoasoani faalelagi po o le malosi … e tuuina mai e ala i le alofa mutimutivale ma le alofa o le Atua” (O le Taiala i Tusitusiga Paia, “ Alofa Tunoa,” scriptures.ChurchofJesusChrist.org; tagai foi i le Eteru 12:27).

O se tasi o upumoni e mafai ona tatou aoao mai le aafiaga o Paulo o le, atonu e le aveesea i taimi uma e le Alii o tatou luitau, ae e mafai ona faamalosia i tatou e Lona alofa tunoa a o tatou onosaia i latou ma le faamaoni.

• E faapefea ona e vaai i lenei upumoni ua faamaonia i le soifuaga o le Faaola? (tagai i le Luka 22:41–44).

Saili ma faitau ia le itiiti ifo ma le tasi se tala faatusipaia o loo faaalia ai le ala e mafai ai e le Alii ona faamanuia i latou o e onosaia faigata ma le faatuatua ia te Ia. (O fautuaga nei o tala atonu e te filifilia.)

• Mataupu Faavae ma Feagaiga 121:1–8; 122:7–9. (Sa tatalo Iosefa Samita a o puapuagatia o ia i le Falepuipui o Liperate.)

• Mosaea 24:8–15. (Sa faatagataotauaina le nuu o Alema e sa Lamana ma sa pulea e le faitaulaga amioleaga o Amulona.)

1. Tali ni fesili se tolu pe sili atu o fesili nei i lau api faamaumau mo suesuega:

• O le a se mea na e aoaoina e uiga i le Alii ma mea ua Ia ofoina mai ia i latou o e onosaia ma le faamaoni ia faigata?

• O le fea o Ana faamanuiaga e sili ona e manaomia a o e onosaia ou faigata? Aisea?

• O ai se tasi e te iloa patino na onosaia ma le faamaoni sona luitau? O le a se mea sa latou faia e onosaia ai ma le faamaoni? Na faapefea ona e vaaia le alofa tunoa o le Alii o fesoasoani ia i latou?

• O le a sou manatu o le a se mea e finagalo le Faaola e ao ona e faia e onosaia ai ma le faamaoni ou tofotofoga?

Matamata le vitio “Mountains to Climb” (5:05), o loo maua i le ChurchofJesusChrist.org, vaavaai mo mea e mafai ona tatou faia e onosaia ai tofotofoga ma le faatuatua.

O Mauga e A’ea

O le mauaina o le faatuatua i le Alii o Iesu Keriso o le a fesoasoani tatou te maua ai le malosi e onosaia ai ma foia ai luitau e sili ona faigata o le olaga.

• O le a se mea na e aoaoina e uiga i le onosaia o faigata faatasi ai ma le faatuatua ia Iesu Keriso?

2. Faamaea mea nei i totonu o lau api faamaumau mo suesuega:

E faavae i mea sa e aoaoina ma lagonaina a o e suesueina le 2 Korinito 12 i le asō, faaopoopo i ai pe toe tusi le faamatalaga lenei ina ia sili ona sao lelei.

“Afai tatou te tatalo ma le lava o le faatuatua ia Iesu Keriso, o le a aveesea e le Tama Faalelagi soo se tofotofoga o loo tatou feagai ai.”

Tuu i l Faitalia: O e Manao e Suesue Atili?

Na faapefea ona avea le Faaola ma se faataitaiga o upumoni na aoaoina i lenei lesona?

Na faasoa mai Peresitene Dallin H. Oaks o le Au Peresitene Sili mea nei e uiga i le Luka 22:41–44:

O iinei tatou te vaai ai i le faatuatua a‘ia’i o le Faaola ma le faalagolago i le Tama. “E ui i lea,” na ia fai mai, “e le o lo’u loto, a o lou finagalo.” O le tali a le Tama o le faafitia lea o le talosaga a lona Alo Pele e Toatasi na Fanaua. O le Togiola sa ao lava ona faatinoina e lena tamai mamoe le pona. Peitai e ui ina lei talia le talosaga a le Alo, ae sa tali lava lana tatalo. O loo tusia i le mau: “Ma ua faaali mai ia te ia se agelu mai le lagi, ua faamalosi ia te ia” (FIS, Luka 22:43).

(Dallin H. Oaks, “Faith in the Lord Jesus Christ,” EnsignMe 1994, 100)

O le a le mea ua ofoina mai e le Faaola ia i tatou i taimi o o tatou faigata?

Sa faasoa mai e Peresitene Dallin H. Oaks o le Au Peresitene Sili:

O le mana faamalolo o le Alii o Iesu Keriso—e tusa pe aveeseina ai a tatou avega pe faamalosia ai i tatou ina ia onosaia ma ola ma avega e pei o le Aposetolo o Paulo—o loo avanoa mo mafatiaga uma i le olaga faaletino.

(Dallin H. Oaks, “Na te Faamaloloina i Latou e Mafatia i Avega,” Liahona,, Nov. 2006, 8)

E mafai faapefea e o tatou tauiviga ona fesoasoani ia i tatou e faamanuia ai i latou o siomia i tatou?

Sa aoao mai Sister Reyna I. Aburto, Fesoasoani Lua i le Au Peresitene Aoao o le Aualofa:

O ou tauiviga e le faamatalaina ai oe, ae e mafai ona faamamaina ai oe. Ona o se “mea matuitui i le tino,” atonu o le a e maua ai le gafatia e lagona atili ai le agaalofa i isi.

(Reyna I. Aburto, “I Mala i Manū, Iesu, Afio Mai!,” Liahona, Nov. 2019, 59)

E mafai e i latou o e umia le perisitua ona faamaloloina i latou uma o e faatuatua ina ia faamaloloina?

Na faamalamalamaina e Peresitene Dallin H. Oaks o le Au Peresitene Sili:

He Heals the Heavy Laden

The healing power of the Lord Jesus Christ … is available for every affliction in mortality.

E ui e mafai e le Faaola ona faamalolo ia i latou uma Na te faamaloloina, ae le faamaonia lenei mea ia i latou e umia Lana pule o le perisitua. O le faaaogaina i le faaletino o lena pule e faatapulaa lea e le finagalo o Le ana le perisitua. O lea la, ua tauina mai ia i tatou e faapea o nisi o e faamanuiaina e toeaina e le faamaloloina aua ua ‘tofiaina i le oti’ [Mataupu Faavae ma Feagaiga 42:48]. E faapena foi, ina ua saili le Aposetolo o Paulo ina ia faamaloloina mai le “mea matuitui i le tino” lea na tuia ai o ia (2 Korinito 12:7), na le finagalo le Alii e faamalolo ia te ia.

(Dallin H. Oaks, “Na te Faamaloloina i Latou e Mafatia i Avega,” Liahona,, Nov. 2006, 7)