Բ Պետրոս 1

Դառնալ Հիսուս Քրիստոսի նման

Պետրոսը գրեց Հիսուս Քրիստոսի աշակերտներին, որոնք ամուր էին իրենց հավատքում: Պետրոսը մոտենում էր իր կյանքի ավարտին և ցանկանում էր օգնել այս Սրբերին հիշել հավատացյալներին խոստացված մեծ օրհնությունները: Նա խրախուսեց Սրբերին զարգացնել Հիսուս Քրիստոսի հատկանիշները: Այս դասի նպատակն է օգնել ձեզ քայլեր ձեռնարկել՝ Հիսուս Քրիստոսին ավելի շատ նմանվելու համար:

Քայլ առ քայլ ձեռքբերումներ

• Ո՞րն է այն իմաստալից նպատակը, որին կցանկանայիք հասնել:

• Ի՞նչ եք անում այդ նպատակը իրականացնելու համար։

Յոթանասունից Երեց Սքոթ Դ. Ուայթինգը կիսվել է մի դասով, որը նա և իր կինը սովորել են Ճապոնիայի Ջուջի լեռը բարձրանալու ժամանակ: Նրանց սովորած դասը կօգնի ձեզ աշխատել՝ ձեր նպատակներին հասնելու համար:Կարող եք դիտել «Դառնալով Նրա նման» տեսանյութը ChurchofJesusChrist.org-ում՝ 2:35-3:09, կամ կարդալ հետևյալ պատմությունը.

Դառնալով Նրա նման

Աստվածային էություն

Նամակում, որն ուղղված էր Հիսուս Քրիստոսի հանդեպ հավատք ունեցող Եկեղեցու անդամներին, Պետրոս առաքյալն իր ցանկությունն է հայտնել, որ նրանք ստանան Երկնային Հորը և Հիսուս Քրիստոսին ու Նրանց աստվածային էությունը ճանաչելու օրհնությունները:

Կարդացեք Բ Պետրոս 1.2–4 հատվածները՝ փնտրելով օրհնություններ, որոնք մենք կարող ենք ստանալ այս գիտելիքի միջոցով:

• Ձեր կարծիքով, ի՞նչ է նշանակում «հաղորդակից լինիք աստուածային բնութեանը» ( Բ Պետրոս 1.4)։

Մեզանից յուրաքանչյուրն ունի աստվածային էություն, քանի որ յուրաքանչյուրս «երկնային ծնողների կողմից սիրված հոգևոր որդին կամ դուստրն ենք» (« Ընտանիք․ Հայտարարություն աշխարհին », ChurchofJesusChrist.org)։ Հիսուս Քրիստոսը կօգնի մեզ զարգացնել և կատարելագործել Քրիստոսանման հատկանիշները, երբ մենք ձգտենք հետևել Նրա կատարյալ օրինակին և ապավինենք Նրան, որ օգնի մեզ փոխվել:

1. Կատարեք հետևյալ հանձնարարությունը սուրբ գրությունների ուսումնասիրության ձեր օրագրում. Ավելացումներ կատարեք դասի ընթացքում:

Ձեր ուսումնական օրագրում նկարեք Ֆուջի լեռան կամ ձեր ընտրած մեկ այլ լեռան հասարակ ուրվագիծը: Ձեր նկարած լեռան վրա գրեք Հիսուս Քրիստոսի մի քանի հատկանիշներ:

• Հիսուս Քրիստոսի ո՞ր հատկանիշով եք ամենաշատը հիանում: Ինչո՞ւ:

Կարդացեք Բ Պետրոս 1.5–7 հատվածները՝ փնտրելով Պետրոսի կողմից թվարկված Քրիստոսանման հատկանիշները: Ավելացրեք այս հատկանիշները ձեր օրագրում՝ ձեր լեռան վրա գրված հատկանիշներին:

Մի պահ մտածեք, թե ինչ կարող էր նկատի ունենալ Պետրոսը «ամենայն ջանասիրությամբ» արտահայտությամբ ( հատված 5):

• Ինչպե՞ս կարող եք դա ցույց տալ ձեր գծապատկերում։

Կարդացեք Բ Պետրոս 1․8–11 հատվածները՝ փնտրելով, թե Պետրոսն ինչ ասաց Սրբերին այն մասին, թե ինչ տեղի կունենա, եթե նրանք զարգացնեն այդ հատկանիշները։

• Ի՞նչ ճշմարտություն սովորեցիք այս հատվածներից:

Մտածեք այն մասին, թե ինչ կարող եք ավելացնել ձեր գծապատկերում ձեր սովորածի շնորհիվ: Ձեր նկարած սարի վերևում կարող եք ավելացնել վերնագիր, որն արտահայտում է մի կարևոր ճշմարտություն, որը դուք սովորում եք Հիսուս Քրիստոսին ճանաչելու մասին:

Ձեր գծապատկերը կարող եք համեմատել հետևյալ օրինակի հետ և ավելացնել ցանկացած տեղեկություն, որը ձեզ օգտակար է թվում:

Ինչպե՞ս զարգացնել Քրիստոսանման հատկանիշներ

Քրիստոսանման հատկանիշների զարգացման ճանապարհը կարող է սկսվել առաջին պարզ քայլից՝ ընտրել մեկ հատկանիշ և ավելին իմանալ դրա մասին: Սկսեք այդ ճանապարհն այսօր՝ ընտրելով Բ Պետրոս 1.5–7 հատվածներում նշված և ձեր սարի գծապատկերի վրա գրված հատկանիշներից մեկը:

Ձեր ընտրած հատկանիշի մասին ավելին իմանալու եղանակներից մեկն է՝ օգտագործել Սուրբ գրքերի ուղեցույցը, Թեմաների ուղեցույցը կամ Gospel Library հավելվածում որոնման գործառույթը՝ այդ հատկանիշին առնչվող սուրբ գրություններ կամ հայտարարություններ գտնելու համար:

Նշումներ կատարեք ձեր ուսումնասիրության օրագրում և նշեք ձեր կարդացած սուրբ գրությունների կարևոր արտահայտությունները:

2. Ձեր օրագրում պատասխանեք հետևյալ հարցերին.

• Ո՞ր հատկանիշն եք ընտրել կենտրոնանալու համար:

• Ի՞նչ եք սովորել Հիսուս Քրիստոսի և այս հատկանիշի մասին ձեր ուսումնասիրությունների ընթացքում:

• Ինչպե՞ս կարող է բարելավվել ձեր կյանքը, եթե զարգացնեք Քրիստոսանման այս հատկանիշը:

• Ի՞նչ ջանքեր եք դուք պատրաստ գործադրել՝ այս հատկանիշը զարգացնելով Փրկչին ավելի նմանվելու համար:

Ընտրովի. Ցանկանո՞ւմ եք ավելին իմանալ

Ի՞նչ կպահանջվի ինձանից՝ Քրիստոսանման հատկանիշներ զարգացնելու համար

Յոթանասունից երեց Սքոթ Դ․ Վայթինգը բացատրել է․

Իրական առաջընթաց տեսնելու համար հարկավոր է շարունակական ջանքեր գործադրել: Ճիշտ, ինչպես լեռ մագլցելիս պահանջվում է նախապատրաստություն, համբերություն ու համառություն, այնպես էլ այս ճամփորդությունը պահանջում է իրական ջանք և զոհաբերություն: Ճշմարիտ քրիստոնեությունը, որում մենք ձգտում ենք դառնալ մեր Տիրոջ նման, միշտ պահանջել է մեր լավագույն ջանքերը։ …

Ես գիտեմ, որ Նրա աստվածային օգնությամբ և ուժով Նրա նման դառնալը իրագործելի է քայլ առ քայլ: Եթե այդպես չլիներ, Նա մեզ չէր տա այս պատվիրանը [տես 1 Նեփի 3.7 ]:

(Սքոթ Դ․ Վայթինգ, «Դառնալով Նրա նման», Ensign կամ Լիահոնա, նոյեմբեր 2020, 14)

Ի՞նչ է տեղի ունենում, երբ ես փորձում եմ ձեռք բերել Քրիստոսանման հատկանիշներ

Տասներկու Առաքյալների Քվորումից երեց Ռոբերտ Դ. Հեյլսը (1932–2017) բացատրել է.

Դառնալ մեր Տեր Հիսուս Քրիստոսի աշակերտը

Փրկչի հատկանիշները, ինչպես մենք ընկալում ենք դրանք, սցենար չէ, որին պետք է հետևել կամ ցուցակ, որի կետերը պետք է կատարել: Դրանք միահյուսված, մեկը մյուսին լրացնող հատկանիշներ են, որոնք մեզանում զարգանում են փոխհամաձայնեցված ձևերով։ Այլ կերպ ասած, մենք չենք կարող ձեռք բերել Քրիստոսանման մեկ հատկանիշ՝ առանց ձեռք բերելու նաև մյուսները և ազդելու [մնացածի] վրա: Երբ մեկ հատկանիշն ուժեղանում է, ուժեղանում են նաև շատ ուրիշ հատկանիշներ:

(Ռոբերտ Դ. Հեյլս, «Դառնալ մեր Տեր Հիսուս Քրիստոսի աշակերտը,» Ensign կամ Լիահոնա, մայիս 2017, 46)

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է․

Փրկչի օգնությունը մատչելի է մահկանացու կյանքի ողջ ճամփորդության ընթացքում՝ մեր էությունը բարելավելու և փոխելու համար:

(Դեյվիդ Ա.Բեդնար, «Քավությունը և մահկանացու ճամփորդությունը», Ensign, ապրիլ 2012, 42, Լիահոնա, ապրիլ 2012, 14)