Seminelí
Siviʻi Hoʻo Akó 5

Siviʻi Hoʻo Akó 5

Mātiu 21–26; Maʻake 11-14; Luke 19–21; Sione 12-13

ʻĪmisi
Young woman sitting on a bed reading scriptures.

ʻOku fakataumuʻa ʻa e lēsoni ko ʻení ke tokoniʻi koe ke ke vakaiʻi ʻa e ngaahi taumuʻa kuó ke fokotuʻú, pea mo e tupulaki fakataautaha kuó ke aʻusia lolotonga hoʻo ako ʻa e Fuakava Foʻoú.

Ko e hā kuó ke akó?

Tuku ha kiʻi taimi ke ke fakakaukau ai ki he meʻa naʻá ke toki ako mei hoʻo ako ʻa e Fuakava Foʻoú. ʻE ala tokoni atu ʻa e ngaahi fakatātā ko ʻení. Mahalo ʻe toe ʻaonga foki ke vakai ki hoʻo fakamatala kimuí ni ʻi hoʻo tohinoa akó. ʻE lava ke tokoni atu ʻa e ʻekitivitī ko ʻení ke ke fakafuofuaʻi hoʻo tupulakí tupu mei he meʻa ʻokú ke akó.

ʻĪmisi
Jesus turning over a table of a money changer in the temple. Outtakes include images of Christ alone and with the crowd of merchants and buyers fleeing, people buying goods, and people looking.
ʻĪmisi
Jesus washing Peter’s feet. Outtakes show similar scenes.
ʻĪmisi
The resurrected Jesus Christ (wearing white robes with a magenta sash) standing above a large gathering of clouds. Christ has His arms partially extended. The wounds in the hands of Christ are visible. Numerous angels (each blowing a trumpet) are gathered on both sides of Christ. A desert landscape is visible below the clouds. The painting depicts the Second coming of Christ. (Acts 1:11)

1. Fakalaulauloto pea tali ki he ngaahi fehuʻi ko ‘ení ‘i hoʻo tohinoa akó:

  • Ko e hā kuó ke toki ako fekauʻaki mo Sīsū Kalaisi ʻa ia ʻoku mahuʻingamālie taha kiate koé? Ko e hā ha ngaahi fakamatala fakafolofola naʻá ne tokoniʻi koe ke ke maʻu ʻa e mahino ko ʻeni fekauʻaki mo Iá?

  • Ko e hā ha ngaahi ngāue kuó ke fai ke ke hoko ai ko ha ākonga mateaki ange ʻo Sīsū Kalaisí?

  • Ko e hā ha (ngaahi) sitepu hoko te ke lava ʻo fai ke fakalakalaka ai ʻi hoʻo hoko ko e tokotaha muimui ʻo e Fakamoʻuí?

ʻOfa ʻi he ʻOtuá pea ʻofa ʻi ho kaungāʻapí

Naʻá ke toki ako kimuí ni ʻa e akonaki ʻa Sīsū ko e ongo fekau lahi tahá ke ʻofa ki he ʻOtuá ʻaki e kotoa hotau lotó, laumālié, mo e ʻatamaí pea ke ʻofa ki hotau kaungāʻapí ʻo hangē pē ko kitautolú (vakai, Mātiu 22:36–39).

Kapau ʻokú ke maʻu ʻa e faingamālie ke talanoa mo ha taha ofi mai, kole ange ke nau tali ʻa e fehuʻi ko ʻení koeʻuhí ke ke lava ʻo maʻu ha ngaahi fakakaukau lahi ange. Kapau ʻokú ke toko taha pē, fakakaukau pe te ke tali fēfē ʻa e fehuʻí.

  • ʻOkú ke pehē ko e hā ʻoku lau ai ʻa e ongo fekaú ni ko e ongo fekau lahi tahá?

Naʻá ke toki ako foki fekauʻaki mo hono fufulu ʻe Sīsū e vaʻe ʻo ʻEne kau ākongá pea ʻoange kiate kinautolu ha fekau foʻou ke nau feʻofaʻaki ʻo hangē ko ʻEne ʻofa ʻiate kinautolú (vakai, Sione 13).

Mahalo naʻe kole atu ʻi he ongo aʻusia fakaako fakatouʻosi ko ʻení ke ke faʻu ha palani ke ngāueʻi ʻa e ngaahi akonaki ʻa e Fakamoʻuí pea muimui ki Heʻene sīpingá.

2. Tali ʻi hoʻo tohinoa akó ha fehuʻi ʻo ʻoua toe siʻi hifo he fehuʻi ʻe uá:

  • Naʻe fēfē hoʻo aʻusiá ʻi hoʻo ngāueʻi e ngaahi akonaki ʻa e Fakamoʻuí?

  • Ko e hā naʻá ke ongoʻi fekauʻaki mo e ʻofa ʻa Sīsū Kalaisi kiate koe mo e niʻihi kehé ʻi hoʻo tali ki he ngaahi fakaafe naʻe fai ʻi he kalasí?

  • Ko e hā te ke fie fai pe hokohoko atu hono faí ko ha ola ʻo e ngaahi akonaki ʻa e Fakamoʻuí?

Ko e Hāʻele ʻAnga Ua Mai ʻa Sīsū Kalaisí

Ko ha founga lelei ke fakafaingofuaʻi ai e ngaahi akonaki ʻo e ongoongoleleí ko hono fakamatalaʻi kinautolu ʻi he tuʻunga ʻo ha fānau. Ke tokoni atu ke ke fakamatalaʻi ʻa e ngaahi tafaʻaki mahuʻinga ʻo e Hāʻele ʻAnga Ua Mai ʻa e Fakamoʻuí ʻi hoʻo lea pē ʻaʻaú, hiki ha fakamatala fakanounou ʻo hangē pē naʻá ke hiki ia ki ha kiʻi leká.

Ko e taumuʻa hoʻo fakamatala fakanounoú ke tali ha fehuʻi ʻe ua:

  • Ko e hā te tau lava ‘o fai ke mateuteu ai ki he Hāʻele ʻAnga Ua Mai ʻa Sīsū Kalaisí?

  • Ko e hā ʻe nāunauʻia ai ʻa e Hāʻele ʻAnga Ua Mai ʻa e Fakamoʻuí? (Manatuʻi naʻá ke lau ʻi ha lēsoni kimuʻa ha fakaafe ʻa ʻEletā Niila L. ʻEnitasoni ke fakakaukau mo fakamatalaʻi ʻa e ngaahi meʻa nāunauʻia ʻe hoko ʻi he Hāʻele ʻAnga Ua Maí [vakai, “Ke Hoko Mai Ho Puleʻangá,” Ensign pe Liahona, Mē 2015, 122].)

ʻE lava ke tokoni atu ʻa e ngaahi maʻuʻanga tokoni ko ʻení ke ke toe vakaiʻi ʻa e meʻa kuó ke akó.

3. Lekooti hoʻo fakamatala fakanounoú ʻi hoʻo tohinoa akó. Fakapapauʻi ʻoku tali ʻe hoʻo fakamatala fakanounoú ʻa e ongo fehuʻi ʻoku hiki atu ʻi he kamataʻanga ʻo e ʻekitivitī ko ʻení.

Paaki