Վարդապետության սերտում. Մատթեոս 5.14-16
«Այսպէս լուսաւորէ ձեր լույսը մարդկանց առաջին»
Փրկիչն Իր աշակերտներին հրահանգեց օրինակ ծառայել ուրիշներին՝ հետևելով Իրեն: Այս դասը կարող է օգնել ձեզ օգտագործել հոգևոր գիտելիքներ ձեռք բերելու սկզբունքները՝ ուրիշներին օրինակ ծառայելու և Փրկչին ավելի մոտենալու համար:
Մտապահեք և բացատրեք
Կարդացեք Մատթեոս 5.14-16-ը:
Նկարեք «Այսպես լուսավորէ ձեր լույսը մարդկանց առաջին» սուրբ գրության հիմնական արտահայտության և դրա հղման պատկերը, Մատթեոս 5.14-16: Նկարելիս մտածեք, թե ինչպես կարելի է ներառել հղումը՝ այն հիշելու համար:
Պատկերին նայելիս մի քանի անգամ կրկնեք հղումը և սուրբ գրության հիմնական արտահայտությունը: Ապա շրջվեք և փորձեք անգիր կրկնել հղումը և սուրբ գրության հիմնական արտահայտությունը:
Կարող եք նաև ձեր նկարով կիսվել ձեր ընտանիքի անդամի կամ ընկերոջ հետ և բացատրել հատվածում ներկայացված ճշմարտությունը:
Գործնական կիրառում
Այս գործնական կիրառման ընթացքում դուք կօգտագործեք հոգևոր գիտելիքներ ձեռք բերելու սկզբունքները՝ որոշելով, թե ինչպես կարելի է օրինակ ծառայել ուրիշներին և հրավիրել նրանց ավելի շատ մոտենալ Փրկչին:
Կարդացեք «Ձեռք բերել հոգևոր գիտելիքներ» բաժնի պարբերություններ 5-12-ը Վարդապետության սերտման հիմնարար փաստաթղթում (2022):
1․ Ձեր օրագրում երկու կամ երեք նախադասությամբ ամփոփեք հոգևոր գիտելիքներ ձեռք բերելու սկզբունքներից յուրաքանչյուրը:
Կարդացեք հետևյալ սցենարը և մտածեք, թե ինչպես կպատասխանեիք, եթե դուք լինեիք Ռաուլի իրավիճակում:
Ռաուլը նոր կարգված քահանան, մի խումբ ընկերների հետ է, երբ նրանցից մի քանիսը սկսում են անպատշաճ կատակներ անել և կոպիտ խոսել մի մարդու մասին, որին Ռաուլը ճանաչում է: Ռաուլն անհարմար է զգում և գիտի, որ նրանց արածը սխալ է: Մինչ նա մտածում է, թե ինչ անել, նրա ընկեր Ջեսը, որն այլ կրոնի ներկայացուցիչ է և Ռաուլն ուղղակի հիանում է նրանով, դիմում է Ռաուլին և ասում. «Լսի՛ր, ինչո՞ւ ես այսքան լուրջ»:
Պատասխանելուց առաջ մտածեք հոգևոր գիտելիքներ ձեռք բերելու սկզբունքներից յուրաքանչյուրի մասին:
Քննեք հասկացություններն ու հարցերը հավերժության հեռանկարով
Ընտրեք սցենարում նշված մարդկանցից մեկին (Ջեսը կամ այն մարդը, որին ծաղրում են):
2. Ձեր օրագրում պատասխանեք հետևյալ հարցերին.
-
Ձեր կարծիքով, Տերն ի՞նչ է զգում ձեր կողմից ընտրված մարդու հանդեպ:
-
Տիրոջ աչքերով այդ մարդուն տեսնելը ինչպե՞ս կարող է ազդել Ջեսին տված Ռաուլի պատասխանի վրա:
Ձգտեք մեծացնել հասկացողությունը աստվածային աղբյուրների միջոցով
3. Ձեր օրագրում պատասխանեք հետևյալ հարցերին.
-
Մատթեոս 5.14-16-ում ներկայացված սկզբունքները հիշելն ու կիրառելը ինչպե՞ս կարող է օգնել Ռաուլին:
-
Ի՞նչ եք կարծում, աստվածայնորեն նշանակված ուրիշ ինչ աղբյուրներ կարող են օգնել Ռաուլին:
Գործեք հավատքով
4. Ձեր օրագրում պատասխանեք հետևյալ հարցերին.
-
Ձեր կարծիքով, այս իրավիճակում Ռաուլի համար ինչո՞ւ է դժվար գործել հավատքով:
-
Ի՞նչ խորհուրդ կտայիք Ռաուլին անել՝ հավատքով գործելու համար:
Մտածեք մի նմանատիպ իրավիճակի մասին, որին դուք բախվում եք այժմ կամ կարող եք բախվել ապագայում:
-
Ձեր այսօրվա սովորածն ինչպե՞ս կարող է օրինակ լինել մյուսների համար: