Toe Vakaiʻi Hono 14 ʻo e Fakataukei Fakatokāteliné

Mahino pea Fakamatalaʻi

Ko e taumuʻa ʻe taha ʻo e fakataukei fakatokāteliné ke tokoni ke mahino kiate koe ʻa e ngaahi akonaki ʻa e Fakamoʻuí ʻoku ʻi he ngaahi potufolofola fakataukei fakatokāteliné pea lava ke fakamatalaʻi kinautolu ʻi hoʻo lea pē ʻaʻau. ʻE ʻoatu ʻe he lēsoni ko ʻení ha faingamālie ke fakaloloto hoʻo mahinó mo fakamatalaʻi e ngaahi moʻoni fekauʻaki mo ha potufolofola fakataukei fakatokāteline ʻe taha pe lahi ange mei he Fuakava Foʻoú.  

Fakamanatu

ʻI he ʻekitivitī ko ʻení, fakatauhoa ʻa e tūkunga takitaha mo e potufolofola fakataukei fakatokāteline ʻokú ke ongoʻi te ne akoʻi lelei taha ʻa e tokotaha pe kakai ʻi he tūkunga ko iá.

‘Oku maʻu ‘a e ngaahi tali totonú ‘i he ngataʻanga ‘o e lēsoni ko ‘ení.

1. 1 Kolinitō 6:19–20

2. 1 Kolinitō 11:11

3. 1 Kolinitō 15:20–22

4. 1 Kolinitō 15:40–42

1. a. ʻOku ongoʻi loto-mamahi ha niʻihi ʻo e kau mēmipa ho fāmilí koeʻuhí ko ha ʻofaʻanga naʻe toki mālōlō pea ʻoku nau ongoʻi he ʻikai ke nau toe mamata kiate ia.

2. ʻOku tui ha kakai ʻe niʻihi ʻoku ʻanautolu honau sinó pea te nau lava ʻo fai ha meʻa pē ʻoku nau loto ke fai ki aí. e. ʻOku ʻikai ke nau fakatokangaʻi naʻe fuesia ʻe he Fakamoʻuí ʻa hono huhuʻi kitautolú, ʻa ia ko hono ʻuhingá ke “fakatau mai kitautolu.” ʻI he ʻuhinga ko ʻení, ʻoku ʻikai haʻatautolu ʻetau moʻuí ka ʻoku tau moʻua ki he Fakamoʻuí.

3. f. ʻOku tui ha kakai tokolahi ki hēvani mo heli ka ʻoku ʻikai mahino kiate kinautolu ʻa e ngaahi moʻoni fekauʻaki mo e moʻui hili ʻa e maté mo e ngaahi sino toetuʻú.

4. h. ʻOku fehuʻi atu ʻe ha kaungāmeʻa pe ko e hā ʻa e ʻuhinga te ke fakamuʻomuʻa ai ha nofomali mo e ngaahi vā fetuʻutaki fakafāmili mālohí ʻi he lavameʻa fakapalofesinalé mo e paʻangá.

Mahino pea fakamatalaʻi

Naʻe akoʻi ʻe Palesiteni Lāsolo M. Nalesoni ʻa e founga ʻe lava ke fakafehokotaki ai kitautolu ʻe he folofolá kia Sīsū Kalaisí. Mahalo te ke fie mamataʻi ʻa e foʻi vitiō “President Nelson—The Scriptures Teach Us about Jesus Christ (for Youth)” (0:59), maʻu atu ʻi he ChurchofJesusChrist.org, pe lau ʻa e fakamatala ko ʻení.

President Nelson – The Scriptures Teach Us About Jesus Christ (for Youth)

As we feast on the words of Christ daily, the words of Christ will tell us how to respond to difficulties we never thought we would face.

ʻOku akoʻi [‘e he folofolá] kitautolu kau kia Sīsū Kalaisi mo ʻEne ongoongoleleí, maʻongoʻonga ʻo ʻEne Fakaleleí, mo e palani lahi ʻo e fiefia mo e huhuʻi ʻa ʻetau Tamaí. ʻOku mātuʻaki mahuʻinga e femoʻuekina fakaʻaho ʻi he folofola ʻa e ʻOtuá ki heʻetau moʻui fakalaumālié ʻo tautautefito ʻi he ngaahi ʻaho ko ʻeni ʻo e fakautuutu e moveuveú. ʻI heʻetau keinanga fakaʻaho he folofola ʻa Kalaisí, ʻe fakahā mai ʻe he folofola ʻa Kalaisí e founga ke tau tali ʻaki e ngaahi faingataʻa naʻe ʻikai ke tau lavelaveʻiloa te tau fehangahangai mo iá.

(Russell M. Nelson, “Fanongo Kiate Ia,” Liahona, Mē 2020, 89)

Fakakaukauloto angé, kuo kole atu ke ke vahevahe ha potufolofola kuó ne tokoniʻi koe ke ke ako pe ongoʻi ha meʻa fekauʻaki mo Sīsū Kalaisi, ke kamata ʻaki ha ʻekitivitī ʻa e toʻu tupú. Fili ha taha ʻo e ngaahi potufolofola fakataukei fakatokāteline mei he lēsoni ko ʻení pe ko ha taha mei he Fuakava Foʻoú. Fakaafeʻi e Laumālie Māʻoniʻoní ke tokoni atu ke ke ʻiloʻi e ngaahi moʻoni fekauʻaki mo e Fakamoʻuí ʻokú ne fakaloloto hoʻo mahino kiate Iá, ko ʻEne ongoongoleleí, ko ʻEne Fakaleleí, pe palani ʻo e fakamoʻui ʻa e Tamai Hēvaní.

1. Tali e ngaahi fehuʻi ko ʻení ʻi hoʻo tohinoa akó:

• Ko e potufolofola fakataukei fakatokāteline fē naʻá ke filí?

• Ko e hā e moʻoni pe tokāteline naʻá ke ʻilo mei he potufolofola ko ʻení?

• Naʻe mei kehe fēfē nai e moʻui ʻa ha taha kapau naʻe ʻikai ke nau ʻilo ʻa e moʻoni naʻá ke ʻiló?

• ʻE tokoni fēfē ʻa e mahino kiate koe ʻa e moʻoni ko ʻení ke ke ofi ange ai ki he Fakamoʻuí?

Kī ki he Talí: 1-e, 2-h, 3-a, 4-f