Toe Iloiloga o le Atamai i Aoaoga Faavae 1

Sue ma Tauloto: Luka 2:10–12 e oo i le Luka 24:36–39

O se tasi o faamoemoega o le atamai i aoaoga faavae o le fesoasoani lea ia te oe e tauloto mau faasino ma faaupuga autu o mau mo le atamai i fasifuaitau o aoaoga faavae. O lenei lesona ua faamoemoe e fesoasoani ia te oe e saili ma faataitai ona taulotoina mau faasino ma faaupuga autu o mau mo muai fuaitau e 11 o le atamai i fasifuaitau o aoaoga faavae o le Feagaiga Fou.

Great power can come from memorizing scriptures. To memorize a scripture is to forge a new friendship. It is like discovering a new individual who can help in time of need, give inspiration and comfort, and be a source of motivation for needed change.

(Richard G. Scott, “The Power of Scripture,” Ensign or Liahona, Nov. 2011, 6)

Aisea o le a aoga ai ona iloa mau faasino o tusitusiga paia ma fuaitau autu o mau mo fuaitau o tusitusiga paia mo le atamai i aoaoga faavae?

Atonu o e manatua lenei faamatalaga mai ia Elder Richard G. Scott (1928–2015) o le Korama a Aposetolo e Toasefululua e uiga i le taua o le taulotoina o mau:

Ina ia fesoasoani ia te oe e aoao mau faasino o tusitusiga paia ma faaupuga autu o mau mo muai fasifuaitau e 11 o mau o le atamai i aoaoga faavae, mafaufau e lolomi le siata lenei i totonu o lau api talaaga mo suesuega pe tuu le polokalama faatekinolosi (app) mo le Atamai i Aoaoga Faavae i totonu o sau telefoni po o komepiuta feaveai ma faaaoga gaoioiga i luga o le polokalama faatekinolosi (app) e fesoasoani ia te oe mo le taulotoina.

Mau Faasino o Tusitusiga Paia	Fasifuaitau Autu o Mau
Luka 2:10–12	“Aua o le aso nei ua fanau ai i le aai o Tavita, lo outou Faaola, o le Alii o Keriso.”
Ioane 3:5	“Afai e le fanau se tasi i le vai ma le Agaga, e le mafai ona sao o ia i le malo o le Atua.”
Ioane 3:16	“Aua ua faapea lava ona alofa mai o le Atua i le lalolagi, ua ia aumai ai lona Atalii e Toatasi.”
Mataio 5:14–16	“Ia faapea ona pupula atu lo outou malamalama i luma o tagata.”
Mataio 11:28-30	“Ia outou o mai ia te au, o outou uma o e tigaina ma mafatia i avega, o a’u foi e malolo ai outou.”
Mataio 16:15–19	Na fetalai Iesu, “Ou te avatu foi ia te oe ki o le malo o le lagi.”
Ioane 7:17	“Ai se tasi e fia fai lona finagalo, e iloa ai e ia le mataupu.”
Mataio 22:36–39	“E te alofa atu i le Alii lou Atua. … E te alofa atu i lē lua te tuaoi.”
Luka 22:19–20	Na poloai mai Iesu Keriso, ia aai ma feinu i le faamanatuga “e fai ma faamanatuga ia te au.”
Ioane 17:3	“O le ola e faavavau foi lenei, ia latou iloa oe le Atua moni e toatasi, ma Iesu Keriso.”
Luka 24:36–39	“Aua o le agaga e leai sona aano ma ni ivi, pei o a’u nei ua outou vaavaai i ai.”

E fuafua i le toatele o lau vasega, atofa i tagata aoga taitoatasi le tasi pe sili atu foi o fuaitau o mau e 11 o le atamai i aoaoga faavae. Afai e manaomia, e mafai ona atofa le fuaitau e tasi i tagata aoga e tele.

Valaaulia tagata aoga e feoai i le potuaoga ma galulue ma ni paga e saili ma, pe a latou filifilia, e maka uma fuaitau o mau e 11 o le atamai i aoaoga faavae ma fuaitau autu o mau. Uunai tagata aoga e fesuiai a latou paga pe a maea ni nai minute.

Valaaulia tagata aoga e fai mea nei a o fegalegaleai ma le tasi ma le isi (e ono fesoasoani le tusi o nei faatonuga i luga o le laupapa):

Fai se fesili e faamasani ai le tasi i le isi (mo se faataitaiga, “O le a se mea e te fiafia e fai?” po o le “O fea se nofoaga e te fiafia tele e asiasi iai?”).
Fesoasoani le tasi i le isi e saili le fuaitau o mau ua atofaina o le atamai i aoaoga faavae ma le fuaitau autu o mau. Mafaufau e faailoga le fuaitau ma le fuaitau autu o mau i totonu o au tusitusiga paia.
Faasoa pe aisea e taua ai le upumoni o loo i le fuaitau autu o le mau.
Taumafai e tauloto le mau faasino ma le fasifuaitau autu o le mau.

Filifili le Fai le Suega.

Faafetaui le fuaitau o mau o le atamai i aoaoga faavae o i le tauagavale ma lona fasifuaitau autu o le mau o i le taumatau.

Filfili i ni fuaitau se tolu pe sili atu o mau o le atamai i aoaoga faavae, ma fai mea nei:

Tusi tauloto mau faasino ma fasifuaitau autu o mau.
Faasoa pe aisea e te manatu e taua ai ona iloa nei fuaiupu.

I nai aso e sosoo ai, galue ia taulotoina mau faasino ma fasifuaitau autu o mau mo le ia le itiiti ifo ma le tolu pe sili atu ni fasifuaitau o mau o le atamai i aoaoga faavae. Saili mo auala e mafai e le iloa o nei fuaiupu ona faamanuia ai lou olaga ma olaga o ē e te masani ai.