Mataio 6:19–34

“Ia Outou Muai Saili le Malo o le Atua”

I se vaega o le Lauga i luga o le Mauga, sa aoao atu ai e Iesu Keriso Ona soo ia “muai … saili [e atiae] le malo o le Atua” (Mataio 6:33). I lenei lesona, o le a e maua ai se avanoa e mafaufau loloto ai ma faasoa atu i le taua o le faamuamua o le Atua i lou olaga.

Faitau faataitaiga o faatatauga moni faale-olaga ua tuuina atu i lalo.

• O se tama talavou i Kalefonia, ISA, o se tagata e talenia i le faasee galu, ae ua faatulagaina le seminare i le taimi tonu o loo fai ai toleniga a le au faasee galu a lana aoga maualuga.

• Ua valaaulia se tamaitai talavou i Pasila e avea ma se tasi o malo faaaloalogia ma le aloaia i le faamanatuina o le aso fanau o lana uo i le atoaga lea o le 15 o ona tausaga, ae e moomia ona ia faia se ofu e lē talafeagai ma ona tulaga faatauaina.

• O se tama talavou i Niu Sila e talenia i le lakapi ma o loo ua faasalalau e na te maua se ofo tinoitupe e taalo ai faapolofesa, ae ua i ai o ia i le matua e auauna ai i se misiona talai.

O faataitaiga nei o tulaga e mafai ona filifili ai le autalavou ina ia faamuamua le Atua i o latou olaga, e ui e lē faigofie.

• O a ni fesili po o ni popolega o ono i ai i talavou i tulaga faapenei e uiga i le faamuamua ai o le Atua i o latou olaga?

• O a ni fesili po o ni popolega o ono iai ia te oe ma au uo e uiga i le faamuamua ai o le Atua i o outou olaga?

A o e suesue i lenei lesona, ole atu i le Alii e fesoasoani ia te oe e talanoaina ou popolega ma ia lagona le taua o lou faamuamuaina o Ia.Suesue i se tasi o vaega o fuaiupu nei. Saili le taiala a le Agaga Paia e fesoasoani ia te oe e saili ma malamalama i upu moni sa aoao mai e le Faaola e mafai ona fesoasoani ia te oe e faamuamua le Atua i lou olaga.

E mafai ona filifili e tagata o le vasega po o fea le vaega o fuaiupu e suesue iai, pe mafai foi ona tuuina atu ia i latou le Filifiliga A po o le Filifiliga E. E ono faigofie pe a faaali filifiliga nei i luga o le laupapa.

Filifiga A: Mataio 6:19–24. I fuaiupu nei, sa faaaoga e le Faaola le upu oa e faauiga i mea tatou te faatauaina tele, ma le mata e fai ma faatusa o tatou vaaiga mamao ma taulaiga i le olaga. O loo faamanino mai e le Faaliliuga a Iosefa Samita le aoaoga a le Alii i le fuaiupu 22, “Afai e taulai tasi o tatou mata i le mamalu o le Atua, e faatumuina lou tino atoa i le malamalama” (Faaliliuga Iosefa Samita, Mataio 6:22 [i le Mataio 6:22, vaefaamatalaga e]; tagai foi Mataupu Faavae ma Feagaiga 88:67). Ma le isi, e ono mafai foi ona aoga le maitau o le upu mamone e faasino lea i mea faalelalolagi po o oa (tagai i le Mataio 6:24, vaefaamataaga u).

Filifiliga E: Mataio 6:25–34. Ua faamalamalama mai e le Faaliliuga a Iosefa Samita o fuaiupu nei o loo fetalai le Alii i Ana Aposetolo e uiga i o latou tiutetauve e “o atu … i le lalolagi … ma aoao atu i tagata uma” (Faaliliuga a Iosefa Samita, Mataio 6:25–26 [i le faaopoopoga i le Tusi Paia]). Sa patino lava faatonuga a le Alii i le Au Aposetolo e Toasefululua i lea taimi, ae o le mataupu faavae sa Ia aoao atu e faatatau lava foi ia i tatou. Maitau faataitaiga o auala e tausia lelei ai e le Atua Ana foafoaga, e aofia ai ma tatou. A o e suesue, mataitu le fuaiupu 33: o le Faaliliuga a Iosefa Samita o lenei fuaiupu e amataina faapea, “O le mea lea, aua nei saili i mea o lenei lalolagi ae ia outou muai saili e atinae le malo o le Atua” (Faaliliuga a Iosefa Samita, Mataio 6:38 [i le Faaopoopga mo le Tusi Paia]).

• A o e faitauina upu a le Faaola ma vaalaulia le taitaiga a le Agaga Paia, o le a se mea na e maua e anoa ia te oe? Aisea na anoa ai?

No Regrets

A young man from California decided between surfing and seminary—and never looked back.

Sa aoao mai e le Faaola mataupu faavae i fuaiupu nei, e aofia ai e lē mafai ona tatou auauna i le Atua atoa ma mamone (po o le faalelalolagi) ma afai tatou te muai saili e atinae le malo o le Atua, ona Ia faamanuia lea o i tatou e tusa ma mea Na te silafia tatou te manaomia.

• O a mea e te iloa e uiga i le Tama Faalelagi ma Iesu Keriso e faaosofia ai lou manao e faamuamua i Laua i lou olaga?

Virtuous Young Women

A young woman chooses modesty and virtue over participation in a special event.

Afai e mafai, matamata se tasi o vitio nei o talavou ua faamuamuaina le Atua. E fetaui lelei vitio ma tulaga o loo i le amataga o le lesona. (E maua vitio uma i le ChurchofJesusChrist.org.)

“No Regrets” (5:38): o le alii talavou sa faaseegalu.

Your Day for a Mission

I le 19 o ona tausaga, na avea ai Sid Going o se tagata taalo na mautinoa lava le faamanuiaina i le au lakapi a le atunuu o Niu Sila, ae sa ia filifili e auauna muamua atu i se misiona.

“Virtuous Young Women” (3:50): sa talosagaina le tamaitai talavou e fai sona ofu e le talafeagai.

“Your Day for a Mission” (3:31): o le alii talavou sa taalo lakapi.

2. Complete the following activity in your study journal.

• O le a se mea na e fiafia ai i le vitio? O le a se mea sa e aoaoina e uiga i le faamuamua o le Atua?

• O le a se taimi na e faamuamua ai le Atua i lou olaga?

• O a ni faamanuiaga na e vaaia ona o lea filifiliga?

Faaaoga se taimi e te mafaufau ai pe faaapefea ona faatatau ia te oe ia aoaoga a le Faaola ia faamuamua le Atua i lou olaga? Faaauau lou saili mo musumusuga a le Agaga Paia a o e faamaeaina lenei lesona.

Mafaufau e faapea ua valaaulia lau vasega po o lau korama e le au peresitene o le siteki po o le itu e fai se vitio e fesoasoani ai i talavou o lau eria ia faaosofia le manao e faamuamua le Atua i o latou olaga. Ua fuafuaina e le au peresitene e faaali le vitio i se faatasiga a le au tavalou.

2. Faauma le gaoioiga lenei i totonu o lau api talaaga mo suesuega.

Fatufatu se otootoga auiliili mo lau vitio. (E lē manaomia ona pue se vitio; e na ona faataatia o se fuafuaga.) Ia aofia i lau auivi faataatia mea nei:

• Se upu moni e tasi pe sili atu sa aoao mai e le Faaola i le Mataio 6 ma faamatala pe faapefea ona fesoasoani lea upumoni i talavou e faamuamua le Atua i o latou olaga.

• O se faataitaiga faanei ona po o se isi o loo faamuamua le Atua i lona olaga. E mafai ona faaaoga sou lava aafiaga patino po o se aafiaga o se tasi e te iloa. Tusi se aotelega faigofie o le faataitaiga.

Ia aofia ai foi se tasi pe sili atu o mea nei i lau otootoga:

• Se saunoaga mai se taitai o le Ekalesia

• Ata po o mea vaaia e te ono faaaogaina ma le taimi e faaaoga ai

• O lau molimau patino

Atonu e te manao e faasoa lau fuafuaga faataatia mo se vitio ma lou aiga ma uo. O se taimi lelei e fai ai lenei mea o le taimi e talanoaina ai lenei autu ma lou aiga i la outou suesuega o le Sau, Mulimuli Mai ia te Au .

Afai o ia te oe le tomai, mafaufau e fai lau vitio ma faasoa atu i isi.

Filifili le faamau o le Amata le Meaaoga Atofaina po o le ki e Auina Atu e ave ai i luga o upega tafailagi lau auivi faataatia.