Seminelí
Fakamanatu ʻo e Fakataukei Fakatokāteliné 21

Fakamanatu ʻo e Fakataukei Fakatokāteliné 21

Fakaʻaongaʻi ‘o e Ngaahi Potufolofola Fakataukei Fakatokāteliné

Kakai lalahi kei talavou ʻoku sio ki he folofolá.

Ko e taumuʻa ʻe taha ʻo e fakataukei fakatokāteliné ke tokoni ke mahino kiate koe e ngaahi akonaki ʻa e Fakamoʻuí, lava ke fakamatalaʻi kinautolu ʻi hoʻo lea pē ʻaʻau pea fakaʻaongaʻi kinautolu ʻi hoʻo moʻuí. ʻE ʻoatu ʻe he lēsoni ko ʻení ha ngaahi faingamālie ke ke akoako fakaʻaongaʻi ai ha niʻihi ʻo e ngaahi potufolofola fakataukei fakatokāteline ʻo e Fuakava Foʻoú ki ha ngaahi tūkunga fakafaiako kehekehe.

Toe vakaiʻi ʻa e ngaahi potufolofola fakataukei fakatokāteliné

Toe fakamanatu e ngaahi veesi folofolá mo e ngaahi kupuʻi lea mahuʻinga ki he ngaahi potufolofola fakataukei fakatokāteline ko ʻení. Fakakaukau ki he founga ʻe lava ke fakaʻaongaʻi ai e tokāteline ʻi he potufolofola takitaha ki hoʻo moʻuí.

Fakatauhoa e potufolofola fakataukei fakatokāteline takitaha mo hono kupuʻi lea mahuʻinga totonú. ‘Oku maʻu e ngaahi tali totonú ‘i he ngataʻanga ‘o e lēsoni ko ‘ení.

  1. Hepelū 12:9 

  2. Sēmisi 1:5–6

  3. Sēmisi 2:17–18

  4. 1 Pita 4:6

  5. Fakahā 20:12

  1. “Ko e tuí, kapau ʻoku ʻikai ʻi ai ʻa e ngaahi ngāué, ʻoku mate ia.”

  2. Ko e Tamai Hēvaní ʻa e “Tamai ʻo e ngaahi laumālié.”

  3. “Pea naʻe fakamāuʻi ʻa e pekiá …ʻo fakatatau ki heʻenau ngaahi ngāué.”

  4. “Ka ai hamou taha ʻoku masiva ʻi he potó, ke kole ʻe ia ki he ʻOtuá.”

  5. “[Naʻe] malanga ʻaki ʻa e ongoongoleleí kiate kinautolu foki kuo maté.”

Fakaʻaongaʻi e tokāteline naʻe akoʻi ʻi he ngaahi potufolofola fakataukei fakatokāteliné

ʻOku ʻomi ʻe he kiʻi tohi Ki Hono Fakamālohia ʻo e Toʻu Tupú ʻa e faleʻi ko ʻení: “Ako ʻa e folofolá ʻi he ʻaho takitaha pea moʻui ʻaki ʻa e meʻa ʻokú ke laú. Ko ha maʻuʻanga fakahā fakatāutaha mālohi mo ha fakahinohino ʻa e folofolá pea ko ha mālohinga maʻu pē ia ki hoʻo fakamoʻoní” ([2011], 42).

  • Ko e hā e faʻahinga meʻa ʻokú ke fai ʻoku tokoni ke ke fakaʻaongaʻi ai e meʻa ʻokú ke ako ʻi he folofolá ʻi hoʻo moʻuí?

  • Ko e hā ha potufolofola fakataukei fakatokāteline kuó ne tokoniʻi koe ʻi hoʻo moʻuí? Kuó ne faitokonia fēfē nai koé?

ʻE tokoni atu e ngāue ko ʻení ke ke ʻahiʻahi fakahoko hono fakaʻaongaʻi ha ngaahi potufolofola fakataukei fakatokāteline pau ʻi hoʻo moʻuí. ʻI hoʻo fakakakato e ngāué, fakafaingamālieʻi koe ki he fakahā fakataautahá. ʻE ala ueʻi koe ʻe he Laumālie Māʻoniʻoní ʻaki ha ngaahi fakakaukau pe ʻilo ki he founga te ke lava ai ʻo fakaʻaongaʻi e folofolá ʻi hoʻo moʻuí. Mateuteu ke hiki ha faʻahinga ueʻi fakalaumālie pē te ke maʻu.

Tohi ʻi ha laʻipepa ʻaki ha peni pe penivahevahe. 1. Fakakakato ʻeni ʻi hoʻo tohinoa akó:

  1. Fakamatalaʻi ha foʻi tūkunga moʻoni pe ʻeke ha fehuʻi ʻoku felāveʻi mo ha potufolofola fakataukei fakatokateline ʻe taha pe lahi ange ʻi he lēsoni ko ení (Hepelū 12:9; Sēmisi 1:5–6; Sēmisi 2:17–18; 1 Pita 4:6; Fakahā 20:12).

  2. Vahevahe ha aʻusia ʻoku fekauʻaki mo e tokāteline ʻoku akoʻi ʻi he potufolofolá. ʻE lava pē ko ha aʻusia fakataautaha, ko ha aʻusia ʻa ha taha ʻokú ke ʻilo, pe ko ha aʻusia naʻe lekooti ʻi he folofolá.

  3. Vahevahe ʻa e founga te ke lava ai ʻo fakaʻaongaʻi e tokāteliné ʻi hoʻo moʻuí pe ko e meʻa ʻoku tokoni atu ai ke mahino kiate koe ʻa e Tamai Hēvaní pe ko Sīsū Kalaisí.

Tohi ʻi ha laʻipepa ʻaki ha peni pe penivahevahe. 2. Tali ʻa e ngaahi fehuʻi ko ʻení ʻi hoʻo tohinoa akó:

  • Ko e hā te ke lava ʻo fai he uiké ni ke tokoni atu ke ke fakaʻaongaʻi e folofolá ʻi hoʻo moʻuí?

  • ʻE tokoni fēfē kiate koe ʻa hono fakahoko ʻení ke ke ofi ange ai ki he Fakamoʻuí?

Ngaahi tali ki he siví: 1-e, 2-h, 3-a, 4-i, 5-f