Toe Vakaiʻi Hono 24 ʻo e Fakataukei Fakatokāteliné
Fakaʻaongaʻi ‘o e Ngaahi Potufolofola Fakataukei Fakatokāteliné
Ko e taha ʻo e ngaahi taumuʻa ʻo e fakataukei fakatokāteliné ke tokoniʻi koe ke ke ako e founga ke fakaʻaongaʻi ʻi hoʻo moʻuí ʻa e tngaahi potufolofola fakataukei fakatokāteliné. ʻE ʻoatu ʻe he lēsoni ko ʻení ha ngaahi faingamālie ke ke akoako fakaʻaongaʻi ai ha niʻihi ʻo e ngaahi potufolofola fakataukei fakatokāteliné ki ha ngaahi tuʻunga kehekehe ʻoku moʻoni.
Fakaʻaongaʻi e ngaahi tefitoʻi moʻoni ʻo e ongoongoleleí
Naʻe fakamatala ʻe Palesiteni Tieta F. ʻUkitofa, ʻo e Kau Palesitenisī ʻUluaki mālōloó, ʻa e mahuʻinga ʻo hono fakaʻaongaʻi ʻo e ngaahi tefitoʻi moʻoni ʻo e ongoongoleleí. Mamataʻi ʻa e vitiō “Ko e Fakamātoato Moʻoní” mei he taimi 11:24 ki he 12:02 (ʻoku maʻu ʻi he ChurchofJesusChrist.org), pe lau ʻa e fakamatala ko ʻení.
Ko e Fakamātoato Moʻoní
Ko e akonaki ʻa Dieter F. Uchtdorf ki he kau maʻu lakanga fakataulaʻeikí ke nau anga fakatōkilalo, mo hoko ko ha ākonga moʻoní.
Toe vakaiʻi e ngaahi potufolofola fakataukei fakatokāteliné
Vakaiʻi nounou ʻa e ngaahi potufolofola fakataukei fakatokāteline ko ʻení, pea fakakaukau ki he meʻa kuó ke fai ke moʻui ʻaki kinautolú.
Fakataukei Fakatokāteline ʻo e Fuakava Foʻoú: 1 Kolinitō–Fakahā
|
“Ko homou sinó ko e fale tapu ʻo e Laumālie Māʻoniʻoní.” | |
|
“ʻOku ʻikai ai ʻa e tangatá kae ʻi he fefiné, pea ʻoku ʻikai ai ʻa e fefiné kae ʻi he tangatá, ʻi he ʻEikí.” | |
|
“ʻOku hangē ʻoku mate kotoa pē ʻia ʻĀtamá, ʻe pehē foki ʻe moʻui kotoa pē ʻia Kalaisi.” | |
|
ʻI he Toetuʻú, ʻoku ʻi ai ʻa e ngaahi nāunau ʻe tolu. | |
|
“ʻI he kakato ʻo e ngaahi kuongá naʻá ne tuʻutuʻuni, ke ne fakakātoa fakataha ʻa e meʻa kotoa pē ʻia Kalaisi.” | |
|
ʻOku fokotuʻu ʻa e Siasí “ki he tuʻunga ʻa e kau ʻaposetolo mo e kau palōfita, ko hono fuʻu maka tulikí ʻa Sīsū Kalaisi pē.” | |
|
“ʻA e ʻaho ʻo Kalaisí … ʻe ʻikai hoko ʻa e ʻaho ko iá, ʻo kapau ʻe ʻikai tomuʻa hoko ʻa e liliu koví.” | |
|
“Ko e ngaahi tohi māʻoniʻoní … ʻoku faʻa fakapoto koe ki he fakamoʻuí.” | |
|
Ko e Tamai Hēvaní ʻa e “Tamai ʻo e ngaahi laumālié.” | |
|
“Ka ai hamou taha ʻoku masiva ʻi he potó, ke kole ʻe ia ki he ʻOtuá.” | |
|
“Ko e tuí, kapau ʻoku ʻikai ʻi ai ʻa e ngaahi ngāué, ʻoku mate ia.” | |
|
“[Naʻe] malanga ʻaki … ʻa e ongoongoleleí kiate kinautolu foki kuo maté.” | |
|
“Pea naʻe fakamāuʻi ʻa e pekiá … ʻo fakatatau ki heʻenau ngaahi ngāué.” |
Fakaʻaongaʻi ʻo e ngaahi moʻoní ki he moʻuí
ʻE lava ke tokoni ke ke sio ki he founga ʻoku fakaʻaongaʻi ai ʻe he niʻihi kehé ʻa e ngaahi moʻoni ʻo e ongoongoleleí.
Ngaahi akonaki ‘a Tōmasi S. Monisoní: Fakahaofi ʻa Kinautolu ʻOku Faingata‘aʻiá
Ko hono talitali lelei ʻe Pīsope Tōmasi Monisoni mo hono uōtí ha kiʻi fāmili Siamane masiva ki honau koló, ʻo ʻoange kiate kinautolu ha fale nofoʻanga, māfana, mo ha me‘akai ki he Kilisimasí.
-
Fakakaukau ki he founga kuo tokoniʻi ai koe ʻe hono ʻiloʻi mo moʻui ʻaki e ngaahi moʻoni ʻo e ongoongoleleí ʻi he kuohilí, tokoniʻi koe he taimí ni, pea ʻe lava ke ne tokoniʻi koe ʻi he kahaʻú. Fakakakato ʻa e ʻekitivitī ko ʻení ke tokoni atu ke ke ʻahiʻahi fakahoko hono fakaʻaongaʻi ʻo e ngaahi moʻoni mei he ngaahi potufolofola fakataukei fakatokāteline kuó ke akó.
1. Fakakakato ha taha ‘o e ngaahi ʻekitivitī ko ení ʻi hoʻo tohinoa akó.
Kuohilí
Fakakaukau ki ha taimi naʻá ke fakafalala ai ki ha taha ʻo e ngaahi moʻoni mei ha potufolofola fakataukei fakatokāteline. Kapau ʻoku ʻikai te ke lava ʻo fakakaukau ki ha taimi pau ʻi hoʻo moʻuí, fakakaukau ki ha taha ʻokú ke ʻiloʻi pe ko ha taha mei ha talanoa ʻi he folofolá ʻa ia naʻe tāpuekina ʻi heʻene ngāueʻi ha moʻoni ʻi ha potufolofola fakataukei fakatokāteline.
Lekooti e ngaahi tāpuaki naʻe maʻu mei hono moʻui ʻaki e moʻoni ko ʻení. Fakapapauʻi ke fakamatalaʻi ʻa e founga kuó ne fakatupulaki pe lava ke ne fakatupulaki ai hoʻo loto-falala ki he Tamai Hēvaní mo Sīsū Kalaisí.
Lolotongá
Fakakaukau ki hoʻo ngaahi fiemaʻú mo e tūkunga lolotongá. Toe vakaiʻi ʻa e ngaahi potufolofola fakataukei fakatokāteliné, pea fili ha potufolofola ʻokú ke ongoʻi te ke lava ʻo muimui lelei ange ki ai ʻi hoʻo moʻuí. Lekooti ʻa e meʻa te ke lava ʻo fai ke ngāue ai ʻi he tuí pea fakaʻaongaʻi ʻa e potufolofolá.
Kahaʻú
Fili ha potufolofola fakataukei fakatokāteline, pea hiki ha tūkunga ʻe lava ke hoko kiate koe ʻi he kahaʻú ʻa ia ʻe lava ke tokoniʻi ai koe ʻe he ngaahi moʻoni ʻoku akoʻi ʻi he potufolofolá ke ke ngāue ʻi he tuí.
Fakakaukau ki he founga kuo tākiekina ai hoʻo moʻuí mo hoʻo ngaahi filí ʻi hono ʻiloʻi mo ngāueʻi e moʻoní.
-
Kuo tokoni fēfē hono moʻui ʻaki e ongoongoleleí ke fakamālohia hoʻo tui kia Kalaisí?
-
Ko e hā te ke lava ʻo fai ke manatuʻi lelei ange ai e ngaahi moʻoni ʻa Kalaisí ʻi hoʻo fai e ngaahi fili ʻi he kahaʻú?