Seminare
Efeso 1

Efeso 1

“Faapotopoto Faatasi Mea Uma ia Tasi ia Keriso”

O Iosefa Samita, le Itiiti o loo tootuli i le Togavao Paia i le taimi o le Uluai Faaaliga. O loo i ai ave malolosi o le malamalama o loo susulu ifo i luga o Iosefa.

Na i ai se taimi na e mafaufau ai pe o le a faape’i lou olaga e aunoa ma le Ekalesia toefuataiina a Iesu Keriso? I le avea ai ma se vaega o lana tusi i tagata Efeso, sa aoao atu ai e Paulo o le a tupu se Toefuataiga o le talalelei a Iesu Keriso a o lei oo i le Afio Mai Faalua o le Faaola. O lenei lesona ua fuafuaina e fesoasoani ia te oe e iloa ai faamanuiaga ua avanoa ona sa toefuatai mai e Iesu Keriso Lana talalelei i le lalolagi i aso e gata ai.

Faamalolosia o tagata fou liliu mai

Manatu faapea e i ai sau uo faatoa auai i le Ekalesia.

  • Mata o a nisi o ou manatu ma atugaluga mo i latou?

  • O le a se mea e mafai ona e faia e fesoasoani ai i lau uo ia tuputupu ae i lo latou malamalama o le talalelei ma tumau faamaoni i a latou feagaiga?

I lana tusi i Efeso, sa talanoa ai le Aposetolo o Paulo i le Au Paia sa i Efeso ma nofoaga taulalata ane. O lona faamoemoega o le faamalosia o i latou ua auai i le Ekalesia, ma fesoasoani i tagata faatoa liliu mai ia tuputupu ae i le malamalama faaleagaga ma tumau faamaoni i a latou feagaiga. O nisi o aoaoga faavae sa ia aoao atu i lenei tusi e aofia ai le muai faau’uina (tagai i le Efeso 1:4–6); le mana faamau o le Agaga Paia (tagai i le Efeso 1:13–14); le taua o perofeta ma aposetolo (tagai i le Efeso 2:19–22); le manatu o le Ekalesia moni e tasi ma le lotogatasi (tagai i le Efeso 4:1–7); ma tofi, valaauga, ma galuega eseese i totonu o faalapotopotoga o le Ekalesia (tagai i le Efeso 4:11–14).

O le isi aoaoga faavae na aoao atu e Paulo e faamalolosia ai tagata o le ekalesia i ona aso e faatatau i le Toefuataiga o le talalelei i aso e gata ai.

  • Aisea e te manatu ai o le aoao e uiga i le Toefuataiga o le talalelei i aso e gata ai o se auala na ono faamalosia ai le Au Paia i ona po o Paulo?

A o e suesue i lenei lesona atoa i mea na aoao atu e Paulo ma isi e uiga i le Toefuataiga, mafaufau pe faapefea e lenei aoaoga faavae ona faamalosia lou faatuatua ia Iesu Keriso.

O le tisipenisione o le atoaga o taimi

O le tisipenisione o se vaitaimi e faaali atu ai e le Alii Ana upumoni, pule o le perisitua, ma sauniga i tagata o le lalolagi. E tele ni tisipenisione o le talalelei ua i ai i le talafaasolopito atoa o le lalolagi.

I le tusi a Paulo i Efeso, sa valoia ai e Paulo se tisipenisione patino faapitoa. Faitau le Efeso 1:10, ma vaavaai mo le tisipenisione faapitoa na valoia e Paulo ma mea o le a tutupu i lea taimi.

Aikona o le Atamai i Aoaoga Faavae (lanumoana). O le ata o se tusi o loo matala. O le Efeso 1:10 o se fuaitau o le atamai i aoaoga faavae. Mafaufau e faailoga fuaitau o le atamai i aoaoga faavae i se auala iloga ina ia mafai ai ona e maua gofie.

  • O le a le taimi i le lumanai na faasino i ai Paulo i le Efeso 1:10?

  • O le a le mea na valoia e Paulo o le a tupu i le taimi o “le tisipenisione o le atoaga o taimi”?

Ola ai i le atoaga o taimi

I tisipenisione ua mavae, sa faaali mai ai e le Alii i Ana perofeta le tele o upumoni, mau, feagaiga, ma mana. O se tasi o upumoni tatou te aoao mai le Efeso 1:10 o le taimi o le tisipenisione o le atoaga o taimi, o le a toefuatai mai ai mea uma mai tisipenisione ua mavae.

Mafaufau faapea o vaitafe taitasi i le ata lenei e faatusa i se tisipenisione o le talalelei.

Atatusi o vaitafe o loo tafe atu i totonu o se vaituloto.

  • E faapefea e le tisipenisione o le atoaga o taimi ona faatusa i se vai atoa o loo tafe atu i ai ni vaitafe?

Na molimau mai Elder B. H. Roberts (1857–1933) o le Fitugafulu i le mea o le a tupu o se vaega o le tisipenisione o le atoaga o taimi.

Ata uliuli ma le paepae o le talafaasolopito o B. H. Roberts.

O le tisipenisione lenei o le atoaga o taimi, ma ua tatou vaaia le taufetuli mai i ai, e pei o le tatafe atu o auvai malolosi i le vasa, o tisipenisione uma sa i ai muamua, ua tatou fesootai atu ia i latou, ua fesootai mai i latou ia i tatou; ma ua tatou vaaia ai ua i ai le faamoemoega tele e tasi o le Atua mai lava i le amataga, ma o lena mea o le faaolataga o Lana fanau. Ma o lenei la ua oo mai le toe aso, le tisipenisione faaiu, lea e ao ai ona lolovaia le lalolagi i le upumoni ma le malamalama ma le amiotonu.

(B. H. Roberts, in Conference Report, Oct. 1904, 73)

  • O a upumoni, tusitusiga paia, feagaiga, ma mana mai tisipenisione ua mavae atu ua toefuatai mai pe aumaia i le tisipenisione o le atoaga o taimi?

O le folafolaga i le Toefuataiga

I le konafesi aoao lauiloa ia Aperila 2020 o le faamanatuina o le 200 tausaga o le amataga o le Toefuataiga o le talalelei a Iesu Keriso i aso e gata ai, sa folasia mai ai e Peresitene Russell M. Nelson “O Le Toefuataiga o le Atoatoaga o le Talalelei a Iesu Keriso: O Se Folafolaga o le Faamanatuina o le Lua Seneturi i le Lalolagi” (ChurchofJesusChrist.org). Faaaoga ni nai minute e faitau ai lenei folafolaga, mafaufau i ni auala ua faamanuiaina ai lou olaga ona o le talalelei toefuataiina a Iesu Keriso.

  • O a ni vaega o le folafolaga o le Toefuataiga na tumatila ia te oe?

  • O le a se mea e mafai ona e faasoa atu i se tagata o le Ekalesia e le o mautinoa pe latou te talitonu i le Toefuataiga pe e le manatu e taua ia i latou?

Faaaoga sina taimi e mafaufau ai i auala uma ua faamanuiaina ai e Iesu Keriso lou olaga e ala i Lana talalelei toefuataiina.

Mafaufau loloto ma manatunatu i le lisi lenei ao e matamata i le vitio “President Nelson—What Does the Restoration Mean for You?” (1:06), o loo maua i le ChurchofJesusChrist.org.

1:6

President Nelson – What Does the Restoration Mean for You?

What does it mean for you that the gospel of Jesus Christ has been restored to the earth?

Tusitusi i luga o se fasipepa i se peni po o se penitala. 1. Tali fesili nei i totonu o lau api talaaga mo suesuega:

  • O a ni vaega faapitoa o le Toefuataiga e te matuā faafetai ai? O faapefea ona aafia ai lou olaga?

  • O le a sou lagona i le mea e finagalo le Alii e te faia e auai ai i Lana Toefuataiga faifai pea e fesoasoani ai e faapotopoto mai isi ia te Ia?

Tuu i le faitalia: E Te Fia Aoao Atili?

Aisea e taua tele ai le galuega o le Toefuataiga?

Sa aoao mai le Perofeta o Iosefa Samita (1805–1844):

Ata pito i luma e Afa le telē o le Perofeta o Iosefa Samita, le Itiiti. O loo faliu le ao o Iosefa i le itu i se vaaiga e tolu-kuata, lima taumatau i luga o le puimanava ma lona lima agavale o loo uuina ni pepa. O loo faaalia lona ofuina o se suti enaena paauli ma se ofutino paepae ma se fusiua.

Ua tuua mo i tatou [i aso e gata ai] e vaai iai, auai ma fesoasoani e tulei i luma le mamalu o Aso e Gata Ai, ‘o le tisipenisione o le atoaga o taimi, o le a faapotopoto faatasi e le Atua mea uma o i le lagi, ma mea uma o i luga o le fogaeleele, ia tasi uma lava’ [tagai i le Efeso 1:10]. … O se galuega [lenei] na magafagafa loloto i ai le Atua ma agelu ma le fiafia mo tupulaga ua mavae; na mumū ai agaga o peteriaka ma perofeta anamua; o se galuega ua faamoemoe e aumaia le faafanoga o mana o le pouliuli, le faafouina o le lalolagi, le mamalu o le Atua, ma le faaolataga o le auaiga o tagata soifua.”

(Iosefa Samita, Aoaoga a Peresitene o le Ekalesia: Iosefa Samita [2007], 513–15)

O le a le tisipenisione?

6:55

Tisipenisione: O Le Mamanu o le Liliuese, ma le Toefuataiga

Na faamalamalama mai e Elder David A. Bednar o le Korama a Aposetolo e Toasefululua ia tisipenisione o le talalelei ma le mafuaaga ua tulaga ese ai lenei tisipenisione mulimuli.

O le a tonu lava le Toefuataiga?

2:55

The Restoration

An explanation of the restoration of the gospel

E mafai faapefea ona aafia ai lo‘u olaga i le i ai o se molimau o le Toefuataiga?

4:42

A Choice Seer Will I Raise Up: Prophet of the Restoration

Part 2: Youth share their testimonies of the Restoration and how it has impacted their lives. Based on a talk given by Elder Craig C. Christensen in October 2016.

4:50

O Le Liliu Ese ma le Toefuataiga - O le Uiga o le Toefuataiga ia te Au

Ua faasoa mai e alii ma tamaitai talavou le i ai o se aafiaga moni o mea na tutupu i le vaitaimi o le Toefuataiga i o latou olaga i aso uma.

Ua faasoa mai e alii ma tamaitai talavou le i ai o se aafiaga moni o mea na tutupu i le vaitaimi o le Toefuataiga i o latou olaga i aso uma.

I le konafesi aoao ia Oketopa 2019, sa faasoa mai ai e Peresitene Russell M. Nelson ia fesili o le faatalanoaga o pepa faataga o le malumalu, lea e aofia ai le fesili “E i ai sau molimau i le Toefuataiga o le talalelei a Iesu Keriso?” (tagai i le “Malelega Faaiu,” Liahona, Nov. 2019, 121).

Mafaufau loloto pe aisea o le a faaaofia ai lenei fesili o se tulaga manaomia e ulu atu ai i le maota o le Alii. E faapefea e le malamalama, talitonu, ma le auai i le Toefuataiga faifai pea ona aafia ai lou sootaga ma le Tama Faalelagi ma Iesu Keriso?

O le a le uiga o le Toefuataiga o loo tupu pea?

Na aoao mai e Peresitene Dieter F. Uchtdorf, a o i ai i le Au Peresitene Sili, le natura faaauau pea o le Toefuataiga.

Atatosi aloaia o Elder Dieter F. Uchtdorf o le Korama o Aposetolo e Toasefululua, 2006. Na valaauina e avea ma Fesoasoani Lua i le Au Peresitene Sili, 3 Fepuari 2008. Na avea ma ata aloaia i le 2008 e sui ai le ata na pueina i le 2004.

O nisi taimi tatou te mafaufau ai i le Toefuataiga o le talalelei o se mea ua mae’a, ma ua tea atu ma tatou—sa faaliliuina e Iosefa Samita le Tusi a Mamona, na ia mauaina ki o le perisitua, na faatulagaina le Ekalesia. Ae o le mea moni, o le Toefuataiga o se faagasologa faifai pea; o loo tatou ola ai i le taimi nei. O loo aofia ai “mea uma na faaali mai e le Atua, mea uma ua ia faaali mai nei,” ma le “tele o mea silisili ma le taua” lea “o le a Ia faaali mai” (Mataupu Faavae o le Faatuatua 1:9). Uso e, o atinaega maoae o aso nei o ni vaega o lena vaitau o sauniuniga ua leva ona muai tau mai lea o le a faaiuina i le Afio Mai Faalua i le mamalu o lo tatou Faaola, o Iesu Keriso.

(Dieter F. Uchtdorf, “O E Moe i lenei Taimi o le Toefuataiga?,” Liahona, Me 2014, 59)