Եբրայեցիներին 12

«Տերն ում սիրում է, խրատում է»

Վերջին անգամ ե՞րբ է ինչ-որ մեկը խրատել կամ ուղղել ձեզ։ Դուք ինչպե՞ս արձագանքեցիք: Երբևէ երախտապարտ եղե՞լ եք ձեզ ուղղելու համար: Պողոսը գրել է եբրայեցի Սրբերին և բացատրել է նրանց, որ մեր Երկնային Հայրը հաճախ ցույց է տալիս Իր սերը՝ ուղղելով մեզ: Այս դասը կօգնի ձեզ սովորել, թե ինչպես խոնարհաբար ենթարկվել Երկնային Հոր ուղղմանը, որը կօգնի ձեզ խաղաղություն գտնել և ավելի նմանվել Նրան:

Կյանքի մրցավազք

Ձեր ուսումնասիրության օրագրում գրեք այն իրավիճակների ցանկը, երբ ձեր մահկանացու կյանքը նման է երկար մրցատարածությամբ մրցավազքի։ Օրինակ՝ կարող եք պատասխանել հետևյալ հարցերին.

• Ինչի՞ հետևանքով եք դուք ձեզ հոգնած կամ ուժասպառ զգում։

• Ի՞նչ եղանակներով եք դուք ձեզ լավ դրսևորում մրցավազքում, կամ ի՞նչը կօգներ, որ ավելի լավ դրսևորեիք ձեզ:

• Ո՞րն է այն նպատակակետը, որի ուղղությամբ դուք վազում եք: Ինչո՞ւ է այն ցանկալի։

• Դուք ինչո՞ւ եք օգնության կարիք զգում կյանքի մրցավազքն ավարտելու համար:

«Համբերությամբ վազենք»

Պողոս Առաքյալը մեր կյանքը համեմատում է մրցավազքի հետ: Կարդացեք Եբրայեցիներին 12.1–2 հատվածները՝ փնտրելով, թե ինչ է ուսուցանել Պողոսը այն մասին, թե մենք ինչպես կարող ենք հաջողությամբ վազել կյանքի մրցավազքը: Նկատի ունեցեք, որ հատված 1-ում նշված «վկաների այսչափ բազմությունը» վերաբերում է Եբրայեցիներին 11 գլխում տրված հավատքի օրինակներին։

• Ի՞նչն ամենաշատը տպավորեց ձեզ այս հատվածում։

• Պողոսի խորհրդին հետևելն ինչպե՞ս կօգնի մեզ հաջողությամբ անցնել կյանքի մրցավազքը:

Պողոսը նշել է հատված 2-ում, որ Փրկիչը դիմակայեց խաչելության մարտահրավերին՝ կենտրոնանալով «ուրախության վրա, որը դրվել էր Նրա առաջ» ( Եբրայեցիներին 12.2)։ Նախագահ Ռասսել Մ. Նելսոնը բացատրել է․

Joy and Spiritual Survival

Ո՞րն էր ուրախությունը, որը դրվել էր Նրա առաջ: Անշուշտ, այն ընդգրկում էր մեզ մաքրելու, բժշկելու և զորացնելու ուրախությունը, ուրախությունը` վճարելու բոլոր նրանց մեղքերի համար, ովքեր կապաշխարեն, ուրախությունը` իմ և քո տունդարձը հնարավոր դարձնելու համար, որպեսզի մաքուր և արժանի լինենք ապրելու մեր Երկնային Ծնողների ու ընտանիքների հետ:

(Ռասսել Մ. Նելսոն, «Ուրախություն և հոգևոր գոյատևում», Լիահոնա, նոյեմբեր 2016, 83)

• Խաչելության ժամանակ Փրկչի կենտրոնացումը ի՞նչ է ձեզ ուսուցանում այն մասին, թե Նա ինչ է զգում ձեր հանդեպ:

• Հիսուս Քրիստոսի մասին այս գիտելիքը ինչպե՞ս կարող է օգնել ձեզ ուրախություն ապրել նույնիսկ դժվար պահերին:

• Ո՞ր ուրախությունների վրա կարող եք կենտրոնանալ ձեր կյանքի դժվար պահերին:

Տոկունության խրատ Տիրոջից

Հիշեք դեպք, երբ ինչ-որ մեկը ձեզ ուղղել է, և ինչպես եք դուք արձագանքել։

• Որո՞նք էին ձեզ ուղղելու պատճառները։

• Ինչու երբեմն դժվար է ուղղում ստանալ ուրիշների կողմից:

• Ե՞րբ եք երախտապարտ եղել ձեր ստացած ուղղումների համար: Ինչո՞ւ:

Կարդացեք Եբրայեցիներին 12.5–7, 9–11 հատվածները՝ ուշադրություն դարձնելով, թե ինչ է ուսուցանել Պողոսը խրատելու և ուղղելու մասին։

Եբրայեցիներին 12.9 հատվածը վարդապետության սերտման հատված է։ Կարող եք նշել վարդապետության սերտման հատվածները տարբերակիչ ձևով, որպեսզի հեշտ գտնեք դրանք: Հաջորդ դասին դուք ավելին կսովորեք վարդապետության սերտման այս հատվածի մասին:

• Այս հատվածները ի՞նչ են ուսուցանում՝ մեզ խրատելու Երկնային Հոր նպատակների մասին:

Կրկին վերանայեք Եբրայեցիներին 12․10–11 հատվածները՝ փնտրելով, թե ինչպես կարող եք ավարտել հետևյալ ճշմարտությունը.

• Եթե մենք ենթարկվենք Երկնային Հոր խրատին,

Ահա այս ճշմարտությունը ավարտելու մի տարբերակ. Եթե մենք հնազանդվում ենք Աստծուց տրված խրատին, կարող ենք ավելի նմանվել Նրան և ունենալ այն խաղաղությունը, որը գալիս է արդարակեցությունից։

Երեց Դ. Թոդ Քրիստոֆերսոնը տվել է հետևյալ գաղափարները խրատի մասին, որը մենք ստանում ենք Տիրոջից.

Աստվածային խրատն ունի առնվազն երեք նպատակ. (1) համոզել մեզ ապաշխարել, (2) կատարելագործել և սրբագործել մեզ, և (3) երբեմն փոխել մեր կյանքի ուղին, դարձնելով այն ավելի լավ ուղի՝ ըստ Աստծո իմաստության:…

Եթե մենք պատրաստ ենք, անհրաժեշտ ուղղումը կտրվի տարբեր ձևերով և տարբեր աղբյուրներից: Այն կարող է տրվել մեր աղոթքների ժամանակ, երբ Աստված կասի մեր մտքին և մեր սրտին Սուրբ Հոգու միջոցով [տես Վարդապետություն և Ուխտեր 8.2]: Այն կարող է տրվել որպես աղոթքների պատասխան, որը «Ոչ» է կամ ոչ այն, ինչ մենք սպասում էինք: Խրատը կարող է տրվել, երբ մենք ուսումնասիրում ենք սուրբ գրությունները, և երբ մեզ հիշեցվում են թերությունների, անհնազանդության կամ պարզապես անտեսված հարցերի մասին:

(Դ. Թոդ Քրիստոֆերսոն, «Ես որոնց որ սիրում եմ, հանդիմանում և խրատում եմ», Լիահոնա, մայիս, 2011, 98)

• Երեց Քրիստոֆերսոնի հայտարարության համաձայն, որո՞նք են այն եղանակները, որոնց միջոցով Երկնային Հայրը կարող է խրատել կամ ուղղել մեզ:

Հնարավորության դեպքում դիտեք «Աստծո կամքը» տեսանյութը (3:01)՝ տեսնելով, թե ինչպես Առաջին Նախագահությունից նախագահ Հյու Բ. Բրաունին (1883–1975) օգնեց Աստծո խրատը: Տեսանյութը կարելի է գտնել ChurchofJesusChrist.org կայքում:

The Will of God

• Այս տեսանյութը դիտելիս ի՞նչ մտքեր և զգացումներ ունեցաք, որոնք կարող են օգնել ձեզ ձեր կյանքում:

• Ինչպե՞ս կարող է Երկնային Հոր խրատին ենթարկվելը խաղաղություն բերել և օգնել ձեզ ավելի նմանվել Նրան:

• Ի՞նչ փորձառություններ եք ունեցել, երբ Երկնային Հոր խրատը օգնել է ձեզ խաղաղություն գտնել կամ ավելի նմանվել Նրան:

• Ինչպե՞ս է այս փորձառությունն ազդել Նրա հանդեպ ձեր զգացմունքների վրա:

1. Ուսումնասիրության ձեր օրագրում արեք հետևյալը՝ երեքից հինգ նախադասությամբ։

Մտածեք այն մասին, թե ինչ եք սովորել և զգացել այսօր, որը կարող է օգնել ձեզ ձեր կյանքում: Գրանցեք ձեր մտքերն ու տպավորությունները, այդ թվում ցանկացած գործողություն, որը նախատեսում եք կատարել՝ հիմնվելով ձեր սովորածի և զգացածի վրա:

Ընտրովի. ցանկանո՞ւմ եք ավելին իմանալ

Ի՞նչ անել, եթե զգում եմ, որ կյանքի մրցավազքում հետ եմ մնում ուրիշներից

Տասներկու Առաքյալների Քվորումից երեց Ջեֆրի Ռ. Հոլլանդը բացատրել է.

Մենք մրցակցության մեջ չենք միմյանց հետ՝ տեսնելու, թե ով է ամենից հարուստը, տաղանդավորը, գեղեցիկը կամ օրհնվածը։ Մրցակցությունը, որն իրականում առկա է, մրցակցություն է մեղքի դեմ։

(Ջեֆրի Ռ. Հոլլանդ, «Այգու մշակները», Լիահոնա, մայիս 2012, 31)

Ինչպե՞ս են Երկնային Հոր խրատները ցույց տալիս Նրա սերը մեր հանդեպ

Յոթանասունից Տանիելա Բ. Վաքոլոն նկարագրել է օրինակներ իր և Ջոզեֆ Սմիթի կյանքից, որոնք ցույց են տալիս Աստծո սերը խրատների միջոցով։

Դիտեք «Աստված սիրում է Իր զավակներին» տեսանյութը 5․23-8․04՝ այդ օրինակները տեսնելու համար:

Աստված սիրում է Իր զավակներին

Սուրբ Գիրքը վկայում է Տիրոջ խրատների բազմաթիվ նպատակների մասին: Եբրայեցիներին 12.10 հատվածում Պողոսն ուսուցանեց, որ Տերը ուղղում է մեզ «մեր օգուտի համար, որպեսզի նրա սրբությանը հաղորդակից լինենք»: Նրա ուղղումը «դրանով դաստիարակվածներին արդար խաղաղության պտուղ է տալիս» (Եբրայեցիներին 12.11)։ Տիրոջ ուղղումը կարող է ունենալ բազմաթիվ ձևեր, և այն միշտ օգնում է ուսուցանել մարդկանց, ինչպես նաև տրամադրել անհրաժեշտ ուղղում: Խրատը օգնում է մարդկանց հիշել Տիրոջը, ապաշխարել, ստանալ ներում և ազատում, սովորել հնազանդություն և զտվել որպես ոսկի (տես Հելաման 12․3, Վարդապետություն և Ուխտեր 1․27, 95․1, 105․6, Հոբ 23․10)։

Երեց Դ. Թոդ Քրիստոֆերսոնն ասել է Տիրոջ խրատի մասին.

Ուղղումը կենսական կարևորություն ունի, եթե մենք ցանկանում ենք մեր կյանքը համապատասխանեցնել «կատարյալ [մարդուն], [այսինքն] Քրիստոսին չափանիշ ունենալով» (Եփեսացիներին 4.13): Պողոսն ասել է աստվածային ուղղման կամ խրատի մասին. «Տերն ում սիրում է, խրատում է» (Եբրայեցիներին 12.6): Թեև դրան դժվար է դիմանալ, մենք իսկապես պետք է ուրախանանք, եթե Աստված մեզ այնքան արժանի է համարում, որ ժամանակ է գտնում և անհանգստանում մեզ ուղղելու համար:

(Դ. Թոդ Քրիստոֆերսոն, «Ես որոնց որ սիրում եմ, հանդիմանում և խրատում եմ», Լիահոնա, մայիս, 2011, 97-98)