Еврей 7–10

“Бидний төлөө мөнхийн золилтыг агуулсан”

Composite of an image of an Old Testament priest offering a sacrifice, and Jesus Christ on the cross.

Танд Есүс Христэд итгэх итгэлээ баталгаажуулах хэрэгтэй үе тулгарч байсан уу? Танд гэрээний зам дээр үлдэхийн тулд нэмэлт тусламж хэрэгтэй санагдаж байсан үе байсан уу? Еврей гэгээнтнүүд Есүс Христэд итгэх өөрсдийн итгэл болон Түүний аврах хүчийн талаар баталгаа эрэлхийлж байлаа. Паул энэхүү баталгааг санал болгохоор тэдэнд захидал бичсэн байна. Тэрээр Мосегийн хууль авралын жинхэнэ эх үүсвэр болж Есүс Христ ба Түүний Цагаатгал руу чиглэсэн болохыг тэдэнд сануулжээ. Энэ хичээл нь Мосегийн хуульд орсон эртний бэлгэ тэмдгүүдийг ойлгоход тань туслах замаар өөрийн Аврагч ба Гэтэлгэгчийн хувиар Есүс Христэд итгэх итгэлээ бэхжүүлэхэд тань туслах зорилготой.

“Бүх зүйл Есүс Христийн тухай гэрчилдэг” ( Мосе 6:63)

Танд Есүс Христийг санагдуулдаг эсвэл Түүнийг гэрчлэх боломжтой эд зүйлийг ойр хавиасаа ол. Энэ эд зүйлийн юу нь танд Есүс Христийг санагдуулдаг (эсвэл төлөөлдөг) талаар бодож үз.

Энэ эд зүйлийг ашиглан дараах мэдэгдлийг гүйцээж бич.

“__________________ нь ________________________ учраас надад Есүс Христийг санагдуулдаг.”

• Үүн шиг бэлгэ тэмдэг ба харьцуулалтууд танд Есүс Христийн талаарх болон Түүний таны төлөө хийсэн зүйлсийн талаарх ойлголтыг тань гүнзгийрүүлэхэд хэрхэн туслах вэ?

Судруудад Бурханы өгсөн бүх зүйл Есүс Христийг гэрчилдэг гэж бичсэн байдаг (жишээлбэл: 2 Нифай 11:4 ; Мосе 6:63 -ыг үзнэ үү).

• Үүнийг санаж явах нь танд хэрхэн туслах вэ?

Мосегийн хуулийн ёслолууд нь израилчуудыг Есүс Христ ба Түүний цагаатгагч золиос руу чиглүүлсэн “хэв шинж” эсвэл “бэлгэдлийн” үүрэг гүйцэтгэх зорилгогүй байсан ( 2 Нифай 11:4 ; Иахов 4:4–5 ; Мозая 3:15 -ыг үзнэ үү). Паул еврейчүүдэд бичсэн захидалдаа Есүс Христийг болон Түүний Цагаатгалын хэрэгцээ шаардлагыг гэгээнтнүүдэд сануулахын тулд Мосегийн хууль, эртний асрын бэлгэдэл зэргийг ашигласан байна. Тэр еврейн гэгээнтнүүдэд Мосегийн хуулийг дагахаар буцахын оронд Есүс Христэд итгэл үнэмшилтэй үлдэхэд нь туслахыг хүссэн бөгөөд түүний сургаал өнөөдөр ч бидэнд Аврагчид итгэл үнэмшилтэй үлдэхээр хичээн чармайхад тусална. Энэ хичээлээр та судрууд дээрх бэлгэдлүүд биднийг хэрхэн Есүс Христ рүү чиглүүлж, Түүнийг гэрчилдэг талаар илүү их ойлгох боломжтой байх болно.

Мелкизедек санваарын дарааллын дагуух пристүүд

Еврейчүүдэд бичсэн Паулын захианд, эртний израилчуудын дээд прист болон бусад прист нь Есүс Христийг бэлгэдэж байв.

A man dressed in the costume of a High Priest at the model of the Jewish Tabernacle.

Пристүүдийн нэг үүрэг нь хүмүүс, Бурханы хооронд бэлгэ тэмдгийн шинжтэй зогсож, зуучлагчийн үүрэг гүйцэтгэх байв. Тэд израилчуудын үйлдсэн гэм нүгэл, гаргасан зөрчлийг цайруулахаар өдөр бүр амьтдаар тахил өргөх замаар энэ үүргээ гүйцэтгэж байлаа ( Леви 1 ; Еврей 10:11 -ийг үзнэ үү). Үүнийг асар дотор үйлддэг байжээ.

Еврей 7:22–28 -ыг уншаад, Еврей 7:25–26 (Библийн Иосеф Смитийн орчуулгаас авсан түүврүүд дээрх)-ийн Иосеф Смитийн Орчуулгыг тэмдэглэ. Эдгээр дээд пристийн хийсэн үйлдлүүд бидэнд Есүс Христ бидний гэм нүглийн төлөө Өөрийн амьдралыг золиос болгон өргөсөн гэдгийг ойлгоход хэрхэн туслахыг олж мэд. Судалж байхдаа дараах тодорхойлолтуудыг авч үз.

Еврей 7:22 дээрх “батлан даагч” гэдэг нь өөр хүний мөнгөн өрийг батлан даадаг хүнийг хэлж байна.

“Сайн гэрээ” гэдэг нь Христийн гаргасан хамгийн дээд сайн мэдээний гэрээг хэлж байна.

Еврей 7:24 дээрх “Тэр” гэдэг нь Есүс Христийг хэлж байна.

Еврей 7:25 дээрх “бүрмөсөн” гэдэг нь “бүрэн гүйцэд”, “мөнхөд” гэсэн утгатай.

1. Судлах тэмдэглэлдээ дараах асуултуудад хариулж бич.

• Эдгээр шүлэг дэх ямар үг, хэллэгүүд танд хамгийн утга учиртай байсан бэ? Яагаад?

• Эдгээр шүлэг дээрх юу нь Есүс Христ бидний гэм нүглийн төлөө Өөрийн амьдралыг золиос болгож өргөсөн гэж зааж байна вэ?

• Та Есүс Христийн талаар юу мэдэх вэ? Эсвэл Тэр таныг аварч чадна гэсэн итгэлийг өгдөг ямар туршлагыг та Түүнээс олж авсан бэ?

Эртний асрын бэлгэдэл

A depiction of the Israelite tabernacle in the wilderness. The tabernacle is viewed from above. The interior and exterior of the tabernacle are depicted.

Floor plan of Moses’ Tabernacle.

Жилд нэг удаа Цагаатгалын өдөр ( Леви 16 -г үзнэ үү) дээд прист асрын хамгийн ариун газар (Ариун газар) гэгддэг байсан хэсэгт орохоосоо өмнө амьтнаар онцгой тахил өргөх ёслолыг гүйцэтгэдэг байжээ. Асрын энэ хэсэг нь селестиел хаант улс буюу Бурханы оршихуйг илэрхийлж байв. Дээд пристийн эдгээр өргөл болон үйлдлүүд нь Агуу Дээд Прист болох Есүс хүмүүсийг Бурханы оршихуйд нэвтрэх замыг бэлтгэх золиосыг хэрхэн гаргах байсныг бэлгэдэх зорилготой байсан байна ( Еврей 9:1–15 -ыг үзнэ үү).

   

Composite of an image of an Old Testament priest offering a sacrifice, and Jesus Christ on the cross.

Еврей 9:11–15, 24, 28 эсвэл Еврей 10:4, 10–17 -г уншихдаа дараах асуултуудад өгөх хариултаа бодож ол.

• Та эдгээр шүлгээс Аврагч ба Түүний Цагаатгалын талаар юу олж мэдсэн бэ?

• Эдгээр шүлэгт дурдсанаар Есүс Христийн Цагаатгалын ачаар бидэнд ямар адислалууд ирэх вэ?

2. Судлах тэмдэглэлдээ дараах асуултуудад хариулж бич.

• Аврагчийн өгнө хэмээн амласан адислалууд Түүний таны төлөө юу хүсдэг талаар юуг танд зааж байна вэ?

• Та Есүс Христийн таны төлөө хийсэн зүйлд хэрхэн талархлаа илэрхийлэх вэ?

Энэ хичээл дээрх харьцуулалт, бэлгэдлийг судлах нь Есүс Христ ба Түүний Цагаатгалыг илүү сайн ойлгоход тань хэрхэн тусалсан талаар тунгаан бод.

• Биднийг Есүс Христ рүү чиглүүлдэг ямар ямар бэлгэ тэмдэг манай цаг үед байна вэ?

Есүс Христийн бэлгэдлийн талаар илүү олон давтамжтай хайж олох нь Түүнтэй харилцах таны харилцаанд хэрхэн нөлөөлөх талаар бодож үз. Хувиараа судраас суралцахдаа үүнийг хэрхэн илүү байнга хийж болохыг тодорхойлохын тулд Ариун Сүнсээр дамжуулан Тэнгэрлэг Эцэгээс тусламж эрэлхийл. Хүлээн авсан аливаа өдөөлтийнхөө дагуу үйлд.

Нэмэлт: Илүү ихийг судлахыг хүсэж байна уу? 

Цагаатгалын өдөр гэж ямар өдөр байсан бэ?

Жилд нэг удаа Цагаатгалын өдөр гэж нэрлэгддэг Еврейн ариун өдөр (мөн Yom Kippur гэж нэрлэгддэг) дээд прист асар буюу хожим нь Иерусалимын ариун сүм болсон хамгийн ариун газар (мөн Ариунаас ариун газар гэж нэрлэгддэг) нэвтрэх эрхтэй болдог байв. Ариун газрын гадаа байрлуулсан тахилын ширээн дээр дээд прист бух, ухнаар тахил өргөдөг байна. Тэрээр пристийн мөн хүмүүсийн гэм нүглийн төлөө Христийн Цагаатгалыг бэлгэдэж, хамгийн ариун газрын тусгай товлосон газарт амьтдын цусыг цацдаг байв. Дээд прист хүмүүсийн гэм нүглийг нөгөө ухна руу (золиосны ямаа гэж нэрлэж байв) бэлгэдлийн шинжтэйгээр шилжүүлж, дараа нь зэлүүд тал руу явуулдаг нь хүмүүсийн гэм нүглийг үгүй хийж буйг илэрхийлдэг байжээ. Тэрээр мөн өөрийнхөө болон хүмүүсийн төлөө шатаалт тахил болгож хоёр хуцыг өргөдөг байв. (Bible Dictionary “ Өргөл ”; мөн Леви 16:22 -ыг үзнэ үү.)

Еврей 8:6 ; 9:15. Есүс бол “зуучлагч” гэсэн нь юу гэсэн утгатай вэ?