Roma 12–15

Lotogatasi e ala ia Iesu Keriso

O loo savavali alii talavou ma tamaitai talavou i Togalaau Fe’ilafi i le Navy Pier i Chicago. O loo i ai niu ma isi laau i tua atu.

Pe sa i ai ea se taimi na e lagonaina ai le faigata ona lotogatasi ma isi tagata o le Ekalesia? O le Au Paia i Roma na soifua i le taimi o Paulo na tupuga mai i ituaiga tupuaga ma aganuu eseese. E i ai taimi sa i ai ni feeseeseaiga ma fevesiaiga i va o le tasi ma le isi. I le tali atu, sa uunaia ai i latou e Paulo ina “ia loto gatasi le tasi i le isi” (Roma 12:16). O lenei lesona e mafai ona fesoasoani ia te oe e maua ai auala e faatupu atili ai le lotogatasi ma tagata o le Ekalesia a le Faaola. 

E mafai ona tatou lotogatasi uma

Na papatisoina Mika ma lona aiga i le tolu tausaga ua mavae. Sa umi se taimi mo le aiga o Mika e faamasani ai i se olaga fou o ni tagata o le Ekalesia, ae sa latou mauaina le lagolago malosi o fegalegaleaiga ma le taliaina mai tagata o le latou paranesi. Talu ai nei, na talia ai e le tamā o Mika se galuega fou, ma siitia atu ai lona aiga i se isi nofoaga. Sa auai Mika i le lotu ma gaoioiga a le autalavou i lana uarota fou mo ni nai vaiaso, ae sa faigata ona lagonaina le taliaina o ia iina. E foliga e agalelei le autalavou, ae o le toatele o i latou e pei ua leva ona avea ma tagata o le Ekalesia, ma sa taumate Mika pe faamata latou te faamasinoina o ia ona o ni ona faaletonu ma lona le masani lelei i le Ekalesia.

O le a se fautuaga e te avatu ia Mika e fesoasoani ai ia te ia i lenei tulaga?
O le a se fautuaga e te tuuina atu i le autalavou i le uarota fou a Mika?

Na tusi atu e Paulo lana tusi i tagata o le ekalesia i Roma i se taimi na amata ai ona tapuai faatasi tagata o le Ekalesia mai tapuaiga ma talaaga faaleaganuu eseese. Sa i ai taimi na feeseeseai ai le tasi ma le isi o nei Au Paia pe na faamasinoina le tonu isi tagata o le Ekalesia e ese a latou filifiliga mai ia i latou. O se tasi o lesona e mafai ona tatou aoao mai i aoaoga a Paulo i le Roma 12–15 e faapea, e ui ina i ai ia i tatou uma ni eseesega, e mafai e tagata o le Ekalesia ona taumafai ia lotogatasi e ala i aoaoga a Iesu Keriso.

O le a se mea e faigata ai ona lagona le lotogatasi ma isi tagata o le Ekalesia?

Aisea e te manatu e taua ai i le Alii le lotogatasi o tagata o Lana Ekalesia?

Mafaufau pe o le a sou lagona e uiga i lou fesootai ma tagata o lau uarota po o le paranesi, o au uo i le seminare, po o isi tagata o le Ekalesia. I le taimi o lenei lesona, mafaufau pe mafai faapefea ona e lotogatasi atili ma isi tagata o le Ekalesia a le Faaola.

O aoaoga a Paulo e uiga i le lotogatasi

Suesue i aoaoga a Paulo e uiga i le lotogatasi mai ia le itiiti ifo ma le lua o seti o fuaiupu nei. A o e suesue, vaavaai mo aoaoga e mafai ona fesoasoani e te malamalama atili ai ma lagolagoina isi tagata o le Ekalesia. E ono mafai foi ona fesoasoani le fatuina o se ata faatusatusa se tasi pe sili atu foi o aoaoga a Paulo i fuaiupu o loo e suesueina.

O le a se mea na e aoaoina mai fuaiupu na e suesueina e mafai ona fesoasoani ia te oe ia faatupuina ai le lotogatasi ma isi?
E mafai faapefea e le faia o taumafaiga ina ia lotogatasi ma isi ona fesoasoani ia i tatou ia avea atili ai e faapei o Iesu Keriso?
O a ni aafiaga mai lou olaga po o olaga o isi ua faaalia ai ia te oe le taua o le lotogatasi ma isi tagata o le Ekalesia?

Mafaufau e matamata i le vitio “A Friend to All” (4:01), o loo maua i le ChurchofJesusChrist.org. I lenei vitio, na faamatalaina ai e Elder Ulisses Soares o le Korama a Aposetolo e Toasefululua nisi o aafiaga na oo i lona aiga a o avea i latou ma tagata fou o le Ekalesia. A o e matamata, mafaufau pe faapefea ona faatupu atili lou lagolago ma faauo atu i tagata o le Ekalesia.

A Friend to All
Elder Ulisses Soares talks of the need for kindness and acceptance.

O le a se mea sa tulaga ese ia te oe mai le savali a Elder Soares? Aisea?

Faaaoga mea ua e aoaoina

Tusitusi i luga o se fasipepa i se peni po o se penitala.

Tuu i le faitalia: O e Manao e Aoao Atili?

O le a se mea e mafai ona tatou aoaoina mai luitau na feagai ma le Ekalesia i Roma i le taimi o Paulo?

Na faamalamalama mai e Elder Quentin L. Cook o le Korama a Aposetolo e Toasefululua:

O la tatou aganuu Faale-Ekalesia e sau mai i le talalelei a Iesu Keriso. O le Tusi a le Aposetolo o Paulo i Tagata Roma e loloto. …

… Ua apoapoai atu Paulo i tagata Iutaia ma Nuu Ese e tausi poloaiga ma alofa le tasi i le isi ma tautino atu o amiotonu e taitai atu ai i le faaolataga.

O le aganuu a le talalelei a Iesu Keriso e le o se aganuu a Nuu Ese po o se aganuu faaIutaia. E le filimaotiina i le lanu o le pa’u o se tagata po o le mea e nofo ai se tagata. A o tatou olioli ai i aganuu tulagaese, e tatau ona tatou tuuese vaega o na aganuu e feteenai ma le talalelei a Iesu Keriso.

(Quentin L. Cook, “O Loto ua Fili Faatasi i le Amiotonu ma le Lotogatasi,” Liahona, Nov. 2020, 20–21)

O le a se mea e mafai ona tupu a o tatou faia ni taumafaiga e avea ma tagata lotogatasi o le Ekalesia a le Faaola?

Sa aoao mai Elder Jorge T. Becerra o le Fitugafulu:

I uarota ma paranesi taitasi tatou te manaomia tagata uma—o i latou atonu e malolosi ma i latou atonu o feagai ma faigata. E manaomia tagata uma i le faamalamalamaina taua o le “tino [atoa] o Keriso.” E tele taimi ou te tomanatu ai po o ai e le o i ai ia tatou faalapotopotoga eseese o le a latou faamalolosia ai i tatou ma faaatoatoaina ai i tatou.

(Jorge T. Becerra, “Nai Tagata Faatauvaa,” Liahona, Me 2021, 40)

Na faasoa mai e Sister Sharon Eubank o le Au Peresitene Aoao o le Aualofa le tala lenei:

By Union of Feeling We Obtain Power with God
Sister Eubank teaches us how we can achieve greater unity with each other and thus obtain greater power from God.

I le 1842, sa galulue malosi ai le Au Paia e fau le Malumalu o Navu. Ina ua uma ona faavae le Aualofa ia Mati, sa tele ina sau le Perofeta o Iosefa Samita ia latou fonotaga e sauniuni ai i latou mo feagaiga paia, autasi e le o toe mamao ona latou osia lea i le malumalu.

I le aso 9 o Iuni, sa saunoa le Perofeta “o le a ia talai atu le alofa mutimutivale[.] A faapea e teena e Iesu Keriso ma agelu ia i tatou i mea iti ma le faatauvaa, mata o le a le mea o le a tupu ia i tatou? E tatau ona tatou alolofa mutimutivale ma laaloa le vaai i mea iti.” Na faaauau le saunoaga a Peresitene Samita, “O se mea ou te faanoanoa ai o le leai o se lagona tele o le lotogatasi—afai e mafatia se tagata e toatasi e lagona e tagata uma—o le soofaatasi o lagona tatou te maua ai le mana o le Atua” [“Minutes and Discourse, 9 June 1842,” 61, Joseph Smith Papers] .

O lena fuaiupu itiiti na taia ai a’u e pei o se uila. O le soofaatasi o lagona tatou te maua ai le mana o le Atua. O lenei lalolagi e le o le mea lea ou te manao ia i ai. E tele mea ou te manao e faaosofia ma faaleleia atili. Ma o le mea moni, e tele naua mea faafeagai i mea ou te faamoemoe i ai, ma o nisi taimi ou te lagona ai le vaivai. Talu ai nei, sa ou fesili ai ia te au lava ni fesili sailiili: E mafai faapefea ona ou malamalama lelei i tagata o siomia au? E faapefea ona ou fatuina lena “soofaatasi o lagona” ae e matua eseese tagata uma? O le a le mana mai le Atua e mafai ona ou maua pe afai ou te soofaatasi teisi ma isi?

(Sharon Eubank, “O Le Soofaatasi o Lagona Tatou Te Maua Ai le Mana Mai le Atua,” Liahona, Nov. 2020, 55)

Vitio e uiga i le taua o le lotogatasi

“To Love Them All” (3:22), o loo maua i le ChurchofJesusChrist.org. Na saunoa Elder Patrick Kearon o le Au Peresitene o Fitugafulu e uiga i le faaaofia ma faauoga i le Ekalesia.

3:22
To Love Them All
Elder Patrick Kearon speaks on inclusion and friendship in the Church
“Till We All Come in the Unity of the Faith” (2:21), o loo maua i le ChurchofJesusChrist.org. Ua saunoa Brother Ahmad S. Corbitt o le Au Peresitene Aoao o Alii Talavou e uiga i le faatupulaia o ituaiga o tagata eseese o loo i ai i le Ekalesia.