Seminare
Roma 4–5

Roma 4–5

Faatuatua, Galuega, ma le Alofa Tunoa

Ata pue o le tagata e faatinoa ata tifaga o loo fai ma Iesu Keriso i Vitio o le Tusi Paia.

I lana tusi i tagatanuu o Roma, sa saili ai Paulo e fesoasoani i le Au Paia i Roma ia malamalama i le alofa tunoa o Keriso e ala i le aoao atu e uiga i le sootaga i le faatuatua ma galuega. O aoaoga a Paulo e mafai ona fesoasoani e faalolotoina ai lo tatou malamalama e uiga i le tatou manaomia o le faamagaloga ma le faaolataga e ala i le alofa tunoa o Iesu Keriso. O lenei lesona o le a fesoasoani ia te oe e faateleina ai lou malamalama ma le talisapaia o le alofa tunoa o Iesu Keriso.

O le a le mea o le a laveaia oe?

Manatu faapea ua e galala i le fiainu i se toafa ma o loo i ai se faguvai i le tumutumu o se mauga lata ane. O le a le taua o mea taitasi nei i lou faasaoina o oe lava?

Tusitusi i luga o se fasipepa i se peni po o se penitala. 1. Tusi le faamatalaga lenei ma tusi se ata e pei o lea i lau api faamaumau mo suesuega.

  1. O lou talitonuga e mafai e le vai ona laveaia oe

  2. O au taumafaiga ina ia e oo i le vai

  3. O le vai lava ia

O se atatusi tosi o se tamaloa fasilaau o loo tolotolo i le toafa e aumai se vai. O loo i ai le la ma le laautalatala i le ata

  • Aisea ua na o le vai ai lava o le a laveaia oe mai le oti i le fia inu?

  • Aisea ua le lava ai le talitonuga i le vai ma le taumafaiga ina ia maua ai le vai?

  • E faapefea ona galulue faatasi lou talitonuga, lau taumafaiga, ma le vai?

E mafai ona fesoasoani lenei ata faataitai e te malamalama ai i aoaoga a Paulo e uiga i le ala e fesootai ai le faatuatua, galuega, ma le alofa tunoa i le tauamiotonuina.

  • E faapefea ona e faamatalaina ia upu faatuatua, galuega, ma le alofa tunoa?

E ono fesoasoani le toe iloilo o uiga o nei upu o loo i le lesona o le Roma 2–3 po o le Taiala i Tusitusiga Paia (scriptures.ChurchofJesusChrist.org).

I ona po o Paulo, sa talitonu nisi o Kerisiano Iutaia sa faasaoina i latou i a latou galuega i le usitaia o le tulafono a Mose. Sa taumafai Paulo e faasa’o lenei le malamalama. Faitau le Faaliliuga a Iosefa Samita o le Roma 4:16 [i le Roma 4:16, vaefaamatalaga a].

  • O le a se mea o aoao mai e lenei fuaiupu e uiga i le ala e tauamiotonuina ai i tatou, pe faamagaloina ai a tatou agasala?

I le fuaiupu lenei, o loo aoao mai ai Paulo e tauamiotonuina i tatou e le faatuatua ma galuega e ala i le alofa tunoa o Iesu Keriso.

Tusitusi i luga o se fasipepa i se peni po o se penitala. 2. Faaigoa le ata na e tusia i le auala lenei ma tusi tali i fesili nei e lua o loo i lalo ifo o le ata:

Tusi upu nei faatuatua, galuega, ma le alofa tunoa i autafa o le fasifuaitau mai lau ata e fetaui i ai upu taitasi.

  • O a mea e mafai ona e aoaoina mai lenei tala faatatau e uiga i le faatuatua ma galuega?

  • O le a se mea e mafai ona e aoao mai le tala faatatau e uiga i le alofa tunoa o le Faaola?

O le malamalama atili ai e uiga i le alofa tunoa o Iesu Keriso

O le alofa tunoa o Iesu Keriso ua mafai ai ona tauamiotonuina i tatou, pe faamagaloina ai a tatou agasala, ma e faamanuiaina ai foi tatou i isi auala. E le gata ina saunia e Iesu Keriso le vai-ola, ae Na te faamalosia foi lo tatou faatuatua ma taumafaiga ina ia mafai ai ona tatou maua le vai. E mafai ona faamanuiaina i tatou i Lona alofa tunoa a o lei [galueaina le faatuatua], i le taimi lea, ma pe a uma ona faatino le faatuatua ia te Ia ma faia galuega lelei.

Sa aoao mai Peresitene Dieter F. Uchtdorf, a o avea ma uso o le Au Peresitene Sili:

O le ata aloaia o Elder Dieter F. Uchtdorf o le Korama o Aposetolo e Toasefululua, 2006. Na valaauina e avea ma Fesoasoani Lua i le Au Peresitene Sili, 3 Fepuari 2008. Na faia se ata aloaia i le 2008 e sui ai le ata na pueina i le 2004.

I o tatou olaga atoa, ua faaee mai ai e le alofa tunoa o le Atua faamanuiaga faaletino ma meaalofa faaleagaga ia e faalauteleina ai o tatou gafatia ma faatamaoaigaina ai o tatou olaga. O Lona alofa tunoa e faamamaina ai i tatou. E fesoasoani Lona alofa tunoa i a i tatou ia avea ai i tatou ma ni tagata silisili ona lelei.

(Dieter F. Uchtdorf, “O Le Meaalofa o le Alofa Tunoa,” Liahona, Me 2015, 108)

  • E mafai faapefea e le alofa tunoa o le Faaola ona fesoasoani e te avea ai ma ou tagata sili ona lelei?

Faitau fuaitau o mau nei ma vaavaai mo nisi faamanuiaga e fesootai ma le alofa tunoa o le Faaola.

  • O a faamanuiaga faaopoopo e mafai ona maua mai ia Iesu Keriso e ala i Lona alofa tunoa?

  • O anafea na e lagonaina ai le alofa tunoa o le Faaola i lou olaga?

  • E faapefea e lenei mea ona faatosina ou lagona agai i le Faaola?

O le valaauliaina o le alofa tunoa o le Faaola i lou olaga

Na tuuina mai e Peresitene Uchtdorf lenei malamalamaga e uiga i le ala e mafai ai ona sili atu lou mauaina atoa ai o le alofa tunoa o Iesu Keriso:

O le ata aloaia o Elder Dieter F. Uchtdorf o le Korama o Aposetolo e Toasefululua, 2006. Valaauina e avea ma Fesoasoani Lua i le Au Peresitene Sili, 3 Fepuari 2008. Na faia se ata aloaia i le 2008 e sui ai le ata na pueina i le 2004.

O le alofa tunoa o le meaalofa a le Atua, ma o lo tatou manao ina ia usiusitai i poloaiga taitasi a le Atua o le aapa atu lea o lo tatou lima faaletino e talia lenei meaalofa paia mai lo tatou Tama Faalelagi.

(Dieter F. Uchtdorf, “O Le Meaalofa o le Alofa Tunoa,” Liahona, Me 2015, 110)

Tusitusi i luga o se fasipepa i se peni po o se penitala. 3. Tali fesili nei i totonu o lau api faamaumau mo suesuega:

  • O a ni manatu ma ni lagona e oo mai ia te oe pe a e mafaufau e uiga i aafiaga o le alofa tunoa o Iesu Keriso i lou olaga?

  • O le a se mea e mafai ona e faia ina ia valaaulia atoatoa atili ai le alofa tunoa o Iesu Keriso i lou olaga?

Tuu i le faitalia: O e Manao e Aoao Atili?

E mafai faapefea ona tatou faailoa atu lo tatou manaomia o le alofa tunoa?

Sa fesili Peresitene Dieter F. Uchtdorf, a o avea ma sui o le Au Peresitene Sili, i fesili nei e uiga i lo tatou manaomia o le alofa tunoa:

O le ata aloaia o Elder Dieter F. Uchtdorf o le Korama o Aposetolo e Toasefululua, 2006. Na valaauina e avea ma Fesoasoani Lua i le Au Peresitene Sili, 3 Fepuari 2008. Na faia se ata aloaia i le 2008 e sui ai le ata na pueina i le 2004.

O tatou malamalama ea i lo tatou nofoaitalafu i le Tama Faalelagi ma aioi atu ma o tatou loto atoa mo le alofa tunoa o le Atua?

A tatou tootutuli e tatalo, pe ina ia toe tau atu vaega sili o lo tatou lava amiotonu, po o le ta’uta’u atu o tatou faaletonu, aioi atu mo le alofa mutimutivale o le Atua, ma maligi loimata o le loto faafetai mo le fuafuaga ofoofogia o le togiolaina?

(Dieter F. Uchtdorf, “O Le Meaalofa o le Alofa Tunoa,” Liahona, Me 2015, 109)

O le a se faataitaiga o le galueaina o le alofa tunoa i le olaga o se tagata?

O le vitio “Faith Journey: When Parents Get Divorced” (3:05), o loo maua i le ChurchofJesusChrist.org, o loo faamatala ai le aafiaga a se tamaitai na ia iloaina o le alofa tunoa o Iesu Keriso na fesoasoani ia te ia e tali atu ai i le tatalaga o le faaipoipoga a ona matua.

3:5

Faith Journey: When Parents Get Divorced

When Natalie’s parents were married, everything made sense. They were going to live together forever as a family. And then her parents got divorced, and Natalie’s testimony crumbled. She questioned everything about her religion.

Roma 4:16. Aisea na faaaoga ai Aperaamo o se faataitaiga o le tauamiotonuina?

Ina ia faasa’o le manatu faapea e na o i latou o e sa peritomeina ma sa tausia le tulafono a Mose e mafai ona faaolaina, sa aoao atu Paulo e faapea, sa maua e Aperaamo faamanuiaga a o le’i peritomeina o ia mo seneturi e tele a o lei tuuina mai le tulafono a Mose. Ona tumau ai pea lea o le faamaoni o Aperaamo ina ua uma ona osifeagaiga ma le Atua ma ua peritomeina. O lea la, sa mafai ai e Paulo ona faaali atu e le’i tauamiotonuina tagata taitoatasi e ala i le usiusitai i le tulafono a Mose ae e ala i le faatuatua ma i galuega e ala i le alofa tunoa o Iesu Keriso.

E faapefea ona fesootai le alofa tunoa o le Atua i le Pa’ū o Atamu?

I le Roma 5:12–21 na aoao mai ai Paulo e fesoasoani Iesu Keriso ia i tatou e faatoilalo aafiaga o le Pa’ū. Ona o le solitulafono a Atamu, na oo mai ai le agasala ma le oti i le lalolagi. Peitai, ona o “le mea e foaifuaina mai i le alofa tunoa, ua i le tagata e toatasi, o Iesu Keriso lea” (Roma 5:15), e mafai ai e tagata uma ona manumalo i aafiaga o le agasala ma le oti ma maua ai le ola e faavavau. O le faasinoga a Paulo i le Pa’ū e fesoasoani ia tatou malamalama ai i le mana e le gata o le alofa tunoa o le Faaola e manumalo ai i mea uma.