Roma 6

“Savavali i le Ola Toefuataiina”

O le gauai atu o i tatou lava i le Atua e le faigofie. Ae ua folafola mai e Iesu Keriso a tatou faatagaina o tatou tagata tuai ma le agasala ia faaumatia, o le a Ia tuuina mai ia i tatou le ola faafouina, ma suia o tatou natura faaletagata ia avea atili ai e faapei o Ia. Na aoao mai Paulo e faapea e ala i le sauniga o le papatisoga, e mafai ai ona tatou maua le mana liua o le Faaola e fesoasoani ai ia i tatou e “savavali i le ola toefuataiina” ( Roma 6:4). O lenei lesona e mafai ona fesoasoani ia te oe e saili ai le suiga e ala ia Iesu Keriso ma iloa lelei ai le taimi e tutupu ai na suiga.

• O le a se mea o e manatuaina e uiga i lou papatisoga?

• Ua faapefea ona e suia faaleagaga talu ona e papatiso?

Faaalu sina taimi e mafaufau loloto ai i lou alualu i luma faaleagaga. Atonu e te fesili ia te oe lava i fesili e pei o le “Pe o alualu ea i luma lo’u faatuatua ma le sootaga ma le Tama Faalelagi ma Iesu Keriso?” po o le “E faapefea e mea ua ou aoaoina e uiga i lo’u Faaola ona aafia ai o’u uiga ma amioga?” A o e suesueina le Roma 6, mafaufau loloto pe ua avea atili oe e pei o le Faaola ma pe mafai faapefea ona Ia fesoasoani ia te oe ia faaauau pea ona tuputupu ae ma avea atili e faapei o Ia.

O le papatisoga e ala i le faatofuina e faatusa lea i le maliu ma le toetu

O le aoaoina pe faapefea ona iloa ma malamalama i faatusa i tusitusiga paia o se tomai aoga. Sa faaaoga e Paulo le faatusa o le papatisoga e ala i le faatofuina e fesoasoani ai i le Au Paia i Roma ia malamalama e tatau ona tatou lafoai o tatou olaga tuai ma le agasala ina ia mafai ai e Iesu Keriso ona suia i tatou ma tuuina mai ia i tatou le ola faafouina e ala i Lana Togiola.

Faitau le Roma 6:3–8, ma vaavaai mo faatusa e mafai ona aoao atili ai oe e uiga i le Faaola. Atonu e fesoasoani le iloa o le Faaliliuga a Iosefa Samita o le fuaiupu e 7 ua faitauina “Aua o le ua oti i le agasala ua faasaolotoina mai le agasala” (i le Roma 6:7, vaefaamatalagaa).

• E tusa ai ma le Roma 6:3–8o le a le mea e faatusa i ai mo i tatou le alu ifo i totonu, o le tanumia i lalo, ma le alu ae mai le vai o le papatisoga?

Na aoao mai Peresitene Russell M. Nelson:

O sauniga taua o le talalelei e faatusa i le Togiola. O le papatisoga e ala i le faatofuina o se faatusa lea o le maliu, tanumia, ma le Toetu o le Faaola.

(Russell M. Nelson, “The Atonement,” Ensign, Nov. 1996, 35)

• E faapefea ona e aoteleina le Roma 6:4 o se faamatalaga o le upumoni?

O se tasi lea o auala e aotele ai le Roma 6:4: E ala ia Iesu Keriso, e mafai ai ona suia i tatou ma “savavali i le ola toefuataiina.”

• O le a sou manatu i le uiga o le “savali i le ola toefuataiina”? (Roma 6:4).

• O anafea na e lagonaina ai e faapea e ala i le Faaola na mafai ai ona e savali i le ola toefuataiina?

• Aisea e te manatu ai e finagalo le Tama Faalelagi ma Iesu Keriso ia tatou savavali i le ola toefuataiina?

E pei ona tusia i fuaiupu 5–6, na aoao mai Paulo e faapea e, ala i le feagaiga ma le sauniga o le papatisoga, “o lo tatou tagata tuai” po o le “tino o le agasala” ua “faasatauroina faatasi ma [Iesu Keriso]” ma “faaumatia, ina ia le toe faapologaina i tatou i le agasala.”

Faaaoga sina taimi e mafaufau loloto ai i agasala po o vaivaiga o loo e tauivi ai ma ua e manao e aveeseina mai lou olaga. O le a e toe asia nei mafaufauga i se taimi mulimuli ane o le lesona.

O a suiga e mafai ona ou faia?

• O a ituaiga o suiga e te manatu e faigofie ona fai? O lē fea o suiga e faigata?

Sa faaaoga e Paulo le faataitaiga o le faatoilaloina e le Faaola o le maliu ma le agasala e aoao mai ai e mafai foi ona tatou faatoilaloina a tatou agasala e ala ia te Ia. Faitau le Roma 6:9–14, ma vaavaai pe na faapefea ona faamatala e Paulo le maliu ma le Toetu o Keriso i le ala e mafai ai ona tatou faatoilaloina le agasala.

1. O fesili nei e mafai ona fesoasoani e te malamalama ai i nei fuaiupu. Tali se lua pe sili atu o fesili i totonu o lau api faamaumau mo suesuega:

• E pei lava ona “tasi [Iesu Keriso] maliu i la le agasala” (fuaiupu 10, e na o le faatasi ona papatisoina i tatou mo se faamagaloga o a tatou agasala. Peitai, o vaiaso taitasi e mafai ona tatou faafouina ai la tatou tautinoga e “savavali i le ola toefuataiina” (fuaiupu 4, e ala i le aai ma feinu i le faamanatuga. E faapefea ona fesoasoani lenei sauniga faalevaiaso ia te oe e faaali atu ai lou alofa mo le Tama Faalelagi ma Iesu Keriso?

• O le a sou manatu o le a le uiga o le tala a Paulo “ia faapea foi la outou taofi, ua outou oti i la le agasala, a ua outou ola lava i la le Atua i lo tatou Alii o Keriso Iesu”? (Fuaiupufuaiupu 11).

• Aisea e ono filifili ai se tagata talavou e mulimuli i le fautuaga a Paulo o loo tusia i le fuaiupu 12? O a faamanuiaga e oo mai i le ola ai i lenei ala?

• O le upu tino i le fuaiupu 13 e faasino i vaega o o tatou tino. E mafai faapefea ona e faaaogaina ou lima, vae, ulu, ma le fatu “e fai ma auupega a le amiotonu i le Atua”? (fuaiupu 13).

• O le Faaliliuga a Iosefa Samita o le vaega muamua o le fuaiupu 14 e faitauina faapea, “Aua o le faia o lea agasala o le a leai ai se pule i luga o outou” (i le Roma 6:14, vaefaamatalaga a). E faapefea e le mulimuli i aoaoga o loo tusia i fuaiupu 11–13 ona faia le folafolaga o loo tuuina mai i le fuaiupu 14 ma se mea e mafai ona tatou mauaina?

E mafai ona faasaolotoina oe mai le agasala

Faitau le Roma 6:16–18, 22–23, ma vaavaai mo faamanuiaga o le savavali i le ola toefuataiina.

2. Tali fesili nei i totonu o lau api faamaumau mo suesuega:

• Na faapefea ona faamatala e Paulo ia faamanuiaga o le savali i le ola toefuataiina?

• A o faaauau pea ona e taumafai e faatoilalo le agasala e ala ia Keriso, o le a sou manatu pe faapeī foliga ma lagona o le ola toefuataiina ia Iesu Keriso?

• O le a se mea e mafai ona e faia e savali ai i le ola toefuataiina e amata atu i le asō?

Tuu i le faitalia: O e Manao e Aoao Atili?

O a nisi o auala e mafai ona ou suia ai?

Na aoao mai Sister Becky Craven, sa avea ma Fesoasoani Lua i le Au Peresitene Aoao o Tamaitai Talavou:

Keep the Change

Sister Craven teaches that through Jesus Christ, we can make lasting changes and become more like Him.

O le taui mo Lona totogi e lē mafaatauina mo i tatou taitoatasi, ua talosagaina i tatou e le Alii mo se suiga o le loto. O le suiga ua Ia talosagaina mai ia i tatou ua lē mo Lona manuia, ae mo lo tatou manuia. …

Ina ua uma ona faalogo atu i upu a le Tupu o Peniamina, sa alalaga lona nuu, ma tautino atu ua suia o latou loto ma faapea atu, “Ona o le Agaga o le Alii Mamana Aoao, lea ua ia faia se liuga tele i totonu o i matou, … ua le toe i ai so matou manao e fai mea leaga, ae ia faia mea lelei e le aunoa” [Mosaea 5:2]. E le o faapea mai le mau na atoatoa ai loa lava i latou; ae, o lo latou naunau ia suia na faamalosia ai i latou e faatino. O le liua o o latou loto, o lona uiga o le tuuese lea o le alii po o le tamaitai natura ma gauai atu i le Agaga a o taumafai malosi ia avea atili e faapei o Iesu Keriso.

(Becky Craven, “Tuu Ma Oe le Sui,” Liahona, Nov. 2020, 58)