Zotërimi Doktrinor: Mateu 5:14–16

“Ashtu Le të Shndritë Drita Juaj para Njerëzve”

A young adult Asian woman looking forward and upward.

Shpëtimtari i udhëzoi dishepujt e Tij që të jenë një shembull për të tjerët duke e ndjekur Atë. Ky mësim mund të të ndihmojë t’i përdorësh parimet e marrjes së njohurisë shpirtërore për të qenë një shembull për të tjerët dhe për t’u afruar më shumë me Shpëtimtarin.

Shqyrtimi i parimeve të marrjes së njohurisë shpirtërore. Shqyrtojini rregullisht me nxënësit tri parimet e marrjes së njohurisë shpirtërore: veproni me besim, shqyrtojini konceptet dhe pyetjet me një këndvështrim të përjetshëm dhe kërkoni kuptueshmëri të mëtejshme nëpërmjet burimeve të caktuara në mënyrë hyjnore. Në këtë mësim, shqyrtimi i këtyre parimeve do t’u mundësojë nxënësve t’i zbatojnë ato gjatë praktikimit të ushtrimit për vënien në zbatim.

Përgatitja e nxënësve: Ftojini nxënësit të mendojnë për dikë në jetën e tyre që është një shembull i mirë për ta. Pastaj vërini të marrin parasysh për ta telefonuar këtë person ose t’i shkruajnë një pusullë për t’u shprehur mirënjohjen e tyre.

Veprimtari të Mundshme të të Mësuarit

Mëso përmendsh dhe shpjego

Jepuni një mundësi nxënësve që t’i mësojnë përmendsh referencën dhe frazën kyç të shkrimit të shenjtë. Më poshtë është një shembull se si ta bëni këtë.

Lexo te Mateu 5:14–16 .

Vizato një ilustrim të frazës kyç të shkrimit të shenjtë “Ashtu le të shndritë drita juaj para njerëzve” dhe referencën e saj, Mateu 5:14–16 . Ndërsa vizaton, mendo për mënyra si ta përfshish referencën që të të ndihmojë ta mbash mend.

Ndërsa e vështron ilustrimin, përsërite disa herë referencën dhe frazën kyç të shkrimit të shenjtë. Pastaj hiqe vështrimin dhe përpiqu ta përsëritësh me aq sa mban mend referencën dhe frazën kyç të shkrimit të shenjtë.

Për veprimtarinë e mëposhtme, nxitini nxënësit të përdorin vizatimin e tyre për të shpjeguar të vërtetën në fragmentin e zotërimit doktrinor dhe jo vetëm për të folur për vetë vizatimin.

Tregoja vizatimin tënd një shoku ose një shoqe klase dhe shpjego se si ai e ilustron frazën kyç dhe referencën e zotërimit doktrinor.

Nëse është e mundur, merrni parasysh t’i varni disa nga ilustrimet nëpër klasë në mënyrë që mësuesi dhe nxënësit të mund t’iu referohen në mësimet e ardhshme ose në veprimtarinë e shqyrtimit.

Ushtroje vënien në zbatim

Në këtë ushtrim për vënien në zbatim ti do të përdorësh parimet e marrjes së njohurisë shpirtërore për të përcaktuar se si të jesh një shembull për të tjerët dhe t’i ftosh që të afrohen më shumë me Shpëtimtarin.

Shqyrto paragrafët 5–12 të pjesës “Marrja e Njohurisë Shpirtërore” të materialit Dokumenti Bazë i Zotërimit Doktrinor (2022).

Idetë për mënyrën se si mund të përdoret materiali filmik gjenden te “Veprimtari Plotësuese të të Mësuarit”.

Lexoje skenarin vijues dhe mendo se si mund të përgjigjeshe po të ishe në vendin e Raulit.

Rauli, një prift i saposhuguruar, është me një grup miqsh kur disa prej tyre fillojnë të tregojnë shaka të pista dhe të flasin vrazhdë për dikë që Rauli e njeh. Rauli nuk ndihet rehat dhe e di se ajo që ata po bëjnë është e gabuar. Ndërsa pyet veten se çfarë të bëjë, shoku i tij Xhesi, që është anëtar i një feje tjetër dhe të cilin Rauli e admiron vërtet, kthehet nga Rauli dhe i thotë: “Ej, pse dukesh kaq serioz?”

Merre parasysh secilin prej parimeve të marrjes së njohurisë shpirtërore për të të ndihmuar të formulosh një përgjigje.

Merreni parasysh t’i ftoni nxënësit të punojnë me një shok ose shoqe klase apo në grupe të vogla. Mund të jetë e dobishme t’i shfaqni udhëzimet e mëposhtme për nxënësit.

Shqyrtoji konceptet dhe pyetjet me një këndvështrim të përjetshëm

Përzgjidh njërin nga njerëzit në skenar (Xhesin ose personin që po përqeshet).

Si mendon se ndihet Zoti për personin që përzgjodhe?
Si mund të ndikojë të parit e këtij personi ashtu siç e sheh Zoti në mënyrën se si i përgjigjet Rauli pyetjes së Xhesit?

Kërko kuptueshmëri të mëtejshme nëpërmjet burimeve të caktuara në mënyrë hyjnore

Si mund të jetë e dobishme për Raulin të kujtuarit dhe zbatimi i parimeve te Mateu 5:14–16 ?
Çfarë burimesh të tjera të caktuara në mënyrë hyjnore mendon se mund ta ndihmojnë Raulin?

Vepro me besim

Pse mund të jetë e vështirë për Raulin që të veprojë me besim në këtë situatë?
Çfarë rekomandon të bëjë Rauli për të vepruar me besim?

Ftoni disa nxënës që të japin përgjigjet e tyre. Merrni parasysh identifikimin dhe përgëzimin e nxënësve për parimet e marrjes së njohurisë shpirtërore që përmendin.

Mendo për një situatë të ngjashme me të Raulit me të cilën po përballesh tani ose mund të përballesh në të ardhmen.

Si mund të të ndihmojë ajo që mësove sot që të jesh një shembull për të tjerët?

Shqyrtimi

Ndihmojini nxënësit ta shqyrtojnë referencën dhe frazën kyç të shkrimit të shenjtë për Mateu 5:14–16 në një mësim të ardhshëm. Ja një shembull.

Referojuni figurës që vizatuat për vargjet te Mateu 5:14–16 . Ndërsa e vështroni atë, përsëriteni disa herë referencën dhe frazën kyç të shkrimit të shenjtë. Mundohuni ta përsëritni përmendsh me aq sa mbani mend.

Veprimtari Plotësuese të të Mësuarit

A young woman standing in a dark room holding a light bulb.