Սեմինարիա
Հայտնություն 2-3, Մաս 1

Հայտնություն 2-3, Մաս 1

«Ես գիտեմ քո գործերը»

PAINTING BY GREG Olson of Christ knocking on a door

Հիսուս Քրիստոսը գիտի յուրաքանչյուրիս: Նա լավ գիտի, թե մենք ինչ ենք անում, և Նա գիտի, թե ինչը կարող ենք ավելի լավ անել, որպեսզի ավելի նմանվենք Իրեն: Ասիայի յոթ եկեղեցիներից յուրաքանչյուրին ուղղված առանձին ուղերձներում Հովհաննեսն արձանագրել է Հիսուս Քրիստոսի ձայնը, որն ընդունում էր Սրբերի բարի գործերը և զգուշացնում նրանց այն բաների մասին, որոնք նրանք պետք է փոխեին: Այս դասը կարող է խրախուսել ձեզ լսել Փրկչի ձայնը, որն ընդունում է ձեր լավ գործերը և տալիս է ձեզ անհրաժեշտ ուղղումը:

Կենտրոնացեք ուսանողներին օգնելու վրա Դասի նախապատրաստման ընթացքում կենտրոնացեք ուսանողների վրա, այլ ոչ միայն դասի նյութի վրա: Հարցրեք «Ի՞նչ են անելու ուսանողներն այսօր դասարանում», կամ «Ինչպե՞ս կարող են ուսանողները բացահայտել ճշմարտություններ, որոնք նշանակալից կլինեն իրենց համար»:

Ուսանողի նախապատրաստում. Առաջարկեք ուսանողներին բացահայտել, թե, իրենց կարծիքով, իրենց կյանքի որ ոլորտներից Փրկիչը կարող է գոհ լինել: Որպես այս առաջարկության մաս՝ ուսանողները կարող են աղոթել և խնդրել Երկնային Հորը օգնել իրենց հասկանալ, թե որ ոլորտում են իրենք առաջադիմում: Նրանք նաև կարող են խնդրել իրենց ծնողներին օգնել իրենց:

Հնարավոր ուսումնական վարժություններ

Նկատի ունեցեք, որ Հովհաննեսի ուղերձները ներառում են նաև Փրկչի խոստումները նրանց, ովքեր հաղթահարում են մահկանացու կյանքի փորձություններն ու մարտահրավերները: Սրան ավելի մանրամասն կանդրադառնանք հաջորդ դասին:

Լսեք Փրկչի ձայնը

Ցուցադրեք Հիսուսի պատկերը, որը թակում է դուռը՝ մինչ ուսանողները մտածում են հետևյալ հարցի շուրջ։

Jesus Christ depicted knocking on a door. Christ is portrayed wearing red and white robes. The painting illustrates the concept of Christ “knocking on the door,” as described in scripture. There is no doorknob depicted in the painting, symbolizing that the door must be opened from within.

  • Ի՞նչ զգացումներ կունենայիք, եթե լսեիք ձեր տան դռան թակոցը և հասկանայիք, որ դա Փրկիչն է։ Ինչո՞ւ։

Լաոդիկիայի (որտեղ հաստատվել էր Ասիայի յոթ եկեղեցիներից մեկը, որոնց գրում էր Հովհաննեսը, տես Հայտնություն 1.11) Եկեղեցու անդամներին ուղղված իր ուղերձում Հովհաննեսը եզրափակեց իր ուղերձը Հիսուս Քրիստոսի հրավերով:

Կարդացեք Հայտնություն 3․20 -ը և բացահայտեք Փրկչի հրավերը:

Ժամանակ հատկացրեք՝ օգնելով ուսանողներին հասկանալ դռան մոտ կանգնած Հիսուսի խորհրդանիշը: Կարող եք քննարկել, թե ինչ է նշանակում, որ Նա թակում է դուռը, գալիս է և ճաշում է մեզ հետ՝ մեր օրերում: Օրինակ, երբ մենք հրավիրում ենք Փրկչին մեր կյանք, Նա կարող է ուժ, սնունդ և սփոփանք պարգևել մեր հոգիներին:

  • Ձեր կարծիքով, ո՞րն է Հայտնություն 3.20 հատվածի խորհրդանշական իմաստը:

  • Ձեր կարծիքով, ինչո՞ւ է Փրկիչը թակում դուռը՝ ուղղակի ներս մտնելու փոխարեն:

  • Ինչպե՞ս կարող եք բացել դուռը Հիսուս Քրիստոսի համար, որպեսզի ավելի լավ լսեք Նրա ձայնը:

  • Ի՞նչ եք արել վերջերս Նրա ձայնը լսելու և դուռը բացելու համար:

Թեև Հովհաննեսը սուրհանդակն է, Հիսուսը յոթ եկեղեցիներին ուղղված ուղերձների ձայնն է: Հայտնություն 2–3 գլուխների ուղերձներն ուսումնասիրելիս լսեք Հիսուս Քրիստոսի՝ ձեզ ուղղված ձայնը: Մտածեք, թե ինչպես կարող եք բացել դուռը, որպեսզի Փրկիչը լինի ձեզ հետ և զորացնի ձեզ:Թեև յոթ ուղերձներից յուրաքանչյուրը եզակի է, կան նաև որոշ նմանություններ:

Ուսանողները հնարավորություն կունենան ավելի մանրամասն ուսումնասիրել այս հատվածները դասի ընթացքում: Այս վարժության համար պարզապես առաջարկեք նրանց բացահայտել և քննարկել «Ես գիտեմ քո գործերը» կրկնվող արտահայտության նշանակությունը:

Փնտրեք և նշեք «Ես գիտեմ քո գործերը» կրկնվող արտահայտությունը Հայտնություն 2.2, 9, 13, 19 , 3.1, 8, 15 հատվածներում։ Այս հատվածներում Հովհաննեսը արձանագրում է Հիսուս Քրիստոսի ձայնը, որը նաև ներկայացնում է Երկնային Հոր կամքը:

  • Ինչո՞ւ է կարևոր հասկանալ, որ Երկնային Հայրը և Հիսուս Քրիստոսը «գիտեն [ձեր] գործերը»:

Հայտնություն 2–3-ում մենք կգտնենք հետևյալ ճշմարտությունը․ քանի որ Երկնային Հայրը և Հիսուս Քրիստոսը գիտեն մեզանից յուրաքանչյուրին, Նրանք կարող են ընդունել մեր լավ գործերը և զգուշացնել մեզ անհրաժեշտ փոփոխությունների մասին։ Փնտրեք այս ճշմարտության ապացույցը, երբ ուսումնասիրեք յոթ եկեղեցիների խորհուրդը:

Յոթ եկեղեցիների խորհուրդը

Ցուցադրեք հետևյալ քարտեզը և հղումները: Կարող եք դասարանով ուսումնասիրել յոթ եկեղեցիներից մեկը, որպեսզի օրինակով ցույց տաք, թե ինչպես պատասխանել այն հարցերին, որոնք հաջորդում են հղումներին: Այնուհետև մնացած եկեղեցիները կարող եք բաժանել դասարանի անդամների միջև: Առաջարկեք ուսանողներին ուսումնասիրել հատվածները և պատասխանել հարցերին ինքնուրույն կամ փոքր խմբերով: Զրուցեք ուսանողների հետ, երբ նրանք ուսումնասիրում են, և անհրաժեշտության դեպքում օգնություն ցուցաբերեք:

Հետևյալ հղումներում և «Բացատրական և պատմական տեղեկություններ» բաժնում առկա տեղեկությունները կարող են օգնել ուսանողներին հասկանալ դժվար բառերն ու արտահայտությունները:

Map of the Mediterranean.

Նայեք յոթ եկեղեցիների քարտեզին և ընտրեք առնվազն երկու եկեղեցի ուսումնասիրելու համար: Գտեք բարի գործերը, որոնք Հիսուս Քրիստոսը ընդունում է որոշ եկեղեցիներում և ուղղումը, որը Նա տալիս է յուրաքանչյուր եկեղեցուն:

  1. Եփեսոս. ( Հայտնություն 2.1–7), նիկոլայականները կրոնական խումբ էին, որոնք պնդում էին, որ կարող են սեռական բնույթի մեղք գործել և չպատժվել, քանի որ Աստծո շնորհը կփրկի իրենց:

  2. Զմյուռնիա ( Հայտնություն 2․8-11)

  3. Պերգամոս ( Հայտնություն 2․12–17)․ Բաղաամի վարդապետությունը վերաբերում է Աստծո պատվիրանները խախտելուն՝ աշխարհիկ ցանկությունները բավարարելու կամ մարդկային պատվախնդրությանը տուրք տալու համար (տես Բ Պետրոս 2.15)։ Նկատի առեք վերը նշված նիկոլայականների սահմանումը:

  4. Թյատիրա ( Հայտնություն 2․18–29)

  5. Սարդիս ( Հայտնություն 3․1-6)

  6. Ֆիլադելֆիա ( Հայտնություն 3.7–13): Այս ուղերձը ընդունում է միայն լավ գործերը:

  7. Լաոդիկիա ( Հայտնություն 3․14-22) Այս ուղերձը միայն ուղղում է անկատար գործերը: Նկատի առեք, որ լինել գաղջ նշանակում է լիովին հավատարիմ չլինել Հիսուս Քրիստոսի ավետարանին:

  • Ի՞նչ լավ գործեր ընդունեց Հիսուս Քրիստոսը: Ինչպե՞ս եք դուք տեսել նմանատիպ լավ գործեր Եկեղեցու անդամների կողմից մեր օրերում:

  • Ի՞նչ ուղղում կամ խորհուրդ տվեց Հիսուսը ձեր ընտրած եկեղեցուն: Ինչո՞ւ է սա նաև լավ խորհուրդ Եկեղեցու համար այսօր:

Բավարար ժամանակ անց հրավիրեք ուսանողներին դասարանի հետ կիսվել իրենց սովորածով։ Կարող եք գրատախտակին կազմել լավ գործերի և անհրաժեշտ ուղղումների ցուցակ: Երբ քննարկվում է հաջորդ հարցը, ուսանողներին կարող են առաջարկել կիսվել նախապատրաստական վարժության հետ կապված իրենց փորձով:

  • Ինչո՞ւ միայն Հիսուս Քրիստոսը կարող է իմանալ, թե մենք որտեղ ենք առաջադիմում և ինչպես պետք է բարելավվենք:

Խորհուրդ ձեր սեփական կյանքի համար

Նախագահ Թոմաս Ս. Մոնսոնը (1927–2018) խրախուսել է մեզ բացել դուռը և թույլ տալ Փրկչին մտնել մեր կյանք: Կարդացեք հետևյալ հայտարարությունը կամ դիտեք «Միսիս Փեթոն. պատմությունը շարունակվում է» տեսանյութը՝ 15․08-15:56, որը հասանելի է ChurchofJesusChrist.org կայքում։

2:3
Official portrait of President Thomas S. Monson, 2008.

Իմ հոգու ողջ ուժով ես վկայում եմ, որ մեր Երկնային Հայրը սիրում է մեզանից յուրաքանչյուրին: Նա լսում է խոնարհ սրտերի աղոթքները. Նա լսում է մեր օգնության կանչերը: … Նրա Որդին՝ մեր Փրկիչն ու Քավիչը, այսօր խոսում է մեզանից յուրաքանչյուրի հետ. «Ահա ես դռան առաջ կանգնած եմ ու բախում եմ. եթե մեկն իմ ձայնը լսի և դուռը բացի, նրա մոտ կմտնեմ»: ( Հայտնություն 3:20):

Արդյոք մենք կլսե՞նք այդ թակոցը։ Արդյոք մենք կլսե՞նք այդ ձայնը։ Արդյոք մենք կբացե՞նք այդ դուռը Տիրոջ առաջ, որպեսզի կարողանանք ստանալ այն օգնությունը, որը Նա այնքան պատրաստ է տրամադրել: Ես աղոթում եմ, որ մենք անենք դա։

(Թոմաս Ս. Մոնսոն, «Միսիս Փեթոն. պատմությունը շարունակվում է», Ensign կամ Լիահոնա, նոյեմբեր 2007, 24)

Նորից նայեք նկարին, որտեղ Հիսուսը թակում է դուռը, և խորհեք ձեր սովորածի շուրջ:

Կարող եք ուսանողներին ժամանակ տալ խորհելու հետևյալ հարցերի շուրջ և պատասխանելու դրանց իրենց օրագրում։

  • Ի՞նչ եք կարծում, Փրկիչն ինչո՞ւ է ցանկանում, որ դուք իմանաք, որ առաջադիմում եք:

  • Ի՞նչը կարող է Փրկիչը խրախուսել ձեզ փոխել ձեր կյանքում

Բացատրական և պատմական տեղեկություններ

Ի՞նչ է Հայտնություն 2․4 -ում նշված որպես «նախկին սերը»

Եփեսոսի Սրբերը պատժվում էին Աստծուն սիրելու պատվիրանն անտեսելու համար (տես Մատթեոս 22.37–38)։

Հայտնություն 2․9 ։ Ինչպե՞ս կարող ենք աղքատության մեջ ապրել և, այնուամենայնիվ, հարուստ լինել

Փրկիչը ընդունում էր Զմյուռնիայի Սրբերի հավատքը և վստահեցնում նրանց հավերժական հարստության մասին, որ խոստացել էր նրանց, ովքեր պահում են Իր պատվիրանները (տես նաև Հակոբոս 2․5 , Վարդապետություն և Ուխտեր 11․7)։

Հայտնություն 2․14 Ո՞վ էր Բաղաամը:

«Բաղաամը Հին Կտակարանի մարգարե էր, որի գործերը գրված են Թվոց 22–24 գլուխներում, 31․16 հատվածում։ Սկզբում նա, կարծես, հավատարիմ էր Տիրոջը և Նրա ժողովրդին և անընդհատ մերժում էր Իսրայելին անիծելու Բաղակի խնդրանքը։ Սակայն, ի վերջո, Բաղաամը տեղի տվեց Բաղակի բազմաթիվ խնդրանքներին և ուսուցանեց Բաղակին, թե ինչպես Իսրայելի բանակը թուլացնել սեռական մեղքի և կռապաշտության միջոցով (տես Թվոց 25․1–5 , 31․13–16)։ Ծրագիրն այն էր, որ մովաբացի կանայք պետք է գայթակղեին իսրայելացի տղամարդկանց և համոզեին նրանց զոհ մատուցել հեթանոս աստվածներին՝ այդպիսով հոգևորապես ոչնչացնելով նրանց» (New Testament Student Manual [2014], 534)։

Հայտնություն 3․14 Ինչո՞ւ են Հիսուսին կոչում «Ամեն»

«Ամեն» բառը եբրայերենից և հունարենից թարգմանաբար նշանակում է իսկապես, ստույգ, հավատարմորեն։ Հայտնություն 3․14 -ում Քրիստոսի հավատարմությունն ու ճշմարտացիությունը որպես մեծ «Ամեն» ներկայացված է՝ ի հակադրումն Լավոդիկիացիների գաղջ վերաբերմունքի (տես նաև Հայտնություն 3․15–16 ]» (Նոր Կտակարանի Ուսանողի Ձեռնարկ [2014], 536)։

Ինչպե՞ս կարող եմ հրավիրել Աստծուն ինձ հետ կիսել Իր հավանությունն ու ուղղումը

Առաջին Նախագահությունից նախագահ Հենրի Բ. Այրինգը ուսուցանել է.

Official Portrait of President Henry B. Eyring taken March 2018.

Մինչ դուք քննում եք ձեր կյանքը հաղորդության արարողության ընթացքում, հուսով եմ ձեր մտքերը կենտրոնանում են ոչ միայն այն ամենի վրա, ինչը դուք սխալ եք արել, այլև այն ամենի վրա, ինչը ճիշտ եք արել, պահեր, երբ դուք զգացել եք, որ Երկնային Հայրը և Փրկիչը գոհ են եղել ձեզանից։ Դուք նույնիսկ կարող եք ժամանակ տրամադրել և հաղորդության ժամին խնդրել Աստծուն, որ օգնի ձեզ տեսնել այդ բաները։ Եթե անեք դա, ես խոստանում եմ, որ դուք ինչ-որ բան կզգաք։ Դուք կզգաք, որ հույս ունեք։

(Հենրի Բ. Այրինգ, «Միշտ հիշում ենք Նրան», Ensign կամ Լիահոնա, մայիս 2018, 5)

Օժանդակ ուսումնական վարժություններ

Նախաբան Հիսուս Քրիստոսի մասին

Յոթ ուղերձներից յուրաքանչյուրը սկսվում է Հիսուս Քրիստոսի մասին նախաբանով: Հիշեցրեք ուսանողներին այն խորհրդանիշները, որ նրանք սովորել են Հայտնություն 1-ում: Առաջարկեք նրանց ուսումնասիրել յոթ եկեղեցիներից յուրաքանչյուրին ուղղված յուրաքանչյուր ուղերձի առաջին հատվածը՝ փնտրելով Հիսուս Քրիստոսի նկարագրությունը (տես Հայտնություն 2.1, 8, 12, 18 , 3.1, 7, 14): Այնուհետև առաջարկեք ուսանողներին դասարանի հետ կիսվել, թե ինչ են իրենք սովորում Փրկչի մասին յուրաքանչյուր նկարագրությունից:

Լիովին նվիրված լինել Հիսուս Քրիստոսին

Այն բանից հետո, երբ ուսանողները բացահայտեն, որ Լաոդիկիայի Սրբերը «գաղջ» էին (տես Հայտնություն 3.15–16), առաջարկեք նրանց մտածել, թե գաղջ լինելն ինչպես կարող է արտահայտվել ավետարանում: Առաջարկեք ուսանողներին խորհել հետևյալ հարցերի շուրջ. 1–10 սանդղակով ինչպե՞ս կգնահատեք Հիսուս Քրիստոսի հանդեպ ձեր նվիրվածությունը: Գաղջ լինելուց Խուսափելու համար ի՞նչ կարող եք անել, որպեսզի Փրկչի հանդեպ ձեր նվիրվածությունն ավելի շատ համընկնի ձեր հանդեպ Նրա նվիրվածության հետ:

Որպեսզի օգնեք ուսանողներին ավելին իմանալ լիովին նվիրված լինելու մասին, դիտեք «Փրկչի ճշմարիտ աշակերտները» տեսանյութը՝ 2:22-4:37, որը հասանելի է ChurchofJesusChrist.org կայքում: Բացատրեք, որ Ավստրալիայում «fair dinkum» («անկեղծ», «իրական») արտահայտությունը նշանակում է լինել լիովին նվիրված կամ անկասկած անկեղծ՝ ի հակադրություն գաղջ լինելուն: Առաջարկեք ուսանողներին նմանություններ փնտրել Երեց Վինսոնի պատմությունների և Հիսուս Քրիստոսի ավետարանին նվիրված լինելու միջև:

2:3