“Iango ibukin te Rikirake n Aroaron nako te Maiu,” Rikirakem I bon Iroum: Te Boki ni Kairi ibukiia Ataei (2019)
“Iango ibukin te Rikirake n Aroaron nako te Maiu,” Rikirakem I bon Iroum: Te Boki ni Kairi ibukiia Ataei
Iango ibukin te Rikirake n Aroaron nako te Maiu
Iteraniba aika imwiina iai iango iai ibukin arom are ko kona n iriira iai te Tia Kamaiu ao n rikirake n aroaro nako inanon maium. Ko kona n aki kabonganai aikai—iango aika a tamaroa riki bon mai iroum! Tataroakinna bwa tera ae kona mwakuri iaona ngkai.
Ko kona ni karekei iango riki n ChildrenandYouth.ChurchofJesusChrist.org.
Iango ibukin te Rikirake n te Maiu n Tamnei
Tera Nako Am Iango?
Wareka Ana Boki Moomon ni Katoa Bong
Karaoia bwa anuam te wareware ni katoabong, riki ngkana tii tabeua te kibu.
Katauraoiko n nakon te tembora
Reiakinna ao maiuakina “Kainibaire n Au Euangkerio” (iteraniba 63), ao kaoia tabeman bwa a na karaoa naba anne.
Reiakina Taekan Te Onimaki
Kamatenanoa Taekan Te Onimaki (iteraniba 62), ao reiakinna bwa tera nanona.
Katamaroa Am Tataro
Imwain ae kona tataro, iangoa te bwai ae ko rang kakaitau ibukina ao te bwai are ko kainnanoa te ibuobuoki iaona.
Karabwa Tamara are i Karawa ibukin Am Kakabwaia
Korei teniua bwaai aika ko kakaitau ibukina. Kataia korei teniua bwaai aika a boou aika ko kakaitau ibukiia.
Kawakina te Bong ae te Tabati n Tabuia
Bairea te bwai ae kona waakina karaoana ke ni katoka karaoana ni karika te Tabati bwa te bong ae onoti.
Buoka Temanna
Taratarai kawai bwa ko na buoka temanna n am utu, n te reirei, ke n te umwantabu.
Karaoa Rongorongon te Utu
Korea te reta nakoia tibum, ai tinam, ke ai tamam. Tuangiia bwa a na karakina rongorongoia ngke a kairake n rorom.
Tibwa te Euangkerio
Maroroakina taekan te euangkerio nakon raoraom. Kaoa raoraom nakon te taromauri ke te waaki ni kakukurei.
Reirei te Euangkerio
Karakina karakinan koroboki aika a tabu are ko tatangiria nakoia am utu. Karaoa te kaotioti iaona ke korei tamnei ake a na buokiko n anga reirei.
Anenea kunan te Moanrinan
Anene ma kain te utu. Nooria bwa e kanga aron am namakin n te ongora ni katangtang aika raraoi.
Iango ibukin te Rikirake ni Boibuako
Tera Nako Am Iango?
Reiakina taekan te Utu
Wareka “Te Utu: Te Katanoata nakon te Aonaaba,” ao taetae nakoia am karo iaon te bwai are ko reiakinna.
Kaota te Tangira nakoia Am Utu
Karaoa te bwai ae tamaroa nakoia kain am utu.
N raonaki ma tabeman riki
Kakaai kawai are ko na kabanea iai am tai ma ke ni buoka temanna are e namakinna bwa e kitanaki ke are e kainnanoa am iraorao.
Reiakin Katei Ake Tabeua
Wareki taekan katei tabeua, taetae ma aomata man aba tabeua, ke kaea te bukamaru n te katei are e kaan ma ngkoe.
Buokiia Kaain Rarikim
Ma am karo ke am tia kairiiri, karaoa te bwai teuana n am komiuniti ni buokiia aomata ake a kainnano.
Reireiniko ni Kabwarabure ao ni Kabwarai aia bure raom
Karaoa te kaotioti iroun temanna are e riai ni kabwarabure ke ni kabwarai aia bure raona. Kataneiaiko bwa ko na kanga n tibwa am namakin ao ni kaeka.
Reiakina Aroia kaain Am Komiuniti
Kawara te aobiti ni bureitiman, tabo n tiriai, ke tabo n ibuobuoki tabeua n te komiuniti. Reiakina te bwai ae a karaoia, ao karabwaia ibukin aia mwakuri.
Karekea Raoraom ae Boou
Kabwarabwarako nakon temanna ae e boou, ao kaoa te aomata anne bwa e na takakaro ma ngkoe.
Taekini Taeka Aika Raraoi
Kataneiako kabonganai tii taeka aika a kakukureia temanna, tiaki ae kananokawaki. Taekina te bwai ae ko kona n taekinna ngkana e aki raoiroi ana taeka temanna nakoim.
Taona Nanom
Kataneiaiko ni taona nanom ngkana koa un. Te katoto, ikerake, wareware nakon 10, ke iangoia bwa ko mena n te tabo ae ko tatangiria.
Butimwaiia Tabeman
Kaotiko nakon temanna ae e boou n am reirei, kain rarikim, ke uoote ke te mwaanga. Buoka te aomata aei ni kaitibo ma aomata tabeman.
Iango ibukin te Rikirake n te Maiu n Rabwata
Tera Nako Am Iango?
Reireiniko ni Kuuka
Ibuobuoki ni katauraoa te amwarake ae kamarurung ke te tinaeki. Tibwaia ma am utu ke raoraom.
Kakorakora Rabwatam
Karaoa te bwai teuana n tainako ni kamwainga rabwatam, n aron te takakaro, mwaie, kamarurung, ke te takakaro i tinaniku.
Kaota te Karinerine nakon Rabwatam
Kateimatoa itiakin rabwatam ni katoabong. Tebotebo n tainako. Buratina wiim ao kakaraoa iram ni katoabong.
Tararua Mweengam
Karaoa te bwai teuana ni buoka karikan mweengam bwa e na tamaroa, n aron te kaitiaki, katamaroa, ke mwakuri i tinanikun mweengam.
Tararuai Raoi Am Bwai
Tuangiia am karo bwa a na reireiniko aron karaoan ke tararuaan am bwai ake ko kabonganai.
Reiakina te Konabwai ni Korotamnei ae Boou
Koreia, beenia, ke korea tinanikun te tamnei, ao angan temanna ae ko tangiria.
Reiakina te Konabwai n te Katangitang ae Boou
Reiakina aron anenean te kuna, katanga te bwai ni katangtang, ke orea tain te anene. Anganano n tibwa am konabwai n te kainutu n te tairiki ke te waaki ni kakukurei teuana.
Ongeaba nakon Tuan te Mauri
Wareka Reirei ao Berita aika Tabu 89 n nooria bwa tera ana berita Tamara arei Karawa ngkana ko kawakina Tuan te Mauri. Baireia bwa ko na kanga ni maiuakinna ni katamaroa riki.
Kakukureiko n Am Tai i Tinaniku
Nako rianna ke tamwatamwa ma am utu ke raoraom n noora te aonaaba ae katobibiko.
Tibwaua Am Tarena
Tibwaua am tarena ma temanna ae e tiku ni maroa.
Katauraoi ibukin Bwaai aika a Karina
Karaoa te babaire ma am karo ke taan kairiiri n te bwai ae e na karaoaki n te tai ae karina.
Iango ibukin te Rikirake n Niniwana
Tera Nako Am Iango?
Reiakina taekan te Kabwianibwai
Reiakinna bwa bukin tera e kakaawaki kabwakaan te kabwianibwai. Anga tebwina te batienti man am karekemwane nakon te Uea.
Kaikirakea Am Konabwai n te Wareware
Wareka te boki n te bwai ae boou, ke wareka te boki ae abwabwaki riki nakon are ko taneiai ni wawarekia.
Reireiniko Arom ni Kamano iaon te Intanete
Korei rinanin tuua n am utu ibukin kabonganaan te intanete ke tain apps.
Reiakina te Bwai ae Boou
Rinea te bwai ae ko nano iai, ao reiakini bwaai ni kabane ake ko kona n reiakinaki mai iai.
Irii ke Mataku ni Kamataku n te Katei
Kawara te miutiam ke te kamataku n te katei n am aono. Maroro ma raoraom ke am utu iaon te bwai ae boou are ko reiakinna.
Reiakin taekan Mwakuri aika a Kakaokoro
Kawara temanna ae ko kina n aia mwakuri n reiakina te bwai are a karaoi ao aron mwakurin bwaai.
Reiakina taekaia Aomata aika Ko Mataiakiniia
Aio e kona n riki bwa te aomata are ko kina ke temanna man rimoa rimoa ke man koroboki aika a tabu. Baireia bwa ko na kanga n riki ni katotongiia.
Reiakina Aron Karaoan Rinerine aika Raoiroi
Rinerine ni kabane iai mwiia, ake bon bwaai aika a riki n tokin te bwai are ko karaoia. Korei rinanin rinerine tabeua ao mwiia.
Katamaroa Am Ururing
Kamatenanoa te kibu ae ko tatangiria, te boem, ke te anene.
Reiakina te Taetae ae Boou
Reiakinna n atonga mauri ao taeka aika a uarereke riki tabeua n taetae tabeua. Kataneiai ma temanna ae ana taetae anne, ngkana e kona.
Korea te Karaki
Korea rongorongon maium ke kaain te utu.