“Ngkoe Natin te Atua ae Moan te Kakaawaki,” Rikirakem I bon Iroum: Te Boki ni Kairi ibukiia Ataei (2019)
“Ngkoe Natin te Atua ae Moan te Kakaawaki,” Rikirakem I bon Iroum: Te Boki ni Kairi ibukiia Ataei
Ngkoe Natin te Atua ae Moan te Kakaawaki
Ko a tia ni maeka te taina ma Tamam are i Karawa, are e atai bwaai ni kabane ao e tangiriia aomata nako. E tangiria bwa kona riki n ai Arona! E anganiko rabwatam, am konabwai, ao bwaintangira n te maiu n tamnei. E tangiriko ao ni kabane Natina bwa kam na ataia ao ni karikirakei bwaintangira aikai. E anganiira te baire ni buokiira bwa ti na kukurei ao ni kakabwaiaia tabeman.
Ko roko nakon te aonaaba mai karawa. Bon ngkoe mwakoron te utu.
Ko berita bwa ko na iriira Iesu Kristo ngke ko bwabetitoaki ao ngkana ko anaa te toa.
Ngke ko a kamatoaaki, ko karekea ana bwaintangira te Tamnei ae Raoiroi bwa e na kairiko.
Ko kona ni karekea te kimwareirei ao te rau ngkana ko rineia ni maiu n aron maiun Iesu.
Ko kona ni kamatebwai ao n rikirake. Ko kona n tangira ao ni buokiia tabeman n aron ae e karaoia Iesu.
Tamara are i Karawa e kanakoa Natina, Iesu Kristo, bwa e na riki bwa te banna ni katotoo bwa kona konaa n raira nanom ao ni bitaki.
Ko kona ni karaoi berita aika a tabu n te tembora ake a na buokiko ni manga maeka ma Tamara are i Karawa.