Timoun yo ak Jèn yo

Ide pou Pwogresyon nan tout aspè nan lavi a

“Ide pou Pwogresyon nan tout aspè nan lavi a,” Devlopman Pèsonèl: Manyèl pou Timoun yo (2019)

“Ide pou Pwogresyon nan tout aspè nan lavi a,” Devlopman Pèsonèl: Manyèl pou Timoun yo

Ide pou Pwogresyon nan tout aspè nan lavi a

Paj sa yo gen ide sou fason w ka suiv Sovè a epi pwogrese nan tout aspè nan lavi ou. Ou pa oblije itilize sa yo—pi bon ide yo se gen dwa ide pa w yo! Priye sou sa w ka travay kounyeya.

Ou ka jwenn plis ide nan ChildrenandYouth.ChurchofJesusChrist.org.

Spirityèl , sosyal, fizik, ak entèlektyèl

Ide pou Devlopman Spirityèl

jèn k ap priye

jèn k ap li ekriti yo — Pran abitid pou w li chak jou, menmsi se sèlman kèk vèsè.

jèn ki nan tanp — Aprann “Prensip Levanjil Mwen yo” (paj 63) epi mete yo an pratik, epi envite lòt moun pou yo fè menm bagay la tou.

jèn k ap konte — Memorize Atik Lafwa yo (paj 62), epi aprann kisa yo vle di.

jèn k ap li — Anvan w priye, panse sou bagay ki fè w rekonesan ak sou bagay ou bezwen èd yo.

lis ou — Ekri twa bagay ki fè w rekonesan. Eseye ekri twa nouvo bagay chak jou.

fanmi ki deyò legliz la — Deside kisa w ka kòmanse fè oubyen sispann fè pou w ka fè Saba a vin yon jou espesyal.

jèn k ap netwaye — Chèche kèk fason pou ede yon moun nan fanmi ou, nan lekòl ou, oubyen nan legliz la.

Granparan — Ekri yon lèt voye bay yon granparan, yon matant oubyen yon tonton. Mande yo pou yo rakonte w istwa sou lè yo te gen laj ou.

moun k ap pale — Pale avèk yon zanmi sou levanjil la. Envite zanmi w lan al legliz oubyen nan yon aktivite.

lekti an fanmi — Anseye fanmi w ekriti w pi renmen an. Jwe yon wòl oubyen desine foto pou ede w anseye.

Jèn k ap jwe gita — Chante avèk yon manm fanmi ou. Note kijan w santi w lè w koute bon mizik.

Ide pou Devlopman Sosyal

jèn k ap priye

yon fanmi k ap mache ansanm — Li “Fanmi an: Yon Pwoklamasyon pou Mond lan,” epi pale avèk paran ou sou sa w te aprann.

Yon fanmi ki sou tab — Fè yon bon bagay pou moun nan fanmi ou.

jèn k ap mache — Chèche fason pou w pase tan avèk yon moun oubyen sèvi yon moun ki santi l poukont li oubyen ki bezwen amitye ou.

jèn avèk yon lama — Fè lekti sou lòt kilti, pale avèk moun ki soti nan lòt peyi, oubyen ale nan yon selebrasyon kiltirèl k ap fèt tou pre ou.

Jèn k ap plwaye rad — Avèk paran ou oubyen dirijan ou, fè yon bagay nan kominote w la pou w ede moun ki nan bezwen.

jèn ki blese — Jwe wòl sou kèk sitiyasyon kote yon moun bezwen mande eskiz oubyen padone. Pratike fason w dwe pataje santiman ou ak reponn.

jèn ki deyò yon tribinal — Vizite yon biwo lapolis, yon estasyon ponpye, oubyen yon lòt sèvis kominotè. Aprann konnen kisa yo fè, epi remèsye yo pou sèvis yo.

jèn ki sou balanswa — Prezante tèt ou bay yon nouvo moun, epi envite moun nan pou l jwe avèk ou.

emoji yon figi souriyan — Fè pratik sou sèlman itilize bon pawòl ki ka fè yon moun kontan, pa tris. Pale sou sa w ka di si yon moun di w bagay ki pa janti.

jèn ki gen konfizyon — Fè pratik sou fason pou w kalme w lè w fache. Paregzanp, kenbe souf ou, konte jiska 10, oubyen imajine w nan yon kote w prefere

jèn k ap pale — Prezante tèt ou bay yon nouvo moun nan lekòl ou, nan vwazinaj ou, nan pawas oubyen branch ou. Ede moun sa a rankontre lòt moun.

Ide pou Devlopman Fizik

jèn k ap priye

jèn k ap fè manje — Ede prepare yon bon manje oubyen yon goute. Pataje l avèk fanmi w oubyen zanmi ou.

jèn k ap fè egzèsis — Fè yon bagay regilyèman pou aktive kò ou, tankou espò, dans, egzèsis, oubyen jwe deyò.

jèn k ap bwose dan l ak cheve l — Kenbe kò w pwòp chak jou. Benyen regilyèman. Bwose dan ou epi pran swen cheve w chak jou.

jèn k ap resikle — Fè yon bagay pou ede rann lakay ou yon kote ki bèl pou moun viv, tankou netwaye, dekore, oubyen travay nan lakou.

jèn k ap òganize zafè l — Fè paran w aprann ou kijan pou w repare oubyen pran swen bagay ou itilize.

jèn k ap pentire — Desine, pentire, oubyen trase yon foto, epi bay yon moun ou renmen li.

Jèn k ap jwe gita — Aprann chante yon chante, jwe yon enstriman, oubyen dirije mizik. Ofri pou w pataje konesans ou nan sware familyal oubyen nan lòt aktivite.

jèn k ap panse avèk manje. — Li Doctrin ak Alyans 89 pou w wè kisa Papa nou ki nan Syèl la pwomèt si w obeyi Pawòl Sajès la. Deside ki fason w ka pi byen viv li.

fanmi k ap monte mòn — Al mache oubyen monte mòn avèk fanmi ou oubyen zanmi ou pou w eksplore mond ki antoure w la.

moun k ap jwe twonpèt — Pataje youn nan talan w yo avèk yon moun ki poukont li.

moun k ap chèche yon kat jewografik — Fè plan avèk paran ou oubyen dirijan ou pou sa w dwe fè nan yon ka ijans.

Ide pou Devlopman Entèlektyèl

jèn k ap priye

jèn k ap peye dim — Aprann poukisa l enpòtan pou w peye dim. Bay Senyè a dis pousan nan sa w touche.

yon manman ak pitit fi li k ap li — Li yon liv sou yon nouvo sijè, oubyen li yon liv ki pi long pase lòt liv ou abitye li.

fanmi k ap itilize yon konpitè — Fè yon lis sou règ fanmi w etabli pou itilizasyon entènèt oubyen App.

jèn k ap li — Chwazi yon bagay ki enterese ou, epi aprann tout sa w kapab sou li.

moun ki nan yon mize — Vizite yon mize oubyen yon evènman kiltirèl nan zòn ou an. Pale avèk zanmi w oubyen fanmi ou sou yon bagay nouvo w aprann.

moun k ap ranje machin — Vizite kèk moun ou konnen nan travay yo pou w ka aprann kisa y ap fè ak fason yo fè li.

moun k ap pale — Sa gen dwa yon moun ou konnen oubyen yon moun nan listwa oubyen nan ekriti yo. Deside kijan w ka vin plis tankou yo.

tablo, koz ak konsekans — Tout chwa gen konsekans, ki se bagay ki rive kòm rezilta sa w fè. Fè you lis sou kèk chwa ak konsekans yo.

Moun k ap panse — Memorize yon ekriti, yon powèm, oubyen yon chan w prefere.

jèn k ap itilize telefòn (smartphone) — Aprann di alo ak lòt mo debaz nan yon lòt lang. Pratike avèk yon moun ki pale lang sa a, si sa posib.

jèn k ap ekri — Ekri yon istwa sou lavi ou oubyen sou yon manm nan fanmi ou.