«Գաղափարներ կյանքի բոլոր ասպարեզներում զարգանալու համար», Անձնական զարգացում․ Երեխաների ուղեցույց (2019)
«Գաղափարներ կյանքի բոլոր ասպարեզներում զարգանալու համար», Անձնական զարգացում․ Երեխաների ուղեցույց
Գաղափարներ կյանքի բոլոր ասպարեզներում զարգանալու համար
Հետևյալ էջերը պարունակում են գաղափարներ, թե դուք ինչպես կարող եք հետևե լՓրկիչին և զարգանալ ձեր կյանքի բոլոր ասպարեզներում։ Պարտադիր չէ, որ դուք օգտագործեք սրանք․ գուցե լավագույնը լինեն ձեր սեփական գաղափարները։ Աղոթեք այն մասին, թե ինչի վրա կարող եք աշխատել այս պահին։
Լրացուցիչ գաղափարներ կարող եք գտնել ChildrenandYouth.ChurchofJesusChrist.org-ում։
Մտքեր հոգևոր զարգացման համար
Ամեն օր կարդացեք Մորմոնի Գիրքը։
Զարգացրեք ամեն օր կարդալու սովորություն, եթե նույնիսկ դա լինի մի քանի հատված։
Պատրաստվեք տաճար գնալու համար
Սովորեք և ապրեք համաձայն «Ավետարանի իմ չափանիշների» (էջ 63), և հրավիրեք ուրիշներին նույնն անել։
Սովորեք Հավատո Հանգանակը
Անգիր սովորեք Հավատո Հանգանակը (էջ 62), և փորձեք հասկանալ դրանց նշանակությունը։
Բարելավեք ձեր աղոթքները
Նախքան աղոթելը մտածեք, թե ինչի համար եք երախտապարտ և ինչի հետ կապված ունեք օգնության կարիք։
Շնորհակալություն հայտնեք Երկնային Հորը ձեր օրհնությունների համար
Գրի առեք երեք բան, որոնց համար դուք շնորհակալ եք։ Փորձեք ամեն օր գրել երեք նոր բան։
Հանգստության օրը սուրբ պահեք
Որոշեք, թե ինչ կարող եք սկսել անել կամ դադարել անել, որպեսզի Հանգստության օրը դարձնեք հատուկ օր։
Ծառայեք որևէ մեկին
Փնտրեք ուղիներ օգնելու մեկին ձեր ընտանիքում, դպրոցում կամ եկեղեցում։
Կատարեք Ընտանեկան պատմության աշխատանք
Նամակ գրեք տատիկին, պապիկին, մորաքրոջը կամ հորեղբորը։ Խնդրեք նրանց պատմել իրենց մասին, երբ ձեր տարիքում էին։
Կիսվեք ավետարանով
Ձեր ընկերներից մեկի հետ զրուցեք ավետարանի մասին։ Հրավիրեք ձեր ընկերոջը եկեղեցի կամ միջոցառման։
Սովորեցրեք ավետարանը
Ուսուցանեք սուրբ գրությունների ձեր սիրած պատմությունը ձեր ընտանիքին։ Բեմադրեք այն կամ նկարներ նկարեք, որոնք կօգնեն ձեզ ուսուցանելիս։
Երգեք Երեխաների Միության երգ
Երգեք ընտանիքի անդամի հետ։ Ուշադրություն դարձրեք, թե ինչ զգացողություններ եք ունենում լավ երաժշտություն լսելիս։
Մտքեր սոցիալական զարգացման համար
Որո՞նք են ձեր գաղափարները։
Սովորեք ընտանիքի մասին
Կարդացեք «Ընտանիք․ հայտարարություն աշխարհին» ուղերձը և զրուցեք ձեր ծնողների հետ ձեր սովորածի մասին։
Սեր ցուցաբերեք ձեր ընտանիքի հանդեպ
Որևէ լավ բան արեք ձեր ընտանիքի անդամների համար։
Ներառեք ուրիշներին
Եղանակներ գտեք ժամանակ անցկացնելու կամ ծառայելու մեկին, ով իրեն մեկուսացած է զգում կամ գուցե ունի ձեր ընկերակցության կարիքը։
Սովորեք այլ մշակույթների մասին
Կարդացեք այլ մշակույթների մասին, զրուցեք այլ երկրներից եկած մարդկանց հետ կամ հաճախեք ձեր շրջապատում անցկացվող մշակութային տոնակատարությունների։
Ծառայեք ձեր հարևաններին։
Ձեր ծնողների կամ ղեկավարների հետ ինչ-որ բան արեք ձեր համայնքում՝ օգնելով կարիքի մեջ գտնվողներին։
Սովորեք ներողություն խնդրել և ներել
Բեմադրեք իրավիճակներ, երբ մարդը պետք է ներողություն խնդրի կամ ների։ Փորձեք, թե ինչպես կարող եք կիսվել ձեր զգացողություններով և արձագանքել։
Տեղեկացեք ձեր համայնքի մասին
Այցելեք ոստիկանություն, հրշեջ կայան կամ այլ հասարակական կառույց։ Սովորեք, թե ինչ են նրանք անում և շնորհակալություն հայտնեք նրանց ծառայության համար։
Ընկերացեք մեկի հետ
Ներկայացեք մի անծանոթի և հրավիրեք նրան խաղալ ձեր հետ։
Օգտագործեք լավ բառեր
Փորձեք օգտագործել միայն այնպիսի բառեր, որոնք մարդուն ուրախություն, այլ ոչ թե տխրություն կպարգևեն։ Խոսեք այն մասին, թե ինչ կարող եք ասել, երբ մեկը վատ բառեր է ասում ձեզ։
Սովորեք զսպել ձեզ
Փորձեք հանգստանալ, երբ զայրացած եք։ Օրինակ, խորը շունչ քաշեք, հաշվեք մինչև 10-ը, կամ պատկերացրեք, որ դուք հաճելի մի վայրում եք։
Ողջունեք ուրիշներին
Ներկայացեք մի անծանոթի ձեր դպրոցում, բակում, ծխում կամ ճյուղում։ Օգնեք այդ անձնավորությանը ծանոթանալ ուրիշների հետ։
Մտքեր ֆիզիկական զարգացման համար
Որո՞նք են ձեր գաղափարները։
Սովորեք ճաշ պատրաստել
Օգնեք պատրաստել որևէ առողջարար ուտեստ։ Հյուրասիրեք ձեր ընտանիքին կամ ընկերներին։
Ուժեղացրեք ձեր մարմինը
Ձեր մարմինը կանոնավոր կերպով պահեք շարժման մեջ, օրինակ՝ զբաղվեք սպորտով, պարեք, մարզվեք կամ բակում խաղացեք։
Հարգանք ցուցաբերեք ձեր մարմնի հանդեպ
Ձեր մարմինը մաքուր պահեք ամեն օր։ Կանոնավոր կերպով լոգանք ընդունեք։ Մաքրեք ձեր ատամները և խնամեք ձեր մազերը ամեն օր։
Հոգ տարեք ձեր տան մասին
Արեք մի բան, որ օգնեք դարձնել ձեր տունը հաճելի վայր ապրելու համար, ինչպես օրինակ՝ մաքրեք այն, զարդարեք կամ աշխատեք պարտեզում։
Հոգ տարեք ձեր սեփական իրերի համար
Խնդրեք ձեր ծնողներին սովորեցնել ձեզ վերանորոգել կամ հոգ տանել ձեր իրերի մասին, որոնք դուք օգտագործում եք։
Սովորեք արվեստի հետ կապված նոր հմտություն
Նկարեք, ներկեք կամ ուրվագծեք մի նկար և տվեք մեկին, ում սիրում եք։
Սովորեք երաժշտության հետ կապված նոր հմտություն
Սովորեք երգ երգել, որևէ գործիք նվագել կամ խմբավարել։ Առաջարկեք կիսվել ձեր հմտությամբ ընտանեկան երեկոյի կամ այլ միջոցառման ժամանակ։
Հնազանդվեք Իմաստության Խոսքին
Կարդացեք Վարդապետություն և Ուխտեր 89 գլուխը և տեսեք, թե Երկնային Հայրն ինչ է խոստանում, եթե դուք պահեք Իմաստության Խոսքը։ Որոշեք, թե ինչպես կարող եք լավագույնս ապրել դրա համաձայն։
Վայելեք ձեր ժամանակը բնության գրկում
Ընտանիքի կամ ընկերների հետ գնացեք զբոսնելու կամ արշավի, որպեսզի բացահայտեք ձեզ շրջապատող աշխարհը։
Կիսվեք ձեր տաղանդներով
Կիսվեք ձեր տաղանդներից մեկով մի մարդու հետ, ով միայնակ է։
Նախապատրաստվեք արտակարգ իրավիճակների համար
Ձեր ծնողների կամ ղեկավարների հետ ծրագիր կազմեք, թե ինչ պետք է անել արտակարգ իրավիճակներում։
Մտքեր մտավոր զարգացման համար
Որո՞նք են ձեր գաղափարները։
Սովորեք տասանորդի մասին
Սովորեք, թե ինչու է կարևոր տասանորդ վճարելը։ Ձեր եկամուտի տասը տոկոսը տվեք Տիրոջը։
Բարելավեք կարդալու ձեր հմտությունները
Կարդացեք որևէ նոր բանի վերաբերյալ գիրք, կամ կարդացեք մի գիրք, որն ավելի երկար է ձեր կարդացած գրքերից։
Սովորեք, թե ինչպես ապահով լինել համացանցում
Գրի առեք ձեր ընտանիքի կանոնները՝ կապված համացանցից կամ հավելվածներից օգտվելու հետ։
Սովորեք նոր բան
Ընտրեք ձեզ հետաքրքրող մի բան և սովորեք դրա հետ կապված հնարավոր ամեն բան։
Այցելեք կամ դիտեք մշակութային իրադարձություններ
Ձեր տարածքում այցելեք որևէ թանգարան կամ կամ մասնակցեք մշակութային իրադարձության։ Ձեր ընկերների կամ ընտանիքի հետ զրուցեք ձեր սովորած մի նոր բանի մասին։
Սովորեք տարբեր աշխատանքների մասին
Այցելեք ձեր ծանոթներից մեկին աշխատավայրում, որպեսզի իմանաք, թե ինչով են նրանք զբաղվում և ինչպես են անում այդ աշխատանքը։
Տեղեկացեք մարդկանց մասին, որոնցով դուք հիանում եք
Դա կարող է լինել ձեր ծանոթը կամ ինչ-որ մեկը պատմությունից կամ սուրբ գրություններից։ Որոշեք, թե ինչպես կարող եք ավելի նմանվել նրանց։
Սովորեք, թե ինչպես կատարել լավ ընտրություններ
Բոլոր ընտրություններն ունեն հետևանքներ, որոնք տեղի են ունենում ձեր արարքների արդյունքում։ Կազմեք որոշ ընտրությունների և դրանց հետևանքների ցանկ։
Բարելավեք ձեր հիշողությունը
Անգիր սովորեք ձեր սիրած սուրբ գրությունը, ոտանավոր կամ երգ։
Սովորեք նոր լեզու
Սովորեք ինչպես ասել Բարև և այլ հիմնական բառեր այլ լեզվով։ Հնարավորության դեպքում գործածեք դրանք մեկի հետ, ով խոսում է այդ լեզվով։
Գրեք պատմություն
Պատմություն գրեք ձեր կյանքի մասին կամ ձեր ընտանիքի անդամներից մեկի մասին։