Tamaiti ma le Autalavou

Manatu mo le Tuputupu Ae i Vaega Uma o le Olaga

“Manatu mo le Tuputupu Ae i Vaega Uma o le Olaga,” Atinaega Faaletagata Lava Ia: Tusitaiala mo Tamaiti (2019)

“Manatu mo le Tuputupu Ae i Vaega Uma o le Olaga,” Atinaega Faaletagata Lava Ia: Tusitaiala mo Tamaiti

Manatu mo le Tuputupu Ae i Vaega Uma o le Olaga

O itulau o loo mulimuli mai e i ai ni manatu mo le auala e mafai ona e mulimuli ai i le Faaola ma tuputupu ae ai i vaega uma o lou olaga. E te le tau faaaogaina nei [manatu]—atonu o manatu sili ona lelei o ou lava ia! Tatalo e uiga i mea e mafai ona e galue ai i le taimi nei lava.

E mafai ona e maua nisi manatu i le ChildrenandYouth.ChurchofJesusChrist.org.

faaleagaga, faaleagafesootai, faaletino, faaleatamai

Manatu mo le Tuputupu Ae Faaleagaga

talavou o loo tatalo

talavou o loo faitau tusitusiga paia — Fai se mausa o le faitau i aso uma, e tusa lava pe na o ni nai fuaiupu.

talavou i le malumalu — Aoao ma ola i “O O’u Tulaga Faatonuina Faaletalalelei” (itulau e 63), ma valaaulia isi e faia foi faapena.

talavou o loo faitauina — Tauloto le Mataupu Faavae o le Faatuatua (itulau e 62), ma aoao po o a o latou uiga.

talavou o loo faitau — Ae e te le’i tatalo, mafaufau e uiga i mea e te faafetai ai ma mea e te manaomia ai le fesoasoani.

lisi e siaki ai — Tusi i lalo mea e tolu e te faafetai ai. Taumafai e tusi ni mea fou se tolu i aso taitasi.

aiga o i fafo o le faletatalo — Filifili po o le a le mea e mafai ona e amata faia pe taofi ona faia ina ia avea ai le Sapati o se aso faapitoa.

talavou o loo faamamaina — Tagai mo ni auala e fesoasoani atu ai i se tasi i lou aiga, i le aoga, po o le lotu.

matua o matua — Tusi se tusi i se matua o matua, uso/tuafafine o tama po o tina, uso/tuagane o tama po o tina. Fai atu ia i latou e faamatala atu ia te oe se tala e uiga i le taimi ao latou pei ai o lou matua.

tagata o loo talatalanoa — Talanoa atu i se uo e uiga i le talalelei. Valaaulia lau uo i le lotu po o se gaoioiga.

faitauga faaleaiga — Aoao atu se tala faatusipaia e te fiafia i ai i lou aiga. Faatino pe tusi ni ata e fesoasoani ia te oe i le aoaoina atu.

talavou o loo taina le kitara — Usu faatasi ma se tagata o le aiga. Matau le auala e aumai ai e le faalogologo i musika lelei ni lagona ia te oe.

Manatu mo le Tuputupu Ae Faaleagafesootai

talavou o loo tatalo

o le aiga o loo savavali faatasi — Faitau le “O le Aiga: O Se Folafolaga i le Lalolagi,” ma talanoa i ou matua e uiga i mea sa e aoaoina.

o le aiga i le laulau — Fai se mea manaia mo tagata o i lou aiga.

autalavou o loo savavali — Saili ni auala e faaalu ai le taimi ma/pe auauna atu i se tasi o lē atonu e lagona le le amanaiaina pe atonu e manaomia lau faauooga.

talavou ma le lama (manu) — Faitau e uiga i isi aganuu, talanoa i tagata mai isi atunuu, po o le alu i se faafiafiaga faaleaganuu e lata ane ia te oe.

talavou o loo gaugauina ni lavalava — Faatasi ai ma ou matua po o taitai, fai se mea i lou atunuu po o nuu e fesoasoani atu ai i tagata e le tagolima.

talavou o loo i ai se manu’a — Faatino ni tulaga lea e manaomia ai e se tasi ona faatoese pe faamagalo atu. Faataitai pe faapefea ona faasoa atu ou lagona ma le tali atu.

talavou i fafo o le falefaamasino — Asiasi i le ofisa o leoleo, fuimu, po o nisi auaunaga faaleatunuu pe faalenuu. Aoao e uiga i mea latou te faia, ma faafetai atu ia i latou mo la latou auaunaga.

talavou o loo tāūpe — Faailoa atu oe lava i se tagata fou, ma valaaulia le tagata lua te taaalo.

faailoga emoji o le foliga fiafia — Faataitai ona faaaoga na o upu o le a faafiafia ai se tasi, ae le o le faanoanoa. Talanoa e uiga i upu e mafai ona e fai atu pe a fai mai e se tasi ni upu agaleaga ia te oe.

talavou faalotolotolua — Faataitai le toafilemu pe a e lagona le ita. Mo se faataitaiga, fai ni manava loloto, faitau i le 10, pe mafaufau o loo e i ai i se nofoaga e te fiafia i ai.

talavou o loo tautala — Faailoa atu oe lava i se tagata fou i lau aoga, alalafaga, po o le uarota po o le paranesi. Fesoasoani atu i lenei tagata ia feiloai atu i isi tagata.

Manatu mo le Tuputupu Ae Faaletino

talavou o loo tatalo

talavou o loo kuka — Fesoasoani e saunia se meaai po o se meaai māmā paleni. Faasoa atu i lou aiga po o uo.

talavou o loo faamalositino — Fai se gaoioiga i taimi uma e faaminoi ai lou tino, e pei o ni taaloga, siva, faamalositino, po o le taalo i fafo.

talavou o loo palasiina nifo ma le lauulu — Tausia ia mama lou tino i aso uma. Ia taele e le aunoa. Palasi ou nifo ma tausia lelei lou lauulu i aso taitasi.

talavou o loo toe faaaogaina [mea ua le toe aoga] — Fai se mea e fesoasoani e avea ai lou fale ma se nofoaga manaia e nofo ai, e pei o le faamamaina, teuteuina, po o le tapenaina o le fanua.

talavou o loo faatulagaina meatotino — Fai atu i ou matua e aoao atu ia te oe le auala e lipea ai pe tausia lelei ai mea e te faaaogaina.

talavou o loo valiina [se ata] — Tusi, vali, pe tosi se ata, ma avatu i se tasi e te alofa i ai.

talavou o loo taina le kitara — Aoao pe faapefea ona usu se pese, taina se meafaifaili, pe taitaiina se musika. Ofo e faasoa atu lou tomai i se afiafi faaleaiga po o se isi gaoioiga.

talavou o loo mafaufau e uiga i ni meaai māmā — Faitau le Mataupu Faavae ma Feagaiga 89 e vaai ai po o le a le mea na folafola mai e le Tama Faalelagi pe afai e te tausia le Upu o le Poto. Filifili pe faapefea ona lelei atu ona e ola ai.

savaligasopo faaleaiga — Alu i se savaliga po o se savaligasopo ma le aiga po o uo e sailiili ai i le lalolagi o siomiaina oe.

tagata o loo iliina ni putoso — Faasoa atu se tasi o au taleni ma se tasi o loo tuuatoatasi.

o tagata o loo tilotilo i se faafanua — Fai faatasi ma ou matua po o taitai se fuafuaga mo le mea e fai i se faalavelave faafuasei.

Manatu mo le Tuputupu Ae Faaleatamai

talavou o loo tatalo

talavou o loo totogi le sefuluai — Aoao pe aisea e taua ai le totogi sefuluai. Avatu le sefulu pasene o au tupe maua i le Alii.

tina ma le tama teine o loo faitau — Faitau se tusi e uiga i se mataupu fou, pe faitau se tusi e umi atu nai lo le mea e masani ona e faitaua.

aiga o loo faaaogaina le komepiuta — Fai se lisi o tulafono o lou aiga mo le faaaogaina o le initoneti po o polokalama.

talavou o loo faitau — Filifili se mea e te fiafia i ai, ma aoao mea uma e te mafaia e uiga i ai.

tagata i le falemataaga — Asiasi i se falemataaga po o se gaoioiga faaleaganuu i la outou eria. Talanoa i au uo po o le aiga e uiga i se mea fou na e aoaoina.

tagata o loo faaleleia se taavale — Asiasi i se tasi e te iloa i la latou galuega e aoao ai i se mea latou te faia ma le auala o galue ai ni mea.

tagata o loo talatalanoa — O lea tagata atonu o se tagata e te iloaina po o se tasi mai le talafaasolopito po o tusitusiga paia. Filifili pe faapefea ona e avea atili faapei o i latou.

siata, mafuaaga ma aafiaga — O filifiliga uma ua tofu ma ni taunuuga, o mea e tutupu o se taunuuga o le mea e te faia. Fai se lisi o nisi o filifiliga ma o latou taunuuga.

tagata o loo mafaufau — Tauloto se mau, solo, po o se pese e sili ona e fiafia i ai.

talavou o loo faaaoga le telefonipoto — Aoao e fai atu hello ma nisi upu autu i se isi gagana. Faataitai ma se tasi e tautala i lena gagana, pe a talafeagai ai.

talavou o loo tusitusi — Tusi se tala e uiga i lou olaga pe e uiga i se tagata o le aiga.