O Ou Tulaga Faatonuina Faaletalalelei

E fesoasoani tulaga faatonuina o le talalelei e te amio ai i ni auala e faia e Iesu. Atonu latou te tuuina atu ia te oe ni manatu mo ni gaoioiga fou e fuafua ma faia.

• O le a ou mulimuli i le fuafuaga a le Tama Faalelagi mo a’u.

• O le a ou manatua au feagaiga o le papatisoga ma faalogo i le Agaga Paia.

• O le a ou filifilia le mea sa’o. Ou te iloa e mafai ona ou salamo pe a ou faia se mea sese.

• O le a ou faamaoni i le Tama Faalelagi, i isi, ma au lava.

• O le a ou faaaoga ma le faaaloalo suafa o le Tama Faalelagi ma Iesu Keriso.

• O le a ou le palauvale pe faaaoga upu masoa.

• O le a ou faia mea i le Sapati o le a faapea ona fesoasoani ou te lagona ai le latalata atu i le Tama Faalelagi ma Iesu Keriso.

• O le a ou ava i o’u matua ma fai la’u vaega e faamalosi ai lo’u aiga.

• O le a ou tausia lo’u mafaufau ma lo’u tino ia paia ma mama, ma o le a ou le tagofia mea e leaga mo a’u.

• O le a fai faalelei o’u lavalava e faaali ai lo’u faaaloalo i le Tama Faalelagi ma a’u lava.

• O le a ou faitau, matamata, ma faalogologo i na o mea lava e fiafia i ai le Tama Faalelagi.

• O le a ou faalogologo i na o musika e fiafia i ai le Tama Faalelagi.

• O le a ou sailia uo lelei ma agalelei atu i isi.

• O le a ou ola nei ia agavaa e alu atu i le malumalu ma fai la’u vaega ina ia maua se aiga e faavavau.